CHRIST THE KING (B)

CHIRIST  THE KING

  Ginatakup naton subong nga Domingo ang Kalendaryo Liturhiko sa Simbahan sa tuig “B” sa sining selebrasyon sang “Christ the King”. Aton nga ginapahayag kag ginabantala nga ang aton Hari amo si Kristo nga aton Ginoo. Siya amo ang nagagahum sa aton kabuhi… Siya ang “nagapangulo” sa aton sa aton mga buluhaton… kag Siya amo ang ginatuna-an kag ginatapusan sang bug-os naton nga pag-ginawi.

  Sang una, isa gid ini ka daku nga selebrasyon, kag sa mga Kapiestahan sa Simbahan, amo ini ang Piesta nga may “kinatuhay” ukon “uniqueness”. Natandaan ko sang una nga kon Piesta na gani ni Kristo nga Hari, ang mga naga-prosesyon sini amo ang mga KALALAKIHAN. Ini tungud kay ining kapiestahan amo ang piesta sang mga tatay, bilang pangulo sang ila panimalay.

  Sa mga parokya sang una, amo ini ang “Parish Priest Day”, kay suno sa mga hulubaton sang una: “Ang pari amo ang hari sa iya nga parokya.”- Hari siya tungud siya amo ang alagad sang iya nga parokya, suno sa pagkahari sang aton Ginoo nga “nagkari indi agud alagaran kundi sa pag-alagad.”

  Sang bag-o pa lang ako diri sa Dao, may naghambal sa akon: “Padre, bahala ka imo kon nano ang imo gusto nga buhaton sa Parokya para sa amon kaayohan, kay bal-an mo, diri sa Dao, kon sin-o ang pari, siya amo ang hari!”. Baw! Daw ginpalikidyan ako sang pagkabati ko sini, apang karon, daw amat-amat ko nadiskubrehan ang kahulugan sini nga mga pulong. Kon ang pagkahari aton tulukon suno sa pagkahari sang aton Ginuo, sus, kadaku gali nga responsibilidad ang ginapas-an sang isa ka Kura Paroko– kargo niya ang tanan niya nga parokyano, kag sila dapat alagaran niya nga wala sang hawid-hawid. Apang kon ang iya pagkahari nagakahulugan sa pag-”dominar” sang iya mga parokyano, ayhan dapat gid nga pamalandungan sang maayo ang aton selebrasyon subong. “Kingship for Christ is not domination, but SERVICE”. Pangamuyo-i man ninyo ang inyo mga kaparian nga mangin matuod-tuod nga mga ALAGAD! VIVA CRISTO REY!

                                                                                                                                                                                                                                             

GINASILING MO NGA AKO HARI

  Wala gid ginpanghiwala sang aton Ginoo subong sa aton Ebanghelyo nga Siya Hari, bisan pa sa atuba-ngan ni Pilato nga amo ang “hari” sang Judea. Apang ginpaathag sang aton Ginoo nga Iya ginharian wala sa sining kalibutan. Ini tungud kaya ng ginalantaw nga pagkahari sang kalibutan isa ka pagkahari nga ginagamhan sa pamaagi sang pakusog, impluwensya, manggad, kag pagka-dominanante tungud ara sa iya ang poder. Ang pagkahari sang aton Ginoo isa ka pagkahari nga ginapangibabawan sang pagkaluya, pagkakubos, pagka-imol, kag pagka-ulipon! Ang pagkahari sang aton Ginoo wala gina-angkon paagi sa pagdaug sa mga inaway kag pakusog, kundi paagi sa paghidait kag paghigugma. Ang pagkahari sang aton Ginoo wala nagaluntad sa mga estruktura nga nagaluntad sa gwa, kundi ini nagaluntad sa TAGIPUSUON sang tagsa-tagsa.

  Ginapahayag naton subong nga Kristo amo ang Hari sang aton kabuhi, kag ini nagakahulugan nga Siya amo ang nagapanguna kag sadsaran sang aton pag-ginawi. Ayhan matahum nga aton usisa-on ang aton mga kaugalingon kon bala Siya gid man ang “top  priority” sa aton tagipusuon. Ayhan matahum nga tan-awon naton ang sahi sang kabuhi nga aton ginakabuhi sa adlaw-adlaw nga tanan. Kon Siya amo ang aton Hari, ngaman nga maiya-iyahon kita? Ngaman nga indi kita kapatawad? Ngaman bugalon kita sa atubang sang aton isigkatawo? Kon Siya amo ang aton Hari, tampad bala kita nga alagad sa isa kag isa?

 E-MAIL FROM GOD

One day God was looking down at Earth and saw all of the evil that was going on. He decided to send an angel down to Earth to check it out. So he called on a female angel and sent her to Earth for a time. When she returned she told God, "Yes, it is bad on Earth...95% is bad and 5% is good." Well, He thought for a moment and said "Maybe I had better send down a male angel to get both points of view."

So God called a male angel and sent him to Earth for a time. When the male angel returned he went to God and told him "Yes, the Earth is in decline, 95% is bad and only 5% is good."

God was saddened at the confirmation of the bad news. He decided to send e-mail to the 5% that were good and encourage them, a little something to help them keep going. Do you know what that e-mail said?

Oh, you didn't get one either?!!

FOOD FOR THOUGHT

“Love and relationships are truly one of the most paradoxical aspects of being human. For it is in love that we find the greatest of strengths and the deepest of sorrows. Love can seem to be so fleeting and unachievable yet it remains well within our reach if we only learn how to embrace it's power. To experience true love, we must be willing to open ourselves up and sacrifice part of our heart and part of our soul. We must be willing to give of ourselves freely, and we must be willing to suffer. It is only when we expose our inner selves to the white hot flame of rejection, that love can burn so brightly as to join to souls, melding the two into one, creating a bond that joins forever. It is from this bond that we draw strength eternal and power ever lasting. It is in this thing that we call love that we find the means to achieve greatness, both in ourselves and in our lives.” (Anonymous)

33rd Sunday in Ord. Time (B)

SAN PEDRO CALUNGSOD

  Madamo ang nagapamangkut sa akon kon sin-o gid bala si San Pedro Calungsod, ang aton ika-2  nga Santo nga Pilipino sang Pilipinas.

  Suno sa mga nagsiyasat sang iya nga kabuhi kag mga inagihan, si San Pedro natawo sadtong 1654. Suno sa mga kasulatan sang mga Espanyol, ang iya apelyido, Calonsor. Wala mabutang sa mga “records” ang lugar nga iya ginhalinan, apang ang yara lamang amo, nga si “Pedro Calonsor, El Visayano”. May nagasiling sa mga pagsiyasat sa iya nga kabuhi nga siya naghalin sa Ginatilan, Cebu, Hinunangan kag Hinundayan sa Southern Leyte, kag sa Distrito sang Molo, Iloilo. Subong man, ang Loboc, Bohol, naga-ambo man si San Pedro taga-didto. Ini nga mga lugar, sang una, sakop sang Diosesis sang Cebu, sang si San Pedro ginpatay bilang isa ka Martir.

  Ginasiling nga si San Pedro nagbutho sa isa ka buluthuan nga ginapadalagan sang mga Heswita (Jesuits), kag siya nakasat-um gid sang patag sang Katesismo, kag maayo siya maghambal sang inispanyol. Maayo siya sa drawing, pagpaminta, kanta, acting, kag magpamanday, kag ini amo ang iya nangin kina-agman sa iya pagmisyon. Siya man isa ka sakristan nga mayad  magsirbi sa Misa.

  Sang naga-edad siya sang 14 anyos, isa siya sa mga pinakamaayo nga katekista nga ginpili sa pag-upod sa pagmisyon sa pagbantal sang Maayong Balita sa Isla sang Ladrones, ukon Isla sang mga Makawat. Sang 1688, kaupod ang mga Misyonero nga mga Heswita nga Espanyol, nagmisyon sila sa sini nga mga Isla nga ginhingalanan nila liwat bilang Mariana Islands sa pagpatungud sini sa Mahal nga Birhen Maria. Nagkadto sila partikularmente sa mga Chamorros, didto sa Guam, kag didto niya nasumalang, kaupod sa iban nga mga martires ang iila nga kamatayon sa Pagbantala sang Maayong Balita. Ginpatay si San Pedro  paagi sa pagbankaw sa iya dughan kag pagwasay sang iya ulo, tungud sa sudyot sang isa ka criminal halin sa Manila nga gintapok sa Guam, nga nagbutang-butang sa iya nga may ‘hilu’ ang tubig nga ginagamit sa sakrmento sang Bunyag.

                                                                                                                                                                                                                                            

PAGPANGLUMBAY SANG KAHOY

  Ang kahoy nga higera ukon “fig tree” isa ka sahi sang kahoy nga nagatubo lang sa Israel. Isa ini ka daku nga bulig para sa mga Judeo bilang kuluhaan sang ila nga pagkaon. Kaduha ka beses ini magpamunga kada tuig. Para sa mga Judeo, ang pagpamunga sang kahoy nga ini, isa ka patimaan sang kabuganaan gikan sa Dios. Ang ‘Talmud’ (libro sang mga kinadayhon sang mga Judeo) nagasiling, nga ang una niya nga patubas sini nagakahanabo sa tion sang pagkatapos sang Piesta sang Paskwa sang mga Judeo.

  Ang mga Judeo nagapati nga ang Manluluwas magaabut kag Siya amo ang magapanguna sa pagpahayag sang Ginharian sang Dios sa tion sang Paskwa.

  Ini nga palalaangiran subong sang Ginoo nagatagna sang KALIPAY nga ginadulot sang Ginharian sang Dios– ang kalipay sang isa ka bag-o nga kabuhi kag ang pangako sang isa ka bag-o nga tion sang       paghidait kag kabuganaan.

  Sa sini nga palaanggiran ginapahayag sang aton nga Ginoo nga ang Dios nagapakita na sang sini nga ginharian paagi sa Iya nga pag-abut, kag ini dapat magsugud sa tagipusuon sang tawo nga dapat “bukas” sa pagbaton sini. Ang mga nagatuo sini nga Maayong Balita, “magapanglumbay” ukon magasugud sa pagpamunga para sa pag-ambit sining Ginharian sang Dios.

  Ayhan indi naton mapaktan ang pag-abut sang Ginoo bilang isa ka mahimayaon nha Hari, apang padayon Siya nga nagahatag sa aton sang mga patimaan nga mangin handa sa sini nga mga tinion.

 THE WALL OF LIFE

A funeral service is being held in a synagogue for a woman who has just passed away.

At the end of the service, the pallbearers are carrying the casket out when they accidentally bump into a wall jarring the casket.

They hear a faint moan.

They open the casket and find that the woman is actually alive.

She lives for 10 more years and then dies.

A ceremony is again held at the same synagogue and at the end of the service the pallbearers are again carrying out the casket.

As they are walking, the husband cries out, "Watch out for the wall!"

FOOD FOR THOUGHT

“May you have enough happiness to make you sweet, enough trials to make you strong, enough sorrow to keep you human enough hope to make you happy.” (George Weinberg)

32nd Subday in Ord. Time (B)

PRIEST’S ANNUAL RETREAT

  Sa palaabuton nga petsa 12 tubtub 16 sa sining bulan sang Nobyembre, ang mga kaparian sang Arkidiosesis sang Capiz magatipon sa ila tuigan nga buluhaton sa pag-”retiro”. Amo ini ang mga tinion sa diin sila nagatipon sa pagpamalandong sa ila pagpadayon sa pag-alagad sa “ubasan” sang Ginoo. Amo ini ang tinion sa diin sila, kaupod lang sa ila mga isig-kapari nagapangatubang sang mga panghangkat sang ila bokasyon bilang mga ministro sang Dios sa mga katawhan.

  Isa ini ka balaan nga mga tinion sa diin sila naga-”karga” liwat sang mga “baterya” sang ila mga kalag tungud nga sa ila mga natalana nga mga katungdanan, sila lang padayon nga naga-”hatag” sang pag-alagad kag ang kalabanan, nagabatyag naman sang kakapoy kag paghina sa ila espiritwal nga mga kinahanglanon.

  Amo ini kon ngaman sa tagsa ka tuig, ang aton mga kaparian ginahatagan sang kahigayunan nga mag-”integrate” naman sang ila mga kaugalingon agud nga sila makatipon naman sang ila mga kinahanglanon nga “kusog” sa pagpangatubang sang mga panghangkat sang pagkapari sa patag sang ila mga palangaku-an.

  Sa sini nga kaangtanan, labi gid nga KINAHANGLANON sang aton mga kaparian ang mga PANGAMUYO sang mga tumuluo agud nga mangin “mabinungahon” ining mga natalana nga tinion sang pagretiro. Labing kinahanglanon nila ang inyo suporta sa pagpangamuyo agud nga sila magmangin matutum sa ila nga bokasyon sa pag-alagad sa banwa sang Dios, kag agud nga sila mangin matuod-tuod nga mga manugbantay sa ila mga panong suno sa pagkamaayo nga manugbantay sang aton Ginoong Jesukristo.– Mga manugbantay nga nagapanumdum una sa tanan sang kaayohan sang ila mga gina-alagaran kag indi ang ila kaugalingon.

  Personal ko nga ginapangayo sa inyo: PLEASE PRAY FOR YOUR PRIESTS, ilabi na gid nga mangin matutum kami sa amon pag-alagad sa inyo!

                                                                                                                                                                                                                                                 

PAMALANDONG SA EBANGHELYO

PAGHATAG SANG TANAN

  Ang tagsa-tagsa sa aton may yara gid nga tinutuyo sa iya nga paghatag. May yara nga naghatag agud dayaw-dayawon sila sang mga tawo nga nakakita sang ila binuhatan. Amo ini ang intension sang mga manunudlo sang Kasuguan subong nga Domingo. Sa pagdayaw sang mga tawo, malapad ang ila mga dalunggan kag nagahaba ang ila mga ngirit sang baba tungud “sikat” sila sa mga panan-awan sang mga tawo. Ang masubo ugaling kay siling sang aton nga Ginoo subong sa Ebanghelyo: “… mas daku pa nga silot ang ila pagabatunon.” Ngaman, tungud ang ila ginabuhat INDI sang hantup sa ila tagipusuon, kundi isa lamang ka DRAMA– isa ka PAGPAKITA-KITA. Ang ila “kolor” ginapahayag sang ila pagpanginhimulos sa ila mga ginabuligan… sang ila pagpamintaha sang mga wala-wala kag mga kubos.

  Ang Dios nagalantaw sang katampad sang aton mga tagipusuon. Kita man lang, sa aton kaugalingon ang makasiling kon bala ang aton pagbulig “wala-sang-higot” nga naga-upod– pagbulig nga wala nagalantaw sang aton makuha sa aton ginabuligan ukon pagbulig nga wala nagapa-abut sang balus.

  Gindayaw sang aton Ginoo ang imol nga balo subong sa aton Ebanghelyo tungud ang iya paghatag sang bulig sa Simbahan, isa ka minatuod nga paghatag– isa ka PAGPAAMBIT sang kon ano man ang yara sa iya– sang TANAN niya nga pangabuhian!- WALA NAGAPAABUT SANG BALUS. Amo ini ang ginapangayo sang aton Ginoo– ang aton KABUG-USAN.

                                  

 LIARS

A priest makes his announcement in his mass, one morning by saying, "next Sunday I am going to preach on the subject of liars. And in this connection, as a preparation for my discourse, I would like you all to read the seventeenth chapter of Mark."

On the following Sunday, the preacher rose to begin, and said, "Now, then, all of you who have done as I requested and read the seventeenth chapter of Mark, please raise your hands."

Nearly every hand in the congregation went up.

Then said the preacher, "You are the people I want to talk to. There is no seventeenth chapter of Mark."

FOOD FOR THOUGHT

“What we have done for ourselves alone dies with us; what we have done for others and the world remains and is immortal.” (Albert Pike)

31st Sunday in Ord. Time (B)

HARVEST THANKSGIVING

  Isa sa mga ginabuko naton nga buluhaton sa sining bulan sang Nobyembre amo ang paghiwat sang selebrasyon sa PAGPASALAMAT sa Mahal nga Dios sa mga grasya nga Iya ginpa-ulan sa aton sa bug-os nga tuig. Ini isa ka pagpahayag naton sang aton PAGBATON kag PAGPAUBOS nga ang tanan nga yara sa aton gikan sa Dios nga amo ang tag-iya sang tanan nga mga butang nga aton gina-angkon.

  Ang HARVEST THANKSGIVING isa ka PAGPAHAYAG nga kita tanan diri sa dutang luhaan, mga ENGKARGADO lamang sang Mahal nga Dios nga nangin alagyan sang Iya kabuganaan sa pagbulig sa mga nagakinahanglan.

  Ang isa nga pagapatuhuyan naton sini nga buluhaton amo ang aton duha (2) ka mga Seminaryo– ang Seminaryo ni San Pio X sa Lawaan, kag ang Seminaryo sang Sancta Maria Mater et Regina sa Cagay. Roxas City. Kaupod man diri ang aton padayon nga pagsuporta sa aton Parokya sa iya mga kinahanglanon.

  Sa sini nga kaangtanan, gina-agda gid ang tanan nga mangin maalwan ilabi na gid sa pagpa-ambit sang patubas sang duta nga ginhatag sang Dios sa aton. Ang aton mga seminaristas kag mga kaparian sa Seminaryo kag sa aton Parokya naga-KINAHANGLAN gid sang inyo bulig nga BUGAS ukon PALAY, tungud ini MAKABULIG gid sing DAKU sa ila mga kinahanglanon sa adlaw-adlaw nila nga ginagawi agud sila makakaon kag makasuporta sa ila,  sa ila padayon nga pagserbisyo sa katawhan sang Dios.

  Ining aton nga bulig nga bugas kag palay mangin isa gid ka daku nga bahin sang pormasyon sang aton mga seminaristas kag mga kaparian. Ini mangin isa ka daku nga “utang” nga kabalaslan para sa ila tungud kay sa ulihi, kon magmangin pari gid man ang aton mga kabataan nga mga seminaristas, sila man     MAGA-ALA-

GAD sa aton paagi sa ministeryo nga natalana sa ila.

  Magma-alwan kita sa pagpa-ambit kay ang aton Amay sa langit maalwan man sa aton. Sa aton      paghatag sang bulig aton ginapahayag nga kita mga ALAGYAN sang kaalwan sang aton Amay sa langit!

                                                                                                                                                                                                                                                 

PAMALANDONG SA EBANGHELYO

KAHULUGAN SANG SUGO SANG DIOS

  Ang masami naton nga “sayup” amo ang pagtunga sang kinahanglanon sang tawo. Madamo sa aton ang nagasiling nga ang para sa “kalag” iya sang Dios, kag ang para sa “lawas” iya sang gobyerno. Daw nagakahulugan ini nga interpretasyon nga: Ang ikaayo sang kalag iya ni Pader, kag ang ikaayo sang lawas iya ni Mayor.

  Apang sarang bala naton mahamulag ang kalag sa lawas sang tawo? Mahamulag lamang ini kon ang tawo mapatay na sa diin ang iya lawas magapabilin sa sining duta kag ang iya kalag magabalik sa iya Manunuga. Mientras buhi ang tawo, siya nagapabilin nga isa ka “bug-os” nga tawo– lawas kag kalag. “Man is an EMBODIMENT that composes both body and soul”, siling sang isa ka existentialist philosopher.

  Diri napatuhoy ang pamangkot sang isa ka manunudlo sang kasuguan sa aton Ebanghelyo subong: “Ano bala ang pinakalabi sa tanan nga mga sugo sang Dios?”. Kag maathag ang sabat sang aton Ginuo nga ang kasuguan sang paghigugma sang Dios labaw sa nga tanan kag ang paghigugma sa aton isigkatawo, naangut sa isa lamang ka prinsipyo, kag ini amo ang PRINSIPYO sang PAGHIGUGMA. Buot silingon nga indi pwede nga maghigugma lang kita sa Dios kag aton lang pabay-an ang aton isigkatawo. Dapat mapasad kag maangut ang aton paghigugma sa aton Manunuga sa aton paghigugma sa aton utod nga isig-kamanunuga– ang tawo!

 GOOD SERMON

A man finally goes with his wife to church, after promising her for weeks that he'd go. Surprisingly, the man was so impressed with the preacher's sermon he stopped on the way out to shake his hand.

"Preacher, I'll tell you, that was a DAMN fine sermon."

The preacher says, "Why thank you sir, but we don't used profanity in the house of the Lord."

The man says, "But preacher, seriously, I'm not a religious man, but that was the best DAMNED sermon I ever heard."

The preacher says again, "Sir, while I appreciate what you're trying to say, I must be blunt: DO NOT use curse words in the Lord's house again."

The man says, "Well, anyway, I was so impressed with your sermon that I placed $5000 dollars in the collection plate".

"No Shit?" says the Preacher. 

FOOD FOR THOUGHT

“It's not how much we give but how much love we put into giving.” (Blessed Theresa of Ca