2nd Sunday of Advent (C)

DOMINGO SANG PAGTUO

  Sa aton pagsaulog sang ika-duha nga Domingo sang Adbiento, aton ginasindihan ang ika-duha nga kandila nga morado. Ini ginarepresenar sang aton nga PAMATAN-ON sang aton nga Parokya ukon sang aton nga Katilingban nga amo ang aton tiglawas sa pagpahayag sang aton nga PAGTUO.

  Padayon ang aton nga paghulat sa pag-abut sang aton nga Ginoo nga matawo sa aton tunga, kag sa sini nga semana, ginalikupan ang aton panahon sang balatyagon sang pagtuo, nga sa bisan ano pa man nga kahimtangan ang Dios magapahayag sang Iya nga paghigugma kag kaluoy sa aton paagi sa paghatag sang KATUMANAN sang Iya ginpangako sa aton mga katigulangan.

  Amo ini nga panimuot ang ginapahayag sang aton mga pamatan-on. Ang ila pagginawi nagapahayag sang pagtuo, tungud ang mga pamatan-on, madamo sang mga handum sa ila nga kabuhi. Sila ang tanda sang mga “ideyalismo” nga nagalantaw sang isa ka masanag nga bwasdamlag sa tagsa ka kabuhi.

  Huluwaran ang mga pamatan-on tungud sang pagtuo nga ila ginahuptan sa ila kasing-kasing, apang madamo man karon nga mga pamatan-on ang nadudulaan sini nga panimuot– panimuot nga NAGAHANGAD sang isa ka MATAHUM NGA BWASDAMLAG sa ilang kabuhi.

  Pila ayhan sa aton mga pamatan-on ang masiling naton nga nagapangatubang sang ila mga responsibilidad? Pila ayhan sa ila ang nagahimud-os nga maglambut sang ila handum paagi sa pagbutho sing matutum, kag sa pagsunod sang ila dapat nga mga buluhaton?

  Sa pagkadamo subong sang aton mga pamatan-on ang nangin biktima sang halit sang mga druga, peer-grouping, mga uyaya sa ila pag-eskwela kay nawili nalang sa paglinakwatsa, kag ang iban sa ila ginagamit pa sang mga sindikato sa pagsabwag sang kalainan sa aton nga tunga.

  Bugtaw mga pamatan-on! Ipahayag ang inyo PAGTUO! Indi ninyo paggub-a ang inyo BWASDAMLAG!

                                                                                                                                                                                                                                              

PAMALANDONG SA EBANGHELYO

MAGBIYA SA SALA MAG MAGPABAUTISO

  Si San Juan Bautista amo ang ginakabig nga pinakadaku sa tanan nga mga Propeta, tungud siya amo ang nagnin responsable sa pagpakilala sa Manluluwas nga madugay na nga gintagna sang mga propeta sa daan nga mga Kasulatan. Siya amo ang ‘katapusan’ sa mga propeta ‘sang una’, kag ang ‘ginsuguran’ sang mga propeta sa panahon sang aton Ginoo. Sa bagay nga si San Juan amo ang ginakabig nga ‘kapupun-an’ sang tanan nga mga nagpanagna sa pagkari sang Manluluwas.

  Ang iya nga mensahe subong amo ang PAGHINULSOL sa mga sala kag ang PAGTUO sa maga-abut nga Manluluwas. Ang paghinulsol nga ginapahayag paagi sa pagbiya sa aton mga sala paagi sa pagtadlong sang aton tiko nga pangabuhi… ang pagtapan sang aton nagapanglumapaw nga bugal… ang pagkaayo sang mga kalainan nga aton ginpangbuhat… kag ang pagpuno sang aton mga kakulangan. Amo ini ang mga tikang nga iya ginpahayag nga dapat naton buhaton, agud kita mapatawad sang Dios kag magaabut sa aton ang kaluwasan nga aton ginalauman.

  Ang pagpabautiso isa ka pagpahayag sang PAGTUO nga sa aton kabuhi ang Dios amo ang mangin UNA sa aton nga kabuhi, tungud sa bunyag, kita nangin ANAK sang Dios, kag Siya nangin aton nga AMAY.

  Sa sining Domingo sang PAGTUO, aton nga sabton ang panawagan ni San Juan Bautista paagi sa aton pagpanibag-o, kag aton maagum ang KALUWASAN.

ANECDOTE

The Confession Session

The new priest is nervous about hearing confessions, so he asks an older priest to sit in on his sessions.

The new priest hears several confessions, then the old priest asks him to step out of the confessional for a few suggestions.

The old priest suggests, "Cross your arms over your chest and rub your chin with one hand."

The new priest tries this.

The old priest then suggests, "Try saying things like, 'I see, yes, go on, and I understand, how did you feel about that?"

The new priest says those things, trying them out.

The old priest concludes, "Now, don't you think that's a little better than slapping your knee and saying, 'No way! What happened next?'"

FOOD FOR THOUGHT

“He who rejects change is the architect of decay. The only human institution which rejects progress is the cemetery.” (Harold Wilson)

“If we don't change, we don't grow. If we don't grow, we aren't really living.”  (Gail Sheehey)

“If you're in a bad situation, don't worry it'll change. If you're in a good situation, don't worry it'll change.” (John A. Simone, Sr.)