21st Sunday in Ord. Time (B)

PULONG SANG KABUHI!

“Ang mga pulong nga ginahambal ko sa inyo amo ang Espiritu kag ang Kabuhi!” Amo ini ang ginahatagan subong sang aton Ginuo sang igtalupangud– ang kaangtanan sang Pulong, sang Espiritu, kag sang kabuhi. Ang kalabanan sang mga gintutun-an indi makabatas sang ginhambal sang aton Ginuo ang nahanungud sang “pagka-on” sang Iyang unod, apang wala Siya magbaylo sang Iyang pagpanudlo, sa bagay nga Iya pa gid ginpadaluman ang kamatuoran nahanungud sini. Ginapahangup sang aton Ginuo sa mga gintutun-an nga ini nga “unod” wala sing pulos kon wala ang “Pulong” nga amo ang nagahatag sang matuod nga “Espiritu kag Kabuhi”. Sa pagpanudlo sang aton Ginuo, Iya ginapahibalo nga may kaangtanan ang Pulong, ang Unod, ang Espiritu, kag ang Kabuhi. Ini sa pagpamatuod man nga ang aton Ginuo amo ang Pulong nga nangin Unod, kag ini nga Pulong amo ang nagahatag sang Espiritu kag sang Kabuhi. Buot silingon nga indi sang bastante nga ginabaton lang naton ang unod sang aton Ginuo, kon una sa tanan, indi man kita bukas magbaton sang Iyang Pulong, kay paagi lamang sini nga aton mabaton ang KABUG-OSAN sang Kabuhi kag Espiritu.

Para sa aton Ginuo, ang Pulong-Unod-Kabuhi-Espiritu isa ka naangut nga kamatuoran, kag indi pwede nga ihamulag ang isa sa isa. Sa amo nga bagay, kita Iya ginaagda sa pagkabuhi sini nga kamatuoran. Ang aton pulong sarang man makahatag sang kabuhi sa aton isigkatawo o sarang man ini makahalit sa pag-guba sa ila. “For God, the Word is CONSTRUCTIVE!”- nagahatag sang kabuhi– may Unod. Kita paano ang aton pag-gamit sang aton Pulong. Nagabulig bala ini o nagahalit? Ang aton bala tinaga may “unod” o puro lang “hangin” kag “habok”? Tani indi lang kita puro hala kundi “GAWA”!

 MAGHALONG SA PAGPANGHUKUM!

“May ara nga buringot nga tigulang nga reklamador sa tanan nga bagay. Isa ka adlaw, nagkulomuron sia sang makita niya ang madamo nga agi sang lapukon nga tiil sa tanan nga parte sang iya balay. Sa iya kaakig, iya ginpatawag ang tanan niya nga mga kabulig kag ginpangmulay sila tungod sa nagdamulit nga higku sa iya balay. Iya sila ginpamangkut isa-isa kon sin-o sa ila ang may lapukon nga tiil nga naghigku sang iya balay. Sa iya katingala, wala gid sia sing may nakita nga may mahigku nga tsinelas o sapatos sa ila. Apang sa iya pagtulok sa iya mga tiil, didto kag iya nabal-an nga sia gali ya ang may lapukon kag mahigku nga tiil.”

Ang moral sang estorya nagasiling nga “ang palahusga sa sala sang iban amo pa gani, sa masami, ang damu sang sala kag dapat hulusgahan.”

Madamo nga mga tawo, pati na ang iya mga gintutun-an, nga indi makabatas sa pagpamati sa mga ginpanudlo ni Kristo gani sila nagbiya kag indi na mag-upod sa iya. Ining ila nga “murmuring” naghalin sa griego nga tinaga nga “goggyzo” kag nagapahanumdom sa aton sang pagkulumuron o pagngurob sadto anay sang mga Israelinhon batok kay Moises kag Aaron sa desierto sang sila wala na sang ilimnon(Ex.15:24) kag wala na sang kaunon(Ex. 16:3). Ini isa ka sahi sang rebelyon, indi lamang batok kay Moises kag Aaron kundi batok gid sa Dios. Gani si Moises nagsiling sa ila: “Ang inyo pagkulumuron indi para sa amon, kundi para sa Dios.”

Si Kristo nagkontra sa mga Judio tungod sining pareho man nga pagkulumuron. Sa ila pagsikway kag indi pagtuo kay Kristo, labi na gid sa iya mga ginpanudlo, ginasikway nila, indi lamang Sia kundi labi na gid ang Dios mismo nga nagpadala sa iya. Kon kita nagahukum, nagalibak o nagareklamo aton usisa-on sing maayo: “Basi indi lang ang aton isigkapareho ang aton ginalibak, kundi, ang Dios man nga nagtuga sa iya!”

SORRY FOR EATING PEANUTS

A man visits his aunt in the nursing home. It turns out that she is taking a nap, so he just sits down in a chair in her room, flips through a few magazines, and munches on some peanuts sitting in a bowl on the table.

Eventually, the aunt wakes up, and her nephew realizes he's absentmindedly finished the entire bowl. "I'm so sorry, auntie, I've eaten all of your peanuts!"

"That's okay, dearie," the aunt replied. "After I've sucked the chocolate off, I don't care for them anyway."

FOOD FOR THOUGHT

“Words which do not give the light of Christ increase the darkness.” (Mother Teresa)