Easter Sunday (B)

NABANHAW SIA!

Sobra ka damu nga mga tawo ang nagadayaw kay Jesus kag sa iya nga pagtulun-an apang wala sila magpabunyag agud mangin kristiano. Ara si Mahatma Gandhi nga nagkuha sang inspirasyon sa “Beatitudes” ni Jesus. Sila CHRIST-FANS, indi CHRIST-IANS. Ang nagapugong sa kadam-an sa ila agud mangin kristiano amo ang pagtuluohan nga si Kristo nabanhaw sa mga minatay. Para sa ila, ang pagtuo sa Pagkabanhaw ni Jesus amo ang “bukid” nga indi nila mataklad. Mabaton kag mapatihan nila ang tanan nga ginatuohan sang mga Kristiano luwas lamang sini. Apang ini nga pagtuluohan ang sentro kag sadsaran sang aton pagka-Kristiano. Si San Pablo klaro nga nagsiling: “Kon si Kristo wala mabanhaw… ang inyo pagtuo wala pulos” (1 Cor 15,14).

Kon aton usisaon ang sugilanon sang Pagkabanhaw, may duha ka bagay nga nagapamatuod nga ini may basehan sa realidad. (Indi ini ‘scientific proof’ sang Pagkabanhaw kag indi man ini kontra sa pangrason sang tawo. Gani kinahanglan diri ang ‘leap of faith’)

Ang una nga hitabo amo ang daku nga pagbag-o sa mga gintutun-an. Pagkatapos sang trahedya sang Kalbaryo, mga talawit sila nga nagpalanago sa kwarto, kay nahadlok sila sa awtoridad. Magamo ang ila painoino, nadulaan sila sang paglaum, halos wala na sing saysay ang ila kabuhi. Apang pagkaligad sang pila ka semana, makita naton sila nga maisog nga nagaatubang sa Sanhedrino agud makigdebate (Bin 4:5-22); sila nga mga mangingisda nagasupak sa Pinakamataas nga Konsilyo sang mga Judio! Paano naton mapaathag ini?

Ang ikaduha nga pamatuod amo ang wala nagabalhin nga panaksi sang mga Apostoles. Damu sa ila ang ginpatay bangud sa ila pagtuo sa Pagkabanhaw. Kon ini bunga lamang sang ila imahinasyon ukon ini ila lang gin-imbento kag patopato, ayhan may pila gid sa ila nga magbalhin sang hunahuna kon malapit na sila patyon. Sila labanlaban nga magahambal: “Opps, hulat anay, indi matuod ato; amon-amon lang to!” Apang wala gid nila ginligwat ini nga pagtuo.

 Masami, sa aton naandan, nagakadto kita sa sementeryo kon Piesta Minatay, apang sa ordinaryo nga lakat sang aton kabuhi, sa adlaw-adlaw naton nga kina-andan, wala kita nagapalapit diri. Ngaa ayhan? Sin-o man sa aton ang na-ila sa pagsagad kinadto sa lugar sang mga patay? … Sa lugar nga puro lang tul-an?...

Sa lugar nga nagasimbolo sang pagtapos sang kabuhi?! Ayhan, ang isa pa gid ka madalum nga rason kon ngaman nga sa ordinaryo naton nga kabuhi, wala kita nagakadto sa sementeryo tungud ini nga lugar NAGAPAHANUMDUM SA ATON SANG ATON MISMO NGA KAMATAYON! Sa sementeryo kita nagasumalang sa isa ka kamatuoran nga mapa-it, kag ini, amo ang kahuyang naton nga mga tinuga, nga sa ulihi, kita man mapatay. Nahadluk kita mapatay, amo gani nga bisan sa mga sugilanon, ginalikawan naton ang topiko sang kamatayon tungud ini kamatuoran nga mabudlay batunon! Luyag kita nga magkabuhi, kon pwede lang, nga WALA SING KATAPUSAN!

KON PWEDE LANG? Amo ini ang mensahe sang PAGKABANHAW sang aton Ginuo– PWEDE GID! Pwede gid nga kita mag-angkon sang kabuhi nga WALA’Y KATAPUSAN, tungud sa Iya nga pagkabanhaw, gin-upod man Niya kita sa pag-ambit sang KABUHI nga wala’y katapusan– Ang kabuhi nga MAHIMAYAON!

Sa Pagkabanhaw sang aton Ginuo, Iya nga ginpakita nga wala na ang dalit sang kamatayon tungud Siya amo ang DIYOS SANG MGA BUHI kag ang tanan nga naangut sa Iya may KABUHI NGA WALA SING KATAPUSAN!

ANECDOTE

THE FUNERAL

A funeral service is being held in a chuch for a woman who has just passed away. At the end of the service, the pallbearers carrying the casket accidentally bump into a wall jarring the casket. They hear a faint moan. They open the casket and find that the women is actually alive. She lives for 10 more years and then dies. A ceremony is again held at the same church and at the end the pallbearers are again carrying the casket out. As they are walking, the husband calls out, "Watch out for the wall!"  

   FOOD FOR THOUGHT
We are told to let our light shine, and if it does, we won't need to tell anybody it does. Lighthouses don't fire cannons to call attention to their shining - they just shine.

(Dwight L. Moody)

Palm Sunday (B)

ANG KRUS : TANDA SANG PAGHIGUGMA

Ang ginasaulog naton subong nga Domingo amo ang pagsugud sang aton ginahanduraw nga Semana Santa– ang Semana nga sa diin ang aton Ginuong Jesukristo nag-antus, namatay kag nabanhaw. Ini nagapatpat naman sa aton sang mga kasakit nga gin-agihan sang aton Ginuo agud maagum naton ang kaluwasan tungud sang aton pagkamalalison sa kasuguan sang paghigugma sang Diyos.

Aton makita karon nga Dominggo ang “mahimayaon” ukon ang kadayawan nga ginhatag sang mga Hudiyo sa aton Ginuo nga ila ginakabig nga amo ang magahilway sa ila sa pagkaulipon sang Emperyo Romano. Ginasinggitan nila nga si Kristo amo ang ila nga “Hari”, sa bagay nga nagapa-abut sila sang isa ka kahilwayan politikal.

Apang sa pihak nga bahin, lain sang sa ginapa-abut sang mga Hudiyo, ang aton Ginuo wala magdala sang pagbag-o sang politikal nga estado sang mga tawo, kundi ang Iya nga ginbag-o amo ang ila “tagipusuon”- ang ila nga nabugto nga kaangtanan sa Diyos. Si Jesus wala magdala sang kahilwayan politikal, kundi sang kahilwayan sang kalag nga naga-id sa gapos sang sala!

Sa pasyon ni Jesus suno kay San Mateo ginapakita si Jesus nga ginlansang sa krus sa bukid sang Kalbaryo samtang ginayaguta Sia sang pangulo nga mga pari kag sang mga manunudlo sang Kasuguan: kon Sia matuod nga Anak sang Dios, magpana-ug Sia sa krus kag luwason ang Iya kaugalingon. Oara sa ila, katapusan na yadto ni Jesus-kon indi Sia magpana-ug sa krus.

Nagpabilin si Jesus sa krus– apang indi tungud kay wala Sia sing mahimo. Madali Sia makapanawag sa Amay agud ipadala ang mga anghel sa pagluwas sa Iya. Apang ginpili Niya nga- “pabayaan” Sia sang Dios.

Ang krus mahangpan lamang paagi sa PAGHIGUGMA nga amo ang katumanan sang mga kasulatan. Wala ini makita sang mga nagayaguta kay Jesus; ang ila nakaita amo lamang nga wala na si Jesus sing mahimo. Amo man ini ang panan-awan sang mga tawo subong nga nagatamud sa krus bilang tanda sang Dios nga nasadyahan sa pag-antus kag sa kasakit sang “makasasala nga mga tawo.” Kag ini sila  naga-antus nga may kaakig. Ang krus para sa ila isa ka eskandalo sanglit wala sing ginahimo ang Dios sa pagbalhin sang kahimtangan sang kalibutan.

Indi matuod nga wala sing mahimo ang Dios. Ang krus nagapakilala nga kon gusto nga sundon sang mga tawo si Jesus, kinahanglan nga maglakat sila sa dalan sang pagtuo, kag batunon man ang sakripisyo nga ginhakus ni Jesus. May katapusan ang kasakit, kag maaguman ini sa paagi ni Jesus– indi sa pagpalagyo diri. Nagpabilin si Jesus sa krus tungud paagi lamang diri masanagan ang mga tawo. Ang dalan pakadto sa pagkabanhaw amo man ang dalan sang kasakit. Malain ang kasakit, apang mahimo ini nga isa ka “sakripisyo”- isa ka balaan nga hilikuton.

