22nd Sunday in Ord. Time (B)

TAMPAD VS PAKUNO-KUNO

“Paano naton mahibalu-an ang minatuod sa butig? Paano naton makilala ang “tunay” sa “peke”? Ang pang-”gwa” nga pagkatawo sarang makabulag sa aton sa minatu-od nga tinutuyo nga yara nagaluntad sa tagipusu-on sang tawo. Si Propeta Isaias nagpanagna sini sa iya nga libro: “nga ang Ginuo indi maghukum paagi sa Iya makita, ukon paagi sa sugid-sugid lang; Pagahukman Niya ang mga imol sing nagaka-igo kag apinan Niya ang kinamatarong sang mga mapa-inubuson.” Buot silingon nga ang Diyos indi malimbungan tungud sa aton ginapakita nga pamatasan, tungud Siya nagalantaw sa SULUD sang aton nga kasing-kasing! Amo gani nga mabaskug gid nga ginsulit sang aton Ginuo ang mga pulong ni Isaias nga Propeta ang nahanugud sa mga tawo nga ang ila pagkabuhi, indi sang tampad, kundi PAKITA-KITA lamang: “Ang Diyos nagsiling, ginapadunggan ako sining mga tawo sang ila mga BIBIG, pero ang ila tagipusu-on MALAYO gid sa Akon. Wala sing pulos ang ila pagsimba sa akon, kay ginapatuman nila ang mga kasugu-an sang tawo subong mga kasugu-an sang Diyos!” Ini sila gintawag sang aton Ginuo sa mga pulong nga SALIMPAPAW, tungud gani MANABAW ang ila pagkabuhi nga wala mapasad sa kamatuoran kundi sa KABUTIGAN!

Pila ayhan sa aton ang nagapati sa sini nga hulubaton: “Follow what I say, but don’t follow what I do”? Amo ini ang sayup sang mga manunudlo sang kasugu-an kag sang mga Pariseo sang panahon sang aton Ginuo! Kon amo sini ang aton pagkabuhi, masiling naton nga ang aton pagkabuhi isa ka BUTIG! Tampad gid bala kita sa aton pulong paagi sa paghatag katumanan sini sa aton buhat?

ANO ANG YARA SA SULOD?

May isa ka dalaga nga nagkompesar sa pari! Siling niya: “Father, subong nga aga, sobra gid isa ka oras nga ako nagpinungko sa atubangan sang espeho kag nagdinayaw sa akon ka-gwapa! Ano bala ang akon pinetensya?” Ang pari nagsabat: “Wala anak! Ang pinetensya ginahatag lamang sa nakasala, indi sa isa ka nga ilusyunada!”

Sa aton moderno nga panahon, may ara nga sobrante nga pagdayaw sa mga butang nga makita sa gwa ukon sa ‘external’. Lantawa lang bala ang madamu nga mga ‘commercials’ sa ‘tv’ nga nagabaligya sang mga produkto nga nagahimo sa isa ka tawo nga mas gwapo o gwapa, mas maputi, mas may manami nga buhok ukon ‘simply irresistible’ sa ‘opposite sex’.  Gani ang tawo nagagasto sang sobra-sobra nga kwarta para lang mapakita sa iban kon ano sila kagwapo o kagwapa, o manami tulukon.

Apang kon matabo abi sa imo nga, sa hinali lang, ikaw nangin si ‘superman’ nga ginhatagan sang gahum sang ‘x-ray vision’ nga sarang mo makita ang sulod sang taguipusuon kag kalag sang tagsa ka tawo. Wala ka na gatulok sa gwa kundi sa sulod sang tagipusuon kag kalag gid mismo sang iban. Nagatulok ikaw sa imo mga abyan kag kakilala kag imo makita ang ila mga sekreto nga mga ambisyon, balatyagon, plano, panumduman, kag sala. Sigurado gid ako nga makibut ka gid sa imo makita kag matukiban nga damu gali sa mga manami lantawon sa gwa ang puno sa sulod sang bugal, kahisa, kaakig, dumot, kaharot, kag pagka-akupan; kag damu man nga tawo nga daw kabos sa imo panulok tungod kay indi gid man sila sang manggaranon, daw indi edukado kag daw malaw-ay, nga amo pa gani ang may matahum kag puraw nga taguipusuon.

Karon, kon imo man dabi gamiton ina nga ‘x-ray vision’ sa imo kaugalingon, ano bala ang imo makita? Malipay ka bala sa imo makita? Gwapo o gwapa gid man bala ang sa sulod mo? Importante gid ini katama nga sahi sang paglantaw kay tungod amo gid ini kon paano magtulok ang Dios sa tawo.

CONSULTATION FEES

A lawyer's dog, running around town unleashed, heads for a butcher shop and steals a roast. The butcher goes to the lawyer's office and asks, "if a dog running unleashed steals a piece of meat from my store, do I have a right to demand payment for the meat from the dog's owner?" The lawyer answers, "Absolutely."
"Then you owe me P400.00. Your dog was loose and stole a roast from me today."
The lawyer, without a word, writes the butcher a check for P400.00. The butcher, having a feeling of satisfaction, leaves.
Three days later, the butcher finds a bill from the lawyer: P3,000.00 due for a consultation.

FOOD FOR THOUGHT

Every time you smile at someone, it is an action of love, a gift to that person, a beautiful thing.

(Mother Teresa)