Ascencion of the Lord (C)

PAGPADAYON SANG IYA MISYON

Kita nga mga Pilipino may ara nga “unique” o pinasahi nga pamaagi sa pagtawag sa iban nga tawo. Kag ini paagi sa PAGPASIT-SIT sa ila ukon ang paghimo sang “PSST” nga tunog. Kon ikaw ara sa iban nga pungsod kag indi ikaw segurado kon ang tawo nga yara sa una o sa kilid mo isa ka Pilipino, taga-Thailand ukon taga-Malaysia, magpasit-sit  ka lang. Kon sia magbalikid o magtulok sa imo, bal-an mo nga nakita mo na ang imo ‘kababayan’.

Apang indi lang ina ang “unique” sa aton nga mga Pinoy. Kita nagatudlo man sang direksyon paagi sa aton mga BIBIG. Kita lang ang tawo sa bug-os nga kalibutan nga nagatudlo sa tawo, butang, lugar o direksyon gamit ang aton bibig nga daw sa ‘buli sang pato’. Amo kita sina ka-unique sang sa iban nga rasa sang tawo.

Ang Pagkayab ni Ginoong Jesu-Kristo pa-langit nagapahanumdom sa aton sang duha ka butang: Una, ang aton Katapusan nga ‘Destinasyon’ nga amo ang langit. Kag ikaduha, ang aton Misyon nga dalhon ang tanan nga mga tawo pa-langit.

Suno sa mga pulong sang aton Ginuo sa aton nga Ebanghelyo subong nga Dominggo, nga tungud sa Iya pagkabanhaw sa mga minatay, ang paghinulsul kag kapatawaran sang mga sala, igabantala sa bug-os nga kalibutan, magsugud sa Jerusalem.

Ini nagakahulugan lamang nga paagi sa Iya nga pagkabanhaw, ang tanan napaha-uli na sa “KAANGTANAN” sa aton Amay sa langit... ang ginakabig nga mga “patay” tungud sang kasal-anan, may kahigayunan na nga “mabuhi liwat” tungud sa pagkabanhaw sang aton Ginuo. Ang pagkabanhaw nagahatag sa aton sang kahigayunan nga mag-angkon indi lamang sang “2nd life” kundi sang kabuhi sa KABUGANAAN! A life fulfilled! A life FULL and FILLED!

Sa karon nga Dominggo, ginasaulog naton ang  Kapiestahan sang Pagkayab sang aton Ginuo sa langit… Siya magahalin sa aton tunga, apang sa  gihapon ang Iya nga misyon magapadayon paagi sa ATON.– KITA ang Iya gintugyanan sa pagpadayon sa pagbantala sang Maayong Balita nga nangin bunga sang Iya nga Pagkabanhaw gikan sa mga minatay, kag ini nga bunga amo ang KAPATAWARAN sang mga sala!

Kita na karon ang mangin INSTRUMENTO kag ALAGYAN sa pagbantala nga may yara kita nga Amay sa langit nga bukas sa mga mahinulsulon, sa pagpatawad sa ila, kag handa sa pag-uli liwat sa aton sang aton nadula nga dignidad bilang mga anak sang Diyos!

Bilang mga instrumento, kita dapat mangin alagyan sa pagpaluntad sang pagpatawad sa aton tunga… kita dapat MAGPINATAWARAY SA ISA SA KAG ISA!

Kabay nga kita bilang mga binunyagan nga mga Katoliko nga mga Kristiano mangin kakat gid pirme sa pagpasit-sit o pagtawag sa iban kag sa pagtudlo o pag-una sa ila sa dalan pakadto sa langit.

Ang Pagkayab sang aton Ginoo isa ka kamatuoran nga nahanabo na sang una… kag padayon ini nga magaluntad sa aton tunga paagi sa aton pagkabuhi suno sa Iya nga ginbilin nga sulundan.

         

ANECDOTE

   ONE MISTAKE

The employee stormed angrily into the cashier’s office. .What’s the meaning of this? I just counted my pay and it’s fifty-pesos short!.

The cashier examined the envelope, then checked his records. .Last week we paid you fifty-pesos more. You didn’t complain then, did you?..

Look. said the employee. .An occasional mistake I can overlook - but two in a row is too much!.

FOOD FOR THOUGHT

“Forgiveness is freeing up and putting to better use the energy once consumed by holding grudges, harboring resentments, and nursing unhealed wounds. It is rediscovering the strengths we always had and relocating our limitless capacity to understand and accept other people and ourselves.”