3rd Sunday of Easter (B)

PAGPANAKSI

Nagatakup ang aton Ebanghelyo sa sini nga Dominggo sa sini nga mga pulong: “Kamo ang mga saksi sini nga mga butang.” Ginhambal ini sang aton Ginuo matapos Siya magpakita liwat sa Iya mga gintutun-an, nagka-on sang sinugba nga isda sa ila atubangan, kag nagpasalig sa ila nga indi sila magpangduha-duha tungud nga matuod nga nabanhaw Siya, suno sa gintagna sang mga kasulatan.

Sa Iya masunsun nga pagpakita sa Iya mga gintutun-an, gina-amat-amat man Niya pahangup sa ila nga ang Iya ti-on sa sining kalibutan, nagatakup na, kag ini nagabukas naman sa isa ka ganhaan nga pagapadayunon sang Iya mga gintutun-an. Amat-amat Niya nga ginapakita nga may yara pa nga nabilin nga mga buluhaton ang mga gintutun-an kag ini amo ang PAGPANAKSI sang tanan nila nga nakita kag nabati-an nahanungud sa  ila nga Ginuo, kag ini paga-updan sa pagdala sang mensahi sa paghinulsol kag pagpatawad sang mga sala!

Bisan natapos na ang tawohanon nga kabuhi sang aton Ginuo, sa gihapon ang Iya nga misyon padayon nga pagadalhon sang Iya mga gintutun-an tubtub nga ini naka-abut sa aton man nga tini-on. Ang ginwali sang mga gintutun-an sang una amo man ang aton ginawali sa subong gid nga mga tini-on, kag ang pagpanaksi nga ila ginhimo sa pagbantala sang Maayong Balita sang aton Ginuo, amo man nga pagpanaksi nga nagahangkat sa aton sa sini gid nga tion! Ano bala ang aton mga GINBUHAT sa pagpamatu-od nga BUHI ang aton Ginuo sa aton adlaw-adlaw nga pagginawi? Kita bala ang mga bag-o nga SAKSI sang aton Ginuo?

 Ang mangin saksi sa kay Kristo amo ang mangin isa ka martir. Sang si Kristo magsiling, “Kamo ang mga saksi sini nga butang”, iya nga ginhatag sa iya mga gintutun-an ang titulo nga ‘Martir’. Gani ang tanan nga sumulunod ni Kristo, mga saksi ni Kristo. Ang minatuod nga nagasunod kay Kristo, isa ka martir.

Ang mangin isa ka martir wala nagakahulugan nga patyon gid para kay Kristo. Ang mangin isa ka martir nagakahulugan nga mangin isa ka saksi ni Kristo. Apang masami sang una, nga ang mangin saksi ni Kristo nagadul-ong sa isa ka tawo nga patyon para kay Kristo. Apang sa pagkamatuod, ang isa ka tawo indi dapat mapatay para kay Kristo agud mangin isa ka martir.

Sa karon nga panahon, ang tinaga nga “MARTIR” masami nga ginataw-an sang negatibo o sala nga kahulugan. Ang isa ka ‘battered wife’ nga padayon nga galumon sa iya bana ginatawag nga martir. Ang isa ka obrero nga ginadaugdaug sang iya amo ginakabig nga martir. Apang mamangkot kita: Kon ang isa ka babaye, isa ka ‘battered wife’, kay sin-o sia nagapanaksi? Kag kon ang isa ka empleyado ginadaugdaug, kay sin-o sia nagapanaksi?

Buot silingon, ang nagahimo sa isa ka babaye o lalake nga martir amo kon sin-o ang iya ginahatagan sang panaksi. Ang isa ka tawo nga nagabagun-a o ginadaugdaug, indi matawag nga martir kon ang iya pag-antus wala naangot sa kay Kristo. Gani ang panaksi lamang sa kay Kristo ang minatuod nga nagahimo sa tawo nga martir.

Ngaman? Tungod wala sang tawo nga ‘instant’ nga martir. Matuod nga ang kamatayon sang isa ka martir gaabot sang hinali, apang ang pagkamartir wala ginpanamkon sa isa lamang ka adlaw. Ang isa ka tawo makabaton sang kamatayon sang isa ka martir tungod iya na nga daan ginkabuhi nga mapatay sa iya kaugalingon para mabuhi ang iban, pareho kay Kristo, nga kon sa kay Sta. Theresa sang Lisieux pa, ‘mapatay sang mga diutay nga kamatayon adlaw-adlaw’.

Gani sa paghambal ni Kristo nga, “Kamo ang saksi sini nga mga butang”, kita ginaagda niya nga mangin martir. Nakasugod ka na bala magkabuhi o mangin saksi para sa iya?

ANECDOTE

TWINS

A woman has twins, and gives them up for adoption.

One goes to a family in Egypt and is named Amal. The other goes to Spain and is named Juan.

Years later, Juan sends a picture of himself to his mum.

Upon receiving it, she tells her husband that she wished she also had a picture of Amal.

Her husband said: "But they are twins. If you've seen Juan, you've seen Amal."

   FOOD FOR THOUGHT

“Outside of the cross of Jesus Christ, there is no hope in this world. That cross and resurrection at the core of the Gospel is the only hope for humanity. Wherever you go, ask God for wisdom on how to get that Gospel in, even in the toughest situations of life.”

(Ravi Zacharias)