Easter Sunday (A)

NAGPAALAM NA ANG KAGAB-IHON…

YARI NA ANG KAAGANHON

Ang kapawa kag ang kadulum amo ang duha ka importante nga bahin sang tinuga kag sang kabuhi sang tawo. Ini sila simbolo man sang duha ka gahum nga nagasambuwa– kayo kag kalaut. Para sa mga tawo sadto anay– kag may yara man karon nga nagapamensar sini– may “personalidad” ini sila: sila “mga dios” nga nagasambuwa, kag ang mga tawo ginaapektohan sining ila pag-ilinaway.

Sa Balaan nga Kasulatan, ang kapawa nagapakilala sang Dios kag sang mga bugay sang Ginoo sa Iya mga gintuga. Sa iban nga bahin, ang kadulum nagasimbolo sang pagbiya sa Ginoo. Nagatuhaw ini sa kagamo, kadimalasan, kasakit kag– labi sa tanan– kasal-anan kag kamatayon.

Ang misteryo Paskwal ni Kristo– ang Iya pag-antus, pagkamatay, kag pagkabanhaw– indi lang tawohanon kag kalibutanon nga hitabo. May bahin ini nga “supernatural”. Ang Ebanghelista nga si Juan nagasugid sini bilang pagsambuwa sang kaayo kag kalaut, kapawa kag kadulum, Dios kag gahum sang kalainan. Sa wala pag mag-abut si Jesus, nalikupan sang kadulum ang kalibutan. Apang si Jesus nagkari bilang “kapawa nga nagasiga sa kadulum, nga indi madaug sang kadulum” (Jn. 1:5)- bisan pa nga kon kaisa kabaliskaran ang makita sang tawo.

Ang hitabo sang pagkabanhaw isa ka pagpahanumdum sa aton nga sa pagkamatuod, ang aton Ginuong Jesus nagda-ug sang gahum sang kamatayon sa bagay nga Iya lamang nga ginpamatud-an, nga sa Diyos, wala sang kamatayon, tungud kay ang Diyos nga aton ginatuohan amo ang Diyos sang mga BUHI!- Siya lang ang sarang makabanhaw sa aton gikan sa duog sang mga patay, agud mahatagan kita sang isa ka bag-o nga kabuhi.

Sa sini nga Domingo, ginatakup na naton ang pahina sang Semana Santa sa aton nga Kalendaryo Liturhiko, apang ini man nagahangkat sa aton sa pagpangatubang sang masunod nga pahina sang aton kabuhi! Sa Semana Santa, ginpamalandungan naton ang kasakit, kamatayon, kag pagkabanhaw sang aton Ginuo, nga amo man kuntani ang aton pag-agi sa kamatayon sa aton daan nga pagkabuhi agud kita makabutwa na sa isa ka kabuhi sang pagkabanhaw– sang kabuhi sang PAGPANIBAG-O.

Sang magbanhaw ang aton Ginoo nagabanaag na ang kalangitan. Ginpanas na sini ang balatyagon nga sadto anay madulum sa kasubo, pero karon nagabanag-banag na sa kalipay!

Sa isa ka banwa sang Alemanya, may pinasahi sila nga selebrasyon sang Pagkabanhaw sang aton Ginuo. Sa ila pagsimba, ang mga tawo nagabalon sang itlog nga nilaga, kag pagkanta sang “Gloria”, ang isa kag isa nagasantikanay sang ila balon nga itlog, kag nagatamyawanay sang ‘HAPPY EASTER”. Sa pagