4th Sunday of Advent(C)

DOMINGO SANG KAPUPUN-AN

  Sa aton pagsaulog sang ika-apat nga Domingo sang Adbiento, aton ginasindihan ang ika-apat kag katapusan nga kandila nga morado. Ini ginarepresentar sang aton nga ginpili nga LOLA sang aton nga Parokya ukon sang aton nga Katilingban nga amo ang aton tiglawas sa pagpahayag sang KAPUPUN-AN O KATUMANAN.

  Sa sining ika-apat nga Domingo, kita nagalantaw na sa katumanan sang plano sang Dios nga mangin bahin Siya sang maragtas sang tawo agud matigayon ang kaluwasan nga amo ang Iya nga regalo sa aton tanan. Bisan pa nga nagmangin-malalison kita sa Iya tungud sang aton kasal-anan, wala ini nagmangin-upang sa pagbubo sa aton sang Iya nga paghigugma. Paagi sa Iya nga paghatag sa aton sang Iya Anak, ginbuksan Niya para sa tanan ang ganhaaan sang langit agud nga kita man makapakig-ambit sang Iya Diosnon nga himaya kag kalipay sa Iya nga Ginharian.

   Ang mga katigulangan matahum nga nagapahayag sini sa ila kinabuhi. Ang malawig nga kinabuhi nga ginhatag sa ila nagapahayag sang pagpalangga sang Mahal nga Dios. Sa Santos nga kasulatan, ginasiling sa nga “ang paghigugma sang Dios ginapakita paagi sa Iya paghatag sang malawig nga kabuhi, sitenta (70) para sa mga mabakud kag otsenta (80) para sa mga mas mabakud.” Ang mga katigulangan nagalaragway sang katumanan ukon kapupun-an tungud para sa ila, kumpleto na ang ila kabuhi. Wala na sila sang ginahandum pa nga iban tungud malipayon na sila sa ila mga kabataan kag mga kaapohan. Kon may handum gid man sila, ini amo nga sila makataliwan na nga matawhay kag kontento tungud nabuhat na nila ang ila mga buluhaton… nadalagan na nila ang ila nga dalaganon… kag tion na ini sa pag-ani sang ila mga ginpanggas sa ‘uyapad’ sang kabuhi.

  Dalayawon gid ang mga katigulangan tungud sa ila mga mata, makita naton ang istorya sang nagliligad nga amo ang nagdihon sa aton kon paano kita nangin amo sini sa subong nga panahon. Hatagan ta sang pagtamud kag pagpalangga ang aton katigulangan!

                                                                                                                                                                                                                                              

PAMALANDONG SA EBANGHELYO

 DAKU NGA BUTANG?

  Halimbawa sa aton mga okasyon, pareho abi sang aton nga kaadlawan, nangin bisita mo si Mayor, si Gobernor, ukon ang iban nga mga ‘lutaw’ nga mga tawo sa aton nga lugar, indi bala nga nagapanglumapaw ang imo nga kalipay, kay ginhatagan ka gid nila sing tini-on nga makaupod sa imo nga okasyon? Ang maathag nga kahulugan sini nga ikaw importante man para sa sini nga mga tawo… sa isa ka bagay, ayhan masiling mo nga PALANGGGA ka nila!

  Amo ini ang balatyagon ni Elisabet sang ginbisita siya sang aton Mahal nga Iloy Birhen Maria. Natalupangdan ni Elisabet ining pagpalangga sang iya nga paka-isa sa iya nga karon indi na sang isa ka ’ordinaryo’ nga babayi lamang, kundi ang Iloy sang Manluluwas sang kalibutan– ang Iloy sang iya nga Ginoo!

  Ang presensya ni Maria nagahatag sa aton sang kasulhay kag kalipay tungud gani nga siya ginhatagan sang grasya sang Mahal nga Dios nga amo ang mangin ’alagyan’ sang Iya nga pagkatawo.

  Ang pagsalig ni Maria sa pulong sang Dios sa pagtunda sang angel sa iya, amo ang nangin lyabe agud mabutang sa Dios sa husto nga katumanan ang Iya nga plano.

  Padayon nga nagadala sa aton sang kalipay ang aton Mahal nga Iloy, kag para sa iya, ang tagsa-tagsa sa aton malahalon, kay tungud sa sini nga pagpakamahal nga siya naghatag sang iya nga ‘hio’ nga matuman ang pagbulut-an sang Dios. Dayawon ta si Maria!

ANECDOTE

Darla's Doctor Visit

A woman takes her 16-year-old daughter to the doctor.

The doctor says, "Okay, Mrs. Jones, what's the problem?"

The mother says, "It's my daughter Darla. She keeps getting these cravings, she's putting on weight, and is sick most mornings."

The doctor gives Darla a good examination, then turns to the mother and says, "Well, I don't know how to tell you this, but your Darla is pregnant - about 4 months, would be my guess."

The mother says, "Pregnant?! She can't be, she has never ever been left alone with a man! Have you, Darla?"

Darla says, "No mother! I've never even kissed a man!"

The doctor walked over to the window and just stares out of it.

About five minutes pass and finally the mother says, "Is there something wrong out there doctor?"

The doctor replies, "No, not really, it's just that the last time anything like this happened, a star appeared in the east and three wise men came over the hill. I'll be darned if I'm going to miss it this time!"

FOOD FOR THOUGHT

“Remember, the greatest gift is not found in a store nor under a tree, but in the hearts of true friends.” (Frances Farmer)