Ang pagkahari sang aton Ginuo wala masandig sa trono nga malahalon, kundi sa trono sang tagipusuon sang tagsa-tagsa.

Sa aton pag-abi-abi sa Iya sa sini nga Domingo kabay nga Siya MAGHARI sa aton kabuhi!

5th Sunday of Lent (B)

BAG-O NGA KABUHI NGA NAGAHULAT

“Isa ka adlaw sa isa ka sikat nga Universidad, nag-ilinaway ang mga estudyante kag sa paglipas sang mga inadlaw, nagdinumtanay kag wala na gasapakanay. Gani kinahanglan nga may himuon agud mabalik ang pag-intiendihanay kag pag-abyanay. Dayon may mga estudyante nga nagkadto sa ila “psychology professor” kag nagpangayo sang bulig kon ano ang solusyon sang ila problema. Kay ginapatihan nga ini nga manunudlo lang ang may “formula” o “technique” nga garantisado nga makapabalik sang maayo nga pagtamdanay sa mga estudyante. Kag ang professor naghambal: “Bisan diin ka man, nagaisahanon o may ginaestorya, panumdumon mo kag isiling sa imo kaugalingon, “Ako MADALI NALANG NGA MAPATAY kag ini man nga tawo!”

Wala sang nagapati, sa sulod sang iya taguipusuon, nga sia mapatay isa ka adlaw. Ang tanan nga tawo “NAKAHIBALO” nga mapatay gid man sia sa pila ka adlaw. Apang wala gid sang tawo nga “NAGAPATI” nga manugpatay na sia. Ang sobra ka damu nga mga problema sa kalibutan nagahalin sa sining simple nga kamatuoran, nga wala sang tawo nga “NAGAPANUMDOM” o luyag magpanumdom sang iya kamatayon. Apang kita gid nakahibalo nga ang isa ka tawo nga napahanumdom sang iya kamatayon indi gid maghimo sing malain o magdumot o maghalit sa iya isigkatawo. Lantawa ang damu nga mga tigulang, nga sang una, mabudlay ‘pakisamahan’, pero karon, mga mabuot na. Kay ang pagpanumdom nga “Ako madali na lang nga mapatay kag ini nga tawo madali na lang mapatay nagabag-o gid sang tawo nga mangin maayo.

Gani sa ginhambal nga “paraimia” o palaanggiran ni Kristo nga “Ang isa ka binhi sang humay indi magdamo kon indi pag-ipanggas sa duta kag MAPATAY. Kon mapatay sia, magapamunga ini sang madamo.”, iya gid ginatudlo sa aton nga “ANG NAGAISAHANON NGA LATAYAN PAKADTO SA BAG-O NGA KABUHI AMO ANG KAMATAYON”.

   Malapit na gid lang maga-abut ang katumanan sang Misyon sang aton Ginuo– ang pag-usik sang Iya kaugalingon nga kabuhi bilang kabayaran sa kasal-anan nga ginbuhat sang katawhan nga nag-abusar sa paghigugma nga ginpa-ambit sang Iyang Amay.

Sa Ebanghelyo karon nga Dominggo maathag nga ginsiling sang aton Ginuo nga: “Ang isa ka binhi sang humay indi magdamo kon indi ini pag-ipanggas sa duta kag mapatay.” Ginapahayag sang aton Ginuo nga KINAHANGLANON gid nga “madula” Niya ang Iyang kabuhi agud kita MAKAANGKON sang isa ka BAG-O nga kina-ugali sa atubangan sang aton Amay sa langit.

Makatalanghaga… Makatilingala...kag ayhan masiling naton nga “UNFAIR” man para sa isa ka tawo nga magpakamatay agud maluwas ang iban. Kon aton lantawon sa hustisya, daw indi gid sang makatarungan nga ang aton Ginuo maghalad sang Iyang kabuhi tungud lamang sa aton mga sala. Apang ang pama-agi sang Diyos indi katulad sang pama-agi sang tawo. Ang hustisya sang Diyos malayo sang sa hustisya sang tawo, tungud ang hustisya sang Diyos wala ginabase sa talaksan tungud INDI ini MATAKUS! - kay ang hustisya sang Diyos ginabayaw sang Iya nga LAYI SANG PAGHIGUGMA–Paghigugma nga wala sang talaksan… wala sang tupong… wala sang katapusan… tungud ang aton Diyos, Diyos sang PAGHIGUGMA!

Ang paghigugma ni Jesus wala nagapa-abut sang balos Amo man ini nga paghigugma ang Iya ginapabuhat sa aton! Naga-upod bala kita sa aton Ginuo sa Iya dalan?

Magasulod na kita sa Semana Santaa sa diin ginapakita sang aton Ginoo nga ang Iya dalan amo ang dalan sang Krus. Kita Iya gina-agda sa pagsunod sa Iya tunud amo lamang Ini ang dalan nga nagapadulong sa bag-o nga kabuhi!

JESUS PROTECTS THE DEAF AND MUTE

The burglar knew the family was “deaf ‘n’ dumb,” so for easy pickings late one night, he broke into their house. He walked boldly through the living room but suddenly froze in his tracks when he heard a loud voice say, "Jesus is watching you!"
Silence returned to the house, so the burglar crept forward.
"Jesus is watching you," the voice boomed again. The burglar stopped dead, frightened. The whole family supposedly couldn't hear or talk.
In a dark corner, he spotted a bird cage with a parrot inside. "Was that you who said Jesus is watching me?"
"Yes," said the parrot.
The burglar breathed a sigh of relief and asked, "What's your name? Polly?"
"No,” said the bird. “Joseph.”
"What dope would name a parrot Joseph?” sneered the burglar.
"The same dope who named the Doberman Jesus."

FOOD FOR THOUGHT
Lent – a season where it’s common practice for Catholics to ask each other ‘What are you giving up for Lent?’ Okay. So I’m half-serious. But that’s the kind of idea of we had of Lent growing up. A time of ‘giving up’.
 (Everday Gyaan)

4th Sunday of Lent (b)

DAPAT KAG ANGAY KA BALA?

Kon kaisa, ginasiling naton nga sanglit ang Ginoo Dios, wala sang imposible sa iya. Mahimo niya ang tanan. Daw wala sang mabug-at, kabudlayan, problema o kabilihanan sa iya—indi pareho sang tawo nga dapat “magbayad” kon gusto niya maangkon ang isa ka butang.

Apang ang Ebanghelyo subong nga Domingo (Jn 3:14-21) nagapakita sa aton nga indi “libre” ang pagtubos sa aton. May “presyo” ini sa langitnon nga Amay. Kon ang Dios makabatyag sang kasakit, ini na ayhan ang pinakamasakit sa iya—ang paghatag sang iya bugtong nga Anak, ang dili pagpugong sang sakripisyo sa Krus, agud maluwas kita sa aton mga sala.

Kon aton ini mahangpan, labi kita nga magpasalamat sa Amay. Labi naton mabatyagan nga kita dili-takos sa kaluwasan nga ginhatag sa aton. Kag labi naton nga mahangpan nga wala sang may makapahilayo sa ‘pagpalangga’ sa aton sang Dios.

“Isa ka adlaw, may ara nga isa ka tawo nga nagrisgo sang iya kabuhi sa pagluwas sa isa ka bata nga ginaanod sang baha. Pagkatapos nga ang bata makatalupangod nga patay gid sya kuntani kon wala sya ginluwas, nagamihamiha sya nga nagpasalamat sa tawo, “Daku gid nga salamat sa pagluwas mo sa kabuhi ko!” Ang tawo nagtulok sa mga mata sang bata kag naghambal sa iya, “Ok lg na kid! Seguraduha lang nga igo kag dapat ko gid man luwason ang kabuhi mo!”

Si Kristo nagluwas sa imo. Dapat kag igo ka gid man bala nga panginmatyan niya?  Ikaw lang ang makasabat sina.

   “Kay ginhigugma gid sang Diyos ang kalibutan, sa bagay nga Iya ginhatag ang Iya Bugtong nga Anak…” Ining mga dinalan gikan sa Ebanghelyo ni San Juan, nagapahayag sa aton sang kahulugan sang matuod-tuod nga paghigugma. Ang gugma nga ginapatuhoy para sa kaayohan sang iban kag indi sang makinaugalingon. “It is a SELFLESS kind of love… NOT SELFISH”.

Ini nga paghigugma sang Amay maathag nga ginpamatud-an sang Anak, sang aton Ginuong Jesukristo paagi sa Iya paghalad sang Iya kabuhi sa Krus bilang kabayaran sang aton mga sala. Sa kamatayon sang aton Ginuo, Iya gintubos ang kalibutan… Iya ginbayaw liwat ang napukan nga imahen sang tawo, agud nga siya makapakig-angut liwat sa iya Manunuga, nga nahilway sa silot sang sala nga iya ginbuhat!

Indi naton matungkad sang aton painu-inu ang ginbuhat sang aton Ginuo nga paghalad sang kabuhi, kay “ano gid ang ahaw nga tawo” nga Iya gid panginmatyan? Apang ang sabat sini tanan makita lamang sa kamatuoran nga ang “Diyos gugma!” Suno sa aton Santo Papa:”Deus Caritas est”.

Si San Juan maathag nga nagasiling nga: “Ang Diyos gugma, kag ang nagakabuhi sa gugma, nagakabuhi sa Diyos, kag ang Diyos nagakabuhi sa iya!” Amo ini ang gugma– Ang paghalad sang bug-os naton nga kaugalingon! Ang simbolo sang paghigugma amo ang Krus! Ang paghigugma nga nahadlluk mag-antus kag mapatay, indi sang minatuod nga gugma. Isa lamang ini ka balatyagon! Ang balatyagon naga-abut kag nagalipas, apang ang matuod nga paghigugma isa ka DESISYON!- Desisyon nga bisan ano pa man ang matabo, magapabilin ka nga matutum sa imo sinumpaan!

Ano ang aton mga DESISYON SA PAGHIGUGMA?                                                      

ANECDOTE

MEMORY

A man is struck by a bus on a busy Portland street. Seriously injured, he gasps to on-lookers, “A priest. Somebody get me a priest!"

A police officer checks the crowd--no priest, no nun, no eucharistic minister or person of the cloth of any kind. "Please, any words of the church,” the injured man cries.

Out of the crowd steps a shabby old man. He says he’s not Catholic, but he’s slept behind Sacred Heart Cathedral forty years and has heard the words of the priests so many times they are etched in his memory.

Desperate, the injured man nods. The elderly homeless man kneels by him and solemnly intones, “B-4 . . . I-19 . . . N-38 . . . G-54 . . . O-72 . . ."

FOOD FOR THOUGHT
Lent is a time to renew wherever we are in that process that I call the divine therapy. It's a time to look what our instinctual needs are, look at what the dynamics of our unconscious are.
 (Thomas Keating)

3rd Sunday of Lent (B)

TEMPLO KAG MERKADO

Ang tawo o isa ka butang nangin sagrado kon ini malapit sa Dios. Ang pinakamalapit sa Dios amo ang labing balaan. Ang pinakamalapit sa Dios amo man ang pinakasentro sang kalibutan.
Ang pinakabalaan nga lugar sadto anay sa panahon ni Kristo amo ang siudad sang Jerusalem. Ini tungod sang TEMPLO-ang balay sang Dios-sa diin mabatyagan ang iya presensya. Kag ang pinakasagrado nga bahin sang templo amo ang ginatawag nga ‘holy of holies’, nga ginasulod lamang sang pinakamataas nga pari sa isa ka bes sa bug-os nga tuig, sa ‘Yom Kippur’, ang adlaw sang pagkilala kag paghinulsol sang kasal-anan. Ang ‘holy of holies’ amo ang pinakasentro sang kalibutan.
Ang templo sa panahon ni Kristo amo ang ikaduha nga templo.(Kay ang nahauna amo ang templo ni Haring Solomon, 1000 BC) Ginpatindog ini ni Zerubbabel kag sang mga Judio sadtong 537 BC, sa ila pagbalik gikan sa pagkatapok sa Babilonia. Dayon ginpadaku kag ginpatahum ini ni Haring Herodes. Mabasahan naton sa Ebanghelyo nga ang obra ni Herodes nakalab-ot na sa 46 ka tuig. Nag-umpisa ang pag-obra sini sa 19 BC kag natapos sa 64 AD. Kag pagkaligad sang anum ka tuig (70 AD), ginguba man lang sang mga Romanhon. Ginadayaw gid sadto ang katahum sang templo. Isa sang mga hulobaton nagasiling: “Ang wala makakita sang Jerusalem, wala makakita sang siudad nga matahum”.
Ang templo nagapatimaan sang presensya sang Dios. Dira sa Pulong nga nahimo nga tawo, kay Jesus, mabatyagan naton ang presensya sang Dios. Sa iya lamang mabanaag ang laragway sang Amay. Gani nasiling niya nga ang nakakita sa iya nakakita man sa Amay. Ang matuod nga manugsimba magasimba “paagi kay Kristo, upod sa iya, kag dira sa iya”, kay sya lamang ang makahatag sang Espiritu Santo kag sya ang matuod nga Templo sang Dios. Sia ang pinakasentro sang kalibutan, sang kasaysayan kag kaluwasan.
  “Indi ninyo paghimu-a nga balaligyaan ang balay sang akon Amay!” Amo ini ang mga pulong sang aton Ginuo sang Iya ginpamaliskad ang baligyaan sang mga manugbaligya sa sulud sang templo. Tuman gid kataas ang pagtahud nga ginhatag sang aton Ginuo sa Templo tungud ini amo ang puluy-an sang Iya nga Amay. Ang Templo ukon ang Simbahan, sa aton karon naandan nga pagtawag sa sini, isa ka du-og sa diin nagasumalang ang katawhan sa paghiusa sa Diyos nga iya Tagtuga. Diri sa sulud sang Simbahan, ginahimo naton ang pagpakig-angut sa Diyos nga labing Balaan sa tanan… ini nga pagpakig-angut indi matumbasan sang kwarta ukon sang ano man nga material nga mga bagay.

Ang Simbahan indi sang merkado! Sa merkado, ang tanan sarang mo maangkon kon ikaw may kwarta, kay ang tanan nga ginabaligya, ginapresyohan! Sa merkado, may katumbas ang ginabaligya! Ang merkado madamo sang higko tungud ang manugbakal kag manugbaligya nagakalhit lang bisan diin, bisan pa may ara na gid nga basurahan! Ang importante sa merkado nga may nagakahanabo nga transaksyon nga ginatumbasan sang bayad!

Sa panahon sang aton Ginuo, kina-andan sa mga komersyante ang magbaligya sa templo tungud ini ginagamit nila sa ila paghalad sa Diyos, ang diperensya lang nga sa ila nga pagbaligya sang halad, nalipatan na nila ang GINAHALADAN NGA DIYOS kag gani, nadula man ang pagrespeto kag pagtahud sa Balaan nga Duog!

May pagrespeto man bala kita sa Balay sang Diyos?

ANECDOTE

ST. MARTIN OF TOURS

St. Martin was originally an officer in the Roman army.
One bitterly cold winter’s day he was riding out of the town of Amiens in France, when at the city gates he beheld a beggar almost destitute of clothing, shivering with cold. No one had had the charity to give him a worn-out garment. Martin, moved with compassion, drew his sword and cut his warm military cloak in half, giving one piece to the beggar. He then rode on. The next night he had a dream, or rather a vision. He saw Our Lord Jesus Christ, surrounded by angels, wearing the half-cloak which had been bestowed on the beggar, and saying to the angels: “Look, this is the garment which Martin gave to me.” This dream led to Martin’s conversion; he was baptized, and was more liberal in almsgiving than ever. Later on he was made a bishop, and led a saintly life. God regards what we do to our fellow-creatures as done to Himself. ed to give up drinking for Lent.”

FOOD FOR THOUGHT
“No act of virtue can be great if it is not followed by advantage for others. So, no matter how much time you spend fasting, no matter how much you sleep on a hard floor and eat ashes and sigh continually, if you do no good to others, you do nothing great.” 

 (St. John Crysostom )

2nd Sunday of Lent (B)

ANG KASAKIT BAG-O ANG NAMIT

Madamu sa aton ang pareho sini. Gusto naton mangin madinalag-on bisan wala sang paghimud-os. Gusto naton magkalipay bisan wala danay sang panghayhay. Gusto naton magkabuhi nga matawhay nga wala sang kabudlay. Kon sa pulong pa sang isa ka mangunguma, “Gusto naton mag-ani sang humay bisan wala na sang pag-aradu!”

Apang ang ‘Transpigurasyon’ o Pagbalhin sang dagway ni Kristo nagaligwat sini nga mga painoino. Kon ato kita sa Mt. Tabor, pareho kay San Pedro, ayhan makahambal man kita, “Uhmm kanami gali diri. Its really good to be here.” Kay didto sa ibabaw malamig kag manami magtulog kag imo pa makita ang latagon sang Megiddo sa idalum (Ang lugar sang katapusan nga away sang ‘good & evil’ nga nasulat sa Bugna ni San Juan).

Ang ‘Transpigurasyon’ ni Kristo, ginasiling sang mga ‘theologo’, nga isa ka pagtilaw, pagsid-ing o paghimutad lamang sang Iya nga MAHIMAYA-ON NGA PAGKABANHAW.  Diri ginaklaro sa aton nga ANTES ANG IYA MAHIMAYAON NGA PAGKABANHAW, SI KRISTO DAPAT ANAY MAG-ANTUS KAG MAPATAY SA KRUS.

Sa pagkamatuod, indi kinahanglan ni Kristo nga mag-agi sa isa ka makangilidlis nga pag-antus kag kamatayon sa Krus. Sarang Niya kita maluwas sa isa lamang ka pitik sang iya nga tudlo. Apang ini nga misteryo may ara nga mensahi: WALA SANG HIMAYA KON WALA SANG KRUS. Wala kita sang sarang makuha sa wala naton ginpangabudlayan. Bahin sang aton pagkabuhi sa duta ang pagbatas sang mga sak-ripisyo kag pag-antus kon luyag naton nga maangkon ang kadalag-an.

Amo ini ang ginapasid-ing sa aton nga kamatuoran sang aton Ginoo, sa aton pagtulok subong sa pagbalhin sang Iya nga dagway. May kapasidad kita sa pagbangon kon kita madasma… may kapasidad kita sa pagkadto sa kasanag kon yara kita sa kadulum… may bag-o nga kabuhi nga makapamukadkad sa likud sang aton pagkamakasasala. Indi lamang naton pagtulukon ang pagbag-o sang dagway sang aton Ginoo. Labi sa tanan, aton tulukon ang paglaum sa ATON PAGPANIBAG-O sa sining panahon sang Kwaresma.

      Ang kwaresma nga tinaga nga isa ka paglubad sa aton nga pulong naghalin sa tinaga nga “LENTE”, amo gani nga ang translation sang mga Amerikano sa sini nga tinaga amon ang LENT. Ang “lent” isa ka panahon nga nagakahulugan “SPRINGTIME”, buot silingon nga sa sini nga panahon sang kwaresma NAGAPAMUKADKAD ang pagtubo liwat sang mga kabulakan pagkatapos sang malawig nga tigtulug-naw... Nagapamukadkad liwat ang isa ka bag-o nga kabuhi nga aton gina-ambit sa kabuhi sang aton Ginuo.

Sa aton nga Ebanghelyo, ang aton Ginuo nagpahayag sang Iya “nagapamukadkad” nga himaya paagi sa pagbaylo sang Iya nga dagway sa diin Siya nagmasilaw sa panan-awan sang Iya mga Apostoles.

Antes mahanabo ini, ginpanagna sang aton Ginuo ang Iya nagahilapit nga Kamatayon kag ayhan, nadula-an sang pagla-um ang Iya mga Apostoles, tungud sila nagakabig sa aton Ginuo nga isa ka manluluwas sa ila pagkapigos sa gahum sang mga Romanhon. Ila ginapanumdum ang lawasnon nga kahilwayan! Apang sa hitabo subong, ginatudlu-an sila sang aton Ginuo nga may ara pa nga mas labaw nga kahilwayan sang sa lawasnon, kag ini amo ang kahilwayan sang aton BUG-OS nga pagkatawo– lawas kag kalag!

Ayhan katulad man kita sang mga Apostoles, nagakinahanglan man kita sang kahilwayan sa aton kabuhi...pinansyal, gutum, puluy-an, kaangtanan, kag iban pa. Ang Ginuo lang ang may sabat sini. Sa Iya kita makapamukadkad sa bag-o nga kabuhi kag paglaum!

ANECDOTE

GIVING UP DRINKING FOR LENT

A bartender notices that every evening, without fail, one of his patrons orders three beers. After several weeks of noticing this pattern, the bartender asks the man why he always orders three beers. The man says, “I have two brothers who have moved away to different countries. We promised each other that we would always order an extra two beers whenever we drank as a way of keeping up the family bond.” Several weeks later, noticing that the man only ordered two beers, the bartender said, “Please accept my condolences on the death of one of your brothers. You know, the two beers and all…” The man replied, “You’ll be happy to hear that my two brothers are alive and well… It’s just that I, myself, have decided to give up drinking for Lent.”

FOOD FOR THOUGHT

“God is not interested in your art but, your heart.” 

(Ifeanyi Enoch Onuoha )