10TH SUNDAY IN ORD. TIME (B)

MAG-ULULUTOD KITA

    Ina nga tawo, wala na sa Iya tama nga panghuna-huna kag ginagamhan sang malain nga espiritu”. Ini amo ang mga tinaga nga ginahaboy subong sa aton Ginoo sa aton Santos nga Ebanghelyo.  Siya nga amo ang ginakabig nga ginahalinan sang kaalam kag pagkabalaan. Makahaladluk gid nga ang mga tawo magkondenar sa iban kag samaron nila ang dungug sang ila isigkaatawo.

    Ang inosente nga mga tawo wala gid sing kapasidad sa pagkontrolar sa amo nga mga akusasyon kag mga pangduha-duha nga ginapatungud sa ila. Bisan pa nga ila bali-on ang amo nga pagpabangud sa ila, wala gid sila sing gahum nga baylohan ang mga patu-pato sa ila… wala sila sing ikasarang sa pagbaylo sang ila mga pagpanumdum sa ila kag sa pagpa-untat sa mga butig batok sa ila. Maayo lang kay ang mga inosente nga biktima wala nagapamati sang ila mga pagpasibangud, kay kon ginpamatian lang nila ini, sigurado gid nga butungon lang sila paidalum sang mga sitwasyon sa kabuhi.

   Ang aton Ginoo biktima sang amo nga mga painu-ino sa mga kaaway Niya. Sa baylo nga makita nila ang maayo mga buhat sang aton Ginoo, ang ila iya ginpanilagan amo ang Iya mga indi kinaandan nga Iya ginabuhat. Ini nagapakita sa aton nga bisan ang aton Ginoo wala makapalagyo sa amo nga panulukan sang Iya mga kaaway.

   Sa sini nga bahin sang Ebanghelyo ginapakita sa aton nga si Jesus nga manugtabog sang yawa ginpasibangdan nga ginagamhan sang yawa. Ginhimud-osan Niya nga sanggon ang amo nga akusasyon paagi sa pagsiling nga kon amo sina, nagabinahin-bahin ang ginhari-an ni Satanas sa bagay nga wala sang rason nga magdugay ini, kag Siya nagsiling nga sa gahum sang Diyos nga Iya ginahimo ang pagtabug sa mga demonyo.

   Amo man ini nga gahum ang nga nagatulod sa Iya nga magrumpag sang gahum ni Satanas katulad sang isa ka mabakud nga tawo nga nagahilway sa aton sa tanan nga sahi sang pagka-ulipon. Kon may pagtuo kita nga subong sini, mahilway man kita sa tanan nga sahi sang pagka-ulipon kag tanan nga mga kasakit kag kasablagan sang aton lawas.

   Ang aton Ebanghelyo nagasiling nahanungud sa kasal-anan sa Espiritu Santo. Ano ini? Ini amo ang padayon sa pagkabuhi sa binutig kon ang isa nakahibalo na sang kamatuoran. Ini amo ang pagkabig sa Diyos nga Satanas… kapawa...kadulum… maayo nga binuhatan… kalainan. Amo ini ang matig-a nga pag-ako sang baliskad nga kamatuoran sa bagay nga ginahimo sini nga tama ang sala. Ang mapatawad gid lang amo ang nagahinulsol kag nagakinahanglan sang pagpatawad. Siya nagabaton sa iya nga kaugalingon nga siya nagakinahanglan sang pagpatawad. Amo ini ang tawo nga nagakinahanglan sang kaluwasan.

   Sa aton kabuhi bilang mga Kristyanos, aton nga ginabaton nga nabanhaw ang aton Ginoo, ang Manluluwas sang tanan, ang Kapawa sang kalibutan kag isa ka Manug-ayo apang Siya man nasamaran. Sa Iya makita naton ang minatuod nga pagpatawad sa mga nagapangayo sang hantup nga kapatawaran.

   Ang aton pagtuo kag pagsalig sa Ginoo nagahimo sa aton nga mag-ululutod sa isa kag isa. Nagahiusa ini sa aton bilang isa ka pamilya sang pagtuo sa diin mas madalum sini ang kaangtanan sang pamilya sa dugo. Amo gani nga ginasiling ko pirme nga sa aton nga mga binunyagan, mas makutum iya ang tubig sang sa dugo tungud kita tanan nangin mag-ululutod sa pareho lamang ngabunyag kag nangin utod kita sang aton Ginoo kag sang isa kag isa. Amo ini ang basehan sang sang aton kaangtanan sa isa kag isa. Paagi sa aton pagka-ululutod kay Kristo, nangin mag-ululutod kita sa isa kag isa.                                                 

                                                            

ANECDOTE

IDIOT VS GENIUS

 A proud and confident genius makes a bet with an idiot.

The genius says, “Hey idiot, every question I ask you that you don’t know the answer, you have to give me $5. And if you ask me a question and I can’t answer yours, I will give you $5,000.”

The idiot says, “Okay.”

The genius then asks, “How many continents are there in the world?”

The idiot doesn’t know and hands over the $5.

The idiot says, “Now me ask: what animal stands with two legs but sleeps with three?”

The genius tries and searches very hard for the answer but gives up and hands over the $5000.

The genius says, “Dang it, I lost. By the way, what was the answer to your question?”

The idiot hands over $5.

   FOOD FOR THOUGHT
Surely the day will come when color means nothing more than the skin tone, when religion is seen uniquely as a way to speak one's soul, when birth places have the weight of a throw of the dice and all men are born free, when understanding breeds love and brotherhood.

(Josephine Baker)

CORPUS CHRISTI (B)

ANG KALAN-ON SANG ATON KALAG

“May ara nga biyuda nga nagakabuhi nga nagaisahanon, gani, sobra ka masinulob-on. Sia nagkadto sa isa ka ‘Pet Shop’, kag pagkatapos niya lantaw sa tanan nga mga sapat, nagbakal sang isa ka ‘nagahambal’ nga Pikoy sa bili nga 10 mil. “Ini nga pikoy ang magapasadya sa akon!”, siling niya sa iya kaugalingon. Apang sa pagligad sang pila ka adlaw, ang pikoy wala gid sing may namitlang bisan isa ka tinaga. Gani sia nagbalik sa “Pet Shop” kag nagreklamo sa tag-iya. Nagsiling ang tag-iya, “Maam, kinahanglan mo butangan sang hagdan ang hawla sang pikoy kon sa diin sia makasaka-panaug kag makalataylatay. Dayon mahambal na na sia!” Pero wala man gyapon naghambal ang pikoy. Gani ang biyuda nagbalik na naman kag nagreklamo. “Butangi sang ‘swing’”, suhestyon sang tag-iya. Pero pagkatapos sang isa ka semana, amo man gyapon ang natabu: ‘wala  epek!’. Sang magbalik ang biyuda para magreklamo, ang tag-iya nagsiling sa iya nga kinahanglan sang pikoy nga makita ang iya itsura: “Butangi sang espejo!” Apang sa gyapon, ang pikoy wala gid maghala.

Pagkaligad sang isa pa gid ka semana, ang biyuda nagbalik na naman sa “Pet Shop” kag sa sini nga tion, nangin sobra pa gid ka masinulob-on. Iya ginsugid nga ang malahalon niya nga pikoy namatay na. Ang tag-iya nahuy-an gid katama kag nagpamangkot, “Ti Maam wala gid sia sing may nahala bisan isa ka tinaga?” Ang biyuda nagsabat, “May ara gid man. Kag isa gid lang. Sang ang pikoy nagatinghak na kag nagalurat ang mata, sia nagsiling, “SABOD….”

Ini nga estorya nagatudlo sa aton sang importansya sang pagkaon sa aton kabuhi. Kinahanglan naton magkaon agud mabuhi. Apang bilang mga Kristiano, indi lang ‘sabod’ para sa lawas ang aton kinahanglan kundi ang ‘sabod’ man sang aton kalag. Kag ina nga ‘sabod’ amo ang “Lawas ni Kristo” nga aton ginabaton sa tagsa ka pagkalawat sa Misa. Si Kristo amo gid mismo ang nagsiling, “Ang nagakaon sang akon unod kag nagainum sang akon dugo magakabuhi sang wala’y katapusan kag akon sia banhawon sa katapusan nga adlaw!” Ginasagud bala naton sina nga ‘sabod’ ang aton kalag? Pirme bala kita nagakompesar kag nagapangalawat?

 Sang mag-abut ang mga Espanyol sa Pilipinas, sang magpakig-abyan sila sa mga tumandok nga mga Pilipino, ang kasugtanan nga ila ginhimo, GINSILYOHAN nila sang ila nga dugo paagi sa pagbuhat sang “blood compact”. Ini nga hilikuton wala lamang nahanabo diri sa aton, kundi sa bisan diin man nga kultura. Ang dugo ginakabig nga “balaan” nga silyo sang isa ka promisa ukon pangako sa ginahigugma. Amo gani nga sa daan nga kasugtanan, ang halad sang tawo sa Diyos gina-updan sang paghalad sang dugo sang mga sapat.

Nagla-in ang sistema sang paghalad sang pag-abut sang aton Ginuong Jesukristo. Ini nga dugo indi na sang dugo sang sapat kundi dugo sang Manluluwas– sang bugtong nga Anak sang Diyos, nga naghalad sang Iya nga kabuhi para sa kaluwasan sang tanan.

Gintagna na ini nga paghalad sang aton Ginuo sang katapusan nga panihapon sang Iya ginpamihak-pihak ang tinapay nga amo ang “Iyang” lawas, kag ginapalibut ang kupa sang bino nga amo ang “Iyang” dugo, bilang isa ka wala’y katapusan nga kasugtanan sa Diyos. Ang tinapay kag bino indi lamang sang “simbolismo” sang lawas kag dugo sang aton Ginuo kay wala Siya magsiling nga ini amo ang akon “daw” lawas kag “daw” dugo, kundi AMO INI ANG AKON LAWAS...DUGO nga amo ang wala’y katapusan nga kasugtanan sa Diyos!

“Jesus  offered no less than Himself as a covenant for us with His Father”. Kita, ano ang aton halad kag sinumpaan nga ginhatag sa Diyos?

                                                                            ANECDOTE

PEANUTS

 A preacher visits an elderly woman from his congregation. As he sits on the couch he notices a large bowl of peanuts on the coffee table. "Mind if I have a few?" he asks.
      "No, not at all!" the woman replied.
      They chat for an hour and as the preacher stands to leave, he realizes that instead of eating just a few peanuts, he emptied most of the bowl. "I'm terribly sorry for eating all your peanuts, I really just meant to eat a few."
      "Oh, that's all right," the woman says. "Ever since I lost my teeth all I can do is suck the chocolate off them."

   FOOD FOR THOUGHT

God does not change; he is Love, ever and always. In himself, he is communion, unity in Trinity, and all his words and works are directed to communion.

(Pope Benedict XVI)
 

BLESSED TRINITY (B)

MISTERYOSO NGS KAANGTANAN

Sa ulihi nga mga tinuig sang Roma bilang republika, ginpanguluhan ini sang Senado, apang sa mga senador may ara nga “primi inter pares” (nahauna sa mga alalangay). Ini amo ang duha ka konsul nga may daku nga gahum militar. Kon kaisa may isa pa nga ginadugang, kag sila nga tatlo ginatawag nga ‘tresviri’ (tatlo ka tawo) sa diin nagikan ang tinaga nga ‘triumvirate’ ukon ‘triumvirs’.

Ining tatlo nagatinguha nga manguna sa iban, gani masunson nga may ‘guerra civil’ sa Roma. Ang ‘triumvirate’ wala nagmadinalag-on sanglit kay pirme nga nagapaindis-indis ang mga katapu sini kag ang ila mga sumulunod. Indi pagbinuligay ang ila tinutuyo kundi ang kon sin-o ang magpangibabaw. Kon amo sina, ang pinakamakusog kag labing gamhanan lamang ang mabilin, kag kuhaan niya sang gahum ang iban.

Sa pagsaulog naton sang Domingo sang Santisima Trinidad, ginabinagbinag naton ang misteryo sini bilang isa ka ‘triumvirate’ kay ong Dios may tatlo ka persona: Amay, Anak, kag Espiritu Santo. Ang Kristianismo naggikan sa ‘monotheismo’ sang Israel nga nagasiling nga isa lamang ang Dios nga dapat higugmaon kag simbahon. Apang ang Kristiano nagapati nga kon makilala gid sang tawo ang Dios, makita niya nga ang Dios wala nagaisahanon kundi nagahulag kag nagapangita sang tawo. Isa lamang ang Dios apang wala nagaisahanon.

Ang tatlo ka persona iban sa isa kag isa, apang nagahiliusa sila sa isa ka paghigugma. Tungod sa paghigugma sa Amay, nagsugot nga mangin-tawo ang Anak, kag sang matapos na niya ang iya bulohaton sang pagtubos, ginpadala man ang Espiritu Santo sa pagpasantos sa mga tawo. Diri makita naton ang iban nga sahi sang ‘triumvirate’: wala sang paindis-indis sa isa kag isa. Wala sang una kag ulihe. Wala sang mataas kag manubo. Ang tanan alalangay. Ara sa ila ang kumpleto nga paghangpanay kag paghirupay.

Ginasiling nga ang “Simbahan amo ang “ICON” (estatwa, nawong, laragway, etc…) sang Santisima Trinidad”. Kabay nga mangin amo gid man kita!

 Akon nadumduman and istorya sang isa ka seminarista nga nagkuha sang  “Oral Examination” sa Unibersidad sang Santo Tomas, para sa “Bachelorship” sa Sacred Theology, nga ginpamangkut sang propesor: “Explain to me the Mystery of the Blessed Trinity.” Pagkatapus sang malawig nga pagpamalandong, nagsugud na ang seminarista sa pagsaysay sang iya nahibalu-an nahanungud sa Doktrina sang Santisima Trinidad, katulad sang “Procession of Persons in the Blessed Trinity– The Father loves the Son and the Son loves the Father, and the love that binds them together is the Person of the Holy Spirit… as such, even though there are three persons, yet there is only one God!” Pagkatapos patpat sang seminarista sang iya nga sabat, maabtik nga nagsaligbat ang propesor: “Now, where is the MYSTERY there, since you have already explained it to me?”

Ang isa ka bagay, hitabo, ukon tawo ginakabig naton nga misteryo kon ini indi na matungkad sang aton tawohanon nga painu-ino. Bisan anhon naton sa pag-eksplikar sini, sa gihapon makita naton nga kulang ang aton ihibalo kag pagtungkad, tungud ini amo ang KINATUHAY sang Diyos - WALA SANG TUPONG KAG DILI GID MATUNGKAD! Makahatag lamang kita sang palaanggiran, nga “daw subong sini”, apang indi gid ini makahakus sang BUG-OS nga kamatuoran. Ini tungud ang misteryo indi sang palaligban nga sololbaron kundi kamatuoran nga dapat IKABUHI! Ang Santisima Trinidad MISTERYO SANG PAGHIGUGMA! Mahangpan ta lang ini kon kita man maghigugma sang MINATUOD!

                           

ANECDOTE

ADAM’S RIBS

 At Sunday School they were learning how God created everything, including human beings. Johnny was especially intent when the teacher told him how Eve was created out of one of Adam's ribs.
      Later in the week his mother noticed him lying down as though he were ill, and said, "Johnny, what is the matter?"
      Johnny responded, "I have pain in my side. I think I'm going to have a wife."

   FOOD FOR THOUGHT

“The Word is, by definition, immanent in the divinity and active in the world, and as such the Father's revelation. A revelation of the Father without the Logos and his incarnation would be like speaking without words.”
(Karl Rahner)

PENTECOST (b)

PAG-ABUT SANG MANANABANG

Siling sang amigo  ko nga pari: “Sang ako ‘theologo’ pa lamang sa SJRS, kami ginpalakat para sa amon ginatawag nga “desert day” ukon adlaw sang pagpamalandong kag pangamuyo kag kon swertihon, makasalapo sa Dios. Ako nagkadto sa Port San Pedro kag nagpungko sa kilid sang suba nga ginaagyan sang mga barko samtang nagabulad sa tagiti sang adlaw sa pagpamalandong. Nagsugod ako sang alas-9 sa aga sa pagpamalandong kag sang mga alas-2 na sang hapon, may isa ka grupo sang mga bata nga nagpalapit sa akon kag nagpamangkut, “Nong, naga-ano ka da?” Ako nagsabat,“Nagapamalandong ko di sang Espiritu Santo ah!” “Espiritu Santo? Ano na ang Espiritu Santo man?” pamangkot liwat sang bata. Dayon ako nag-explikar sa ila, “Bal-an nyo mga bata, ang Espiritu Santo indi nyo na makita pero inyo na mabatyagan. Daw pareho bala sang hangin nga indi mo makita pero imo mabatyagan!” Kag dayon ang pinakadaku sa ila, nga abi ya buang ako kag nagadeliryo na tungod sa gutom kag tagiti sang init, nagsaligbat, “Binuang! Wala pulos estorya ah! Puli ta!”

Matuod nga mabudlay patihan ang mga butang nga indi naton makita kag indi man naton matandog, labi na gid, kon bata ka pa. Bata ka pa haw?  Nagatumod ini sa kon ano ang ginahimo sang espiritu o kalag sa tawo. Kon ara ang kalag, nagakabuhi ang isa ka tawo; nagagiho ang iya lawas. Kon wala ang kalag, nagakadunot ang lawas. Ang espiritu o kalag amo ang nagapain sa buhi sa indi buhi. Ini ang ginagikanan sang kusog kag kabuhi. Para sa aton nga mga tawo, ini ang ‘x-factor’ ukon rason kon nga-a kita nagakabuhi, nagagiho kag nagapamensar.

Sa Biblia, isa lamang ka tinaga ang gingamit para sa mga tinaga nga “hangin”, “ginhawa” kag “Espiritu sang Dios”. Kag ina nga tinaga amo ang “RUAH”. Sa Genesis, aton mabasahan nga ang Dios nagginhawa kay Adan kag sia nabuhi (Gen.2,7). Sang ang Dios nagpili sang mga tawo para sa isa ka “special” nga misyon, pareho dabi sa kanday Samson, Saul, David kag iban pa, ang “RUAH” ginhuyop man sa ila. Buot silingon, ining “RUAH–Ginhawa sang Dios” amo ang matuodtuod nga ginagikanan sang kabuhi kag sang tanan nga kadalag-an sang mga tawo sa estorya sang kaluwasan. Gani, kumusta ang imo pagginhawa? Ginhawa bala ina sang Dios? O basi malain ya nga ginhawa?

 Pagkatapos sang singkwenta (50) ka adlaw  nga mapatay ang aton Ginuo sa kahoy sang Krus, kag sa pagligad sang madamo nga mga beses nga Iya ginpamatud-an nga Siya matuod nga NABANHAW, karon Iya na ginahatag ang katumanan sang Iya nga promisa sang Siya magkayab sa paglingkod sa tuo sang Iyang Amay, sang nagligad nga Dominggo, nga Siya magapadala sang isa ka Mananabang nga mangin aton kabulig sa pagpadayon sang Iya ginbilin nga misyon nga amo ang pagbantala sang Maayong Balita sa bug-os nga kalibutan.

Ining Espiritu santo Iya nga ginhatag sa Iya mga apostoles paagi sa aksyon sang “huyop” sa ila kaupod ang paghatag sang awtoridad sa pagpatawad sang mga sala. Ang huyop nagapatima-an sang hangin, kag ini nga hangin amo ang nagahatag sa aton sang kabuhi! Ang tawo nga mahubsan sang hangin, madulaan man sang kabuhi. Gani, sa “paghuyop” sang aton Ginuo sa mga apostoles, Iya man ginhatag sa ila ang isa ka “bag-o” nga kabuhi, tungud sugud karon, magasugud man sila sang isa ka bag-o nga pagpanglakaton, kag ini amo ang pagwali sang Maayong Balita sa tanan nga mga kapungsoran.

Ini nga Espiritu Santo, amo ang naga-alungay sa kabuhi sang Simbahan sa aton nga panahon. Ang promisa sang aton Ginuo nga Siya mangin kaupod naton paagi sa Espiritu Santo nagapabilin nga matuod. Nagakabuhi man bala kita nga naga-upod sa misyon sang Ginuo?

ANECDOTE

TOO MUCH EXCITEMENT IN THE CHURCH

A father took his 5-year-old son to several baseball games where The Star-Spangled Banner was sung before the start of each game. Then the father and son attended a church on a Sunday shortly before Independence Day. The congregation sang The Star-Spangled Banner, and after everyone sat down, the little boy suddenly yelled out, "PLAY BALL!!!"

   FOOD FOR THOUGHT

“Will God ever ask you to do something you are not able to do? The answer is yes--all the time! It must be that way, for God's glory and kingdom. If we function according to our ability alone, we get the glory; if we function according to the power of the Spirit within us, God gets the glory. He wants to reveal Himself to a watching world.” 

(Henry Blackaby))

ASCENSION (B)

PANGAKO SANG MANUGBULIG

““May tatlo ka tawo nga bag-o gid lang nagsampot sa pwertahan sang langit kag gin-imbestigar ni San Pedro. Siling sang nahauna, “Wala gid ako nagluib sa akon asawa. Never gid ako nga nagmitir sang iban nga babaye!” “Very good gid anak”, siling ni San Pedro, “Tungod sina, taga-an ta ka sang mansion kag Ferrari!”  Dayon ang ikaduha naghambal man, “Nakaluib ako sa akon asawa apang isa gid lg ka bes!” Kag nagsabat si San Pedro, “Ok lg na. Ari, ginahatag ko sa imo ang isa ka 2-storey nga balay kag isa ka Pajero!”  Kag ang ikatlo nagtuad man, “Nakasala ako sa akon asawa sing duha gid ka beses!” Kag si San Pedro nagsiling, “Ok batuna ang yabe sang imo isa ka apartment kag isa ka Toyota Tamaraw!”

Gani nagsulod na sila sa langit kag nagkadto sa ila kaugalingon nga mga puloy-an kag pagkatapos, nagsuroysuroy sa bilog nga langit. Angan-angan, ang duha sa ila natingala gid kay nakita nila ang nahauna nila nga upod nga nagapungko sa kilid sang karsada kag masubo nga nagamihamiha. Ila sia ginpalapitan kag ginpamangkot, “Ano ang natabu? Ngaman gapangasubo kaw? Dapat magtumbo ka gani sa kalipay kag? Di bala ikaw ang nakabaton sang pinaka-d’best nga regalo sa aton nga tatlo?” Dayon ang tawo naghambal, “Ano nga matumbo sa kalipay man? Paano ako magkalipay sina kay ato, bag-o ko lang nasugat-an ang akon pinalangga nga asawa! Nagasakay sa iya trisikad!”

Ang Pagkayab ni Kristo palangit nagatudlo sa aton nga ang aton ‘final destination’ indi ining luhaan nga kalibutan kundi ang sa masunod nga kabuhi. Ang Pagkayab sang Ginoo amo ang tion sang iya kahimayaan, nga magalingkod na sia sa pinakamataas nga trono sang Dios kag maga-aman sang lugar sa tanan nga nagtuo sa iya. Buot silingon, ini oras na sang paghulat niya sang aton pag-apas sa iya sa langit! Gani kon usisaon ta ang aton kaugalingon nga kabuhi subong, sa diin kita nagapadulong? Naga-apas gid man bala kita padulong sa iya o naga-usoy kita sang lain nga dalan?

      Mabudlay hangpon ang hitabo sang Pagkayab sang aton Ginuo kon indi naton pag-iangut ini sa hitabo sang Iyang Pagkabanhaw kag Kamatayon. Daw pareho lang ini dayon sang istorya sang mga super-heroes nga katulad nanday Superman kag sa aton “local” nga si “Kapitan Boom”, ukon iban pa. Daw sa nagbuhat lang si Jesus sang makatilingala nga mga buhat dayon, bayaan na lang kita Niya paagi sa Iya paglupad pakadto sa kahawaan! Kag dayon ano ang matabo sa aton? Daw sa ginbilin kita Niya nga mga ilo nga nadula-an sang ginikanan sa wala ginapa-abut nga tion.

Lain ang hitabo sang Pakayab! Indi ini sang pagpaalam ukon “goodbye” kay natapos na sang aton Ginuo ang Iya nga buluhaton sa sining dutang luhaan, kundi isa ini ka PAG-ABUT, ukon “ARRIVAL” sang isa ka bag-o nga panahon sa kabuhi sang Simbahan. Ang isa ka bag-o nga kalibutan nagluntad kag nagasugud bilang katumanan sang gab-i sang Pagkabanhaw sang aton Ginuo. Sadto nga gab-i, Iya nga ginpamatud-an ang pagdaug sang “matu-od nga kabuhi” sa kamatayon… sadto nga bag-i Iya ginpahayag nga ang kabutigan indi makadaug sang kamatu-oran… sadto nga gab-i, Iya nga ginpahibalo sa aton nga nalutos na ang gahum sang kadulum kag kita naga-ambit na sang kasanag sang isa ka bag-o nga kabuhi!

Sa Pagkayab sang aton Ginuo, Siya nagapangako sa pagpadala sa aton sang MANUGBULIG nga amo ang ESPIRITU SANTO! Sa sini, kita may KAPAG-ON.

ANECDOTE

BULLET-PROOF VEST

I was in the shop looking for a jacket to buy my girlfriend as a present.

I couldn't decide which one to get, so I asked the salesman, "If you were buying a jacket for your girlfriend, which one would you get?

He said, "A bulletproof one. I'm married."

   FOOD FOR THOUGHT

“God had brought me to my knees and made me acknowledge my own nothingness, and out of that knowledge I had been reborn. I was no longer the centre of my life and therefore I could see God in

everything.”

(Bede Griffiths)

6th Sunday of Easter (B)

PROMISA SANG PAGHIGUGMA

“I love you todo2! I love you sobra2! Tsup2 Mwah2” Ini masami ang makit-an ta sa txt. Apang kon ikaw ang nagahambal sina sa mga kilala mo, ano ang buot mo silingon sina?

Masami, kon ang isa ka tawo maghambal “Palangga ta ka! Ukon ginahigugma ko ikaw”, ang iya buot silingon, “Palangga ta ka kay kinahanglan ta ka!” Ini nga paghigugma amo ang ginhambal ni Piolo Pascual kay Claudine Barreto sa ‘movie’ nga ‘Milan’. Kag ini nga sahi sang paghigugma indi matuod nga paghigugma. Kay ini paghigugma sang isa ka hakugan.. Ini wala nagapanumdom sang ikaayo sang iban kundi ikaayo lamang sang iya kaugalingon. Buot silingon, kon maghambal ikaw, “Palangga ta ka kay kinahanglan ta ka”, ang buot silingon sina, “Palangga ta ka kay kinahanglan ko lawas mo!” “Palangga ta ka kay kinahanglan ko lang kwarta mo… etc…”

Ang iban nagasiling nga “Palangga ta ka kay naila ko sa imo”. Ini nga sahi sang paghigugma, indi man sang matuod nga paghigugma. Kay ini nga paghigugma napasad lang sa pamatyagan. Kag ang pamatyagan ta nagabag-o o nagalipas o nagatandotando man. Buot silingon, kon maghambal ka nga “Palangga ta ka kay naila ko sa imo”, ang imo buot silingon sina amo nga “Palangga ta ka kay gwapo o gwapa ka! Palangga ta ka kay sexy, kanamitorn, o kahumokorn kanimo...etc…” Gani ano karon kon ang ginapalangga mo indi na sang gwapo o gwapa, o malaw-ay na kag mamala? Palanggaon mo pa bala sia?

Gani sa paghambal ni Kristo nga “Ang labing daku nga gugma nga mapakita sang isa ka tawo sa iya nga mga abyan amo ang paghalad sang iya kabuhi para sa ila”, iya nga ginapakilala kon ano ang matuod nga kahulogan sang paghigugma, ang paghigugma nga labaw sa tanan nga paghigugma. Gani, kon ikaw minatuod nga nagahigugma, dapat nga ong buot mo silingon kon maghambal ikaw nga “Palangga ta ka sang todo2 kag sobra2” amo nga “Palangga ta ka gani panginmatyan ta ka!” “Palanggaon ta ka hasta sa akon katapusan nga pagpusnga” Kay amo gid ini ang paghigugma ni Kristo sa imo, sa akon kag sa aton tanan.

Mabudlay hangpon ang hitabo sang Pagkayab sang aton Ginuo kon indi naton pag-iangut ini sa hitabo sang Iyang Pagkabanhaw kag Kamatayon. Daw pareho lang ini dayon sang istorya sang mga super-heroes nga katulad nanday Superman kag sa aton “local” nga si “Kapitan Boom”, ukon iban pa. Daw sa nagbuhat lang si Jesus sang makatilingala nga mga buhat dayon, bayaan na lang kita Niya paagi sa Iya paglupad pakadto sa kahawaan! Kag dayon ano ang matabo sa aton? Daw sa ginbilin kita Niya nga mga ilo nga nadula-an sang ginikanan sa wala ginapa-abut nga tion.

Lain ang hitabo sang Pakayab! Indi ini sang pagpaalam ukon “goodbye” kay natapos na sang aton Ginuo ang Iya nga buluhaton sa sining dutang luhaan, kundi isa ini ka PAG-ABUT, ukon “ARRIVAL” sang isa ka bag-o nga panahon sa kabuhi sang Simbahan. Ang isa ka bag-o nga kalibutan nagluntad kag nagasugud bilang katumanan sang gab-i sang Pagkabanhaw sang aton Ginuo. Sadto nga gab-i, Iya nga ginpamatud-an ang pagdaug sang “matu-od nga kabuhi” sa kamatayon… sadto nga bag-i Iya ginpahayag nga ang kabutigan indi makadaug sang kamatu-oran… sadto nga gab-i, Iya nga ginpahibalo sa aton nga nalutos na ang gahum sang kadulum kag kita naga-ambit na sang kasanag sang isa ka bag-o nga kabuhi!

Sa Pagkayab sang aton Ginuo, Siya nagapangako sa pagpadala sa aton sang MANUGBULIG nga amo ang ESPIRITU SANTO! Sa sini, kita may KAPAG-ON.

 ANECDOTE

CUPID’S ARROW

My son asked me today, "Dad, when was the first time you fell in love?"

I said, "I was 18. I walked into a bar and spotted the most beautiful blonde I'd ever seen. Cupid fired his arrow the second I saw her."

He asked, "So what happened?"

I said, "Nothing. Unfortunately the arrow missed and hit your Mother."

   FOOD FOR THOUGHT

The great gift of Easter is hope - Christian hope which makes us have that confidence in God, in his ultimate triumph, and in his goodness and love, which nothing can shake.

(Basil Hume)

5th Sunday of Easter (B)

PUNO KAG BUNGA

“Ako amo ang matuod nga puno sang ubas… ang tagsa ka sanga nga yara sa akon nga wala nagapamunga, ginautod Niya…” Amo ini ang mga pulong sa Santos nga Ebanghelyo subong nga Dominggo. Ginhalintulad naman sang aton Ginuo ang Iya nga relasyon sa aton bilang aton ginagikanan sang kabuhi paagi sa pagsiling nga Siya amo ang Puno sang ubas. Sa sini maathag Niya nga ginapahayag nga kita amo ang mga sanga… mga “extensions” sang Iya nga kabuhi, kag bilang mga nagaambit sang kabuhi sini nga Puno dapat kita naangut sa Iya sa tanan nga oras agud may kabuhi kita sa KABUGANAAN!

Ini nga kabuganaan sang kabuhi makita lamang paagi sa aton pagpamunga sang padayon, sa diin kita nagapahayag sang himaya sang aton Amay sa langit. Apang kon wala kita nagapamunga, buot silingon kon “palso” ang aton pagginawi sa sining ginapaambit nga kabuhi sang Diyos, kita gina-utod niya ukon kon sa aton pa, kita wala sang kaangtanan sa matuod nga Puno!

Kita naangut na sa kabuhi ni Kristo paagi sa aton pagbaton sang sakramento sang bunyag. Diri kita nag-angkon sang dignidad nga kita gintawag nga mga UTOD ni Kristo kag nangin ANAK man kita sang Diyos, apang sa aton adlaw-adlaw nga pagkabuhi, matuod gid  ayhan nga kita naangut gid sa kay Kristo? Sa tagsa ka pagsugud sang isa ka bag-o nga adlaw kon kita magbugtaw, ginasuguran bala naton ini paagi sa paghimo kay Kristo bilang sadsaran kag pamuno sang aton mga inadlaw? Buhi bala ang aton relasyon kay Kristo?

Ang isa ka tinaga nga paborito gamiton ni San Juan amo ang Griego nga pulong nga “MENO”, nga ang buot silingon, “pagtener, pagpuyo, pag-estar ukon pagpabilin”. Wala ini nagatumod sa pag-okupar lamang sang isa ka lugar, kundi sa pagpabilin man sa sulod sang malawig nga tion. Isa ini ka pagpuyo nga “nagadugay, malig-on, kag nagapadayon”. Sa patag sang pag-angtanay, ang pagpuyo ginatuyo nga mangin permanente nga kahimtangan, kag mangin tuburan sang inspirasyon, kabaskug kag katutom.

Sa Ebanghelyo subong, ang larawan sang “Puno sang Ubas” nagapahayag sang nagakaigo nga kaangtanan sa tunga ni Jesus kag sang iya katilingban sang mga gintutun-an. Ang “pagpabilin” kay Jesus nagakahulogan sang wala’y katapusan nga pag-angot sa iya sa bagay nga indi ka bala mabuhi kon wala sia, nga pareho sang sanga nga patay o nagakalaya kag nagakadunot kon wala na naangot o nautod sa puno.

Buot silingon, ang isa ka tawo nga wala “nagatener, nagapuyo, naga-estar, nagapabilin, naangot o naangkla” kay Kristo sarang nga magpadayon sa pagginhawa, apang sia nagakabuhi sang ‘anino nga pagkabuhi’ nga wala sang damil kag wala nagapamunga sang sahi sang bunga nga nagapadayon. Ngaman? Tungod sa simple nga rason nga ining aton nagaisahanon nga kabuhi naghalin man lang sa aton nagaisahanon nga Dios.

May pari nga nagsiling, “If you take God out of your life, you will go out of your life”. Ini nagapasat-um sang kamatuoran nga kita tanan naghalin sa Dios kag dapat sa Dios man kita mabalik. Gani kon ikaw nagakabuhi nga daw wala ang Dios sa imo, makabalik ka pa ayhan sa ginhalinan mo? Klaro gid si Kristo nga nagsiling, “Kon wala ako, wala kamo sang sarang mahimo”. Amo gani nga kon kwaon ta ang ‘CHRIST’ sa tinaga nga ‘CHRISTIAN’, ang mabilin sa aton amo ang tinaga nga “I-A-N”, nga ang buot silingon, “I AM NOTHING”.

ANECDOTE

THE REMOTE

He started by running his hand across her shoulders and the small of her back. He ran his hand over her breasts, touching them very lightly.

Then, he proceeded to run his hand gently down her side, sliding his hand over her stomach, and then down the other side to a point below her waist.

He continued on, gently feeling her hips, first one side and the other. His hand ran further down the outside of her thighs.

His gentle stroking then started up the inside of her left thigh, stopped and then returned to do the same to her right thigh.

By this time the woman was becoming aroused and she squirmed a little to better position herself.

The man stopped abruptly and rolled over to his side of the bed.

"Why are you stopping?" she whispered.

He whispered back, "I found the remote."

   FOOD FOR THOUGHT
“Let every man and woman count himself immortal. Let him catch the revelation of Jesus in his resurrection. Let him say not merely, 'Christ is risen,' but 'I shall rise.”

 (Phillips Brooks)

4th Sunday of Easter (B)

MAAYO NGA MANUGBANTAY

May duha ka sahi sang manugbantay sang karnero. Ara ang INDI MAAYO – ang mga “sinuholan”. Sang una pa, ginatumod na sila sang mga propeta: nagaribok sila kontra sa Ginuo (Jer.2,8); nagainum sila sang gatas, nagabayo sila sang lana, kag nagaihaw sang matambok nga karnero, apang wala nila ginaatipan ang mga panong (Eze 34,3); wala sila nagakabalaka para sa mga panong (Zac 11,4-8).

Sa pihak nga bahin, ara ang mga MAAYO. Labi sa tanan, ang Dios ginatawag nga manugbantay sang iya katawhan (Sal 23,1; Is 40,11) Ang Israel, ang pinili nga banwa, ginatawag nga panong sang Dios (Sal 74,1). Sa mga pinuno sang Israel, ara si Moises nga ginatawag nga manugbantay sang Israel (Is 63,10) Amo man si Haring David nga ang ginalauman nga Mesiyas magagikan sa iya linahe (Sal 78,70-72; Miq 5,3).

Ang maayo nga manugbantay nagatuytoy sang panong sa madabong nga halalban kag sa higad sang matin-aw nga tubig (Sal 23). Ginaamligan niya ang mga karnero sa matarong nga taguipusoon kag ginatatap kag ginatuytoyan sila paagi sa sampaton nga kamot (Sal 78,72). Bilang maayo nga manugbantay, si Jesus nagatan-ay sang iya kabuhi para sa iya panong.

May ara nga estorya nga nagasaysay nahanungod sa isa ka panong sang mga karnero nga naglakat kag nagpinangita sa ila pastor. Dayon sila ginsingganan, “Sorry gid pero ang inyo pastor, pareho man sang iban, nagpalakat sang ila panong sa pagpangita sang ila kaugalingon nga halalban, kag karon, ato sila sa bar, nagapinahubog kag nagapinabugal kon sin-o sa ila ang pinakamaayo nga pastor.”Gani kon ikaw isa ka manugbantay, maayo ka bala o indi maayo?

   Ang isa sa mga pinakamatahum nga “imahen” nga ginpakita sang aton Ginuo sa aton amo nga Siya amo ang “Maayo nga Manugbantay”, kag indi katulad sang mga “sinuhulan” nga mga manugbantay nga nagapalagyo ukon uyaya sa ila nga obligasyon, Siya nakakilala sang tagsa niya ka panong kag indi gid magbiya sa ila, sa bagay nga kon may madula gani, bisan isa lamang, Siya indi gid mag-untat sa pagpangita tubtub nga Iya nga makita ini.

Ang isa ka Maayo nga Manugbantay handa sa paghalad sang Iya kaugalingon para sa Iya nga panong. Ini naangut sa ginsiling sang aton Ginuo :”Nga wala na sang may mas maglabaw sa paghigugma sang isa ka tawo, sang sa  paghalad niya sang iyang kabuhi para sa iya mga abyan!”- Amo ini ang pag-higugma sang isa ka Maayo nga Manugbantay.

Sa aton nga panahon karon, kita gina-agda sa pagtulok sining imahen sang Maayong Manugbantay agud aton mausisa sing maayo ang aton mga kaugalingon. Madamo sa aton karon nga luyag magprobitsar, apang wala man naga-alagad sang insakto...madamo sa aton ang yara sa palangaku-an nga nagpangako nga mag-alagad apang kon yara na sila sa ila puwesto, sila na ang gina-alagaran!

Pila ang yara sa aton tunga ang ginakabig naton nga manugbantay apang sila gali sa minatu-od BANTAY-SALAKAY= Ginabantayan lang nga wala ka makatalupangud kag dayon salakayon ka sa wala mo ginapa-abut! Pila sa aton ang matuod nga NAGA-ALAGAD kag NAGAHIGUGMA katulad sang isa ka Maayo nga Manugbantay?

Bilang isa ka Maayo nga Manugbantay handa bala kita sa paghalad sang aton kabuhi sa aton panong?

ANECDOTE

DESCRIPTION

A wife asks her husband, "How would you describe me?"

He replies, "ABCDEFGHIJK."

The confused wife asks, "What does that mean?"

Her husband replies, "Adorable, beautiful, cute, delightful, elegant, fashionable, gorgeous, and hot."

The wife says, "Aw, thank you, but what about IJK?"

"I'm just kidding!"

   FOOD FOR THOUGHT

“Here is the amazing thing about Easter; the Resurrection Sunday for Christians is this, that Christ in the dying moments on the cross gives us the greatest illustration of forgiveness possible.”

 (T. D. Jakes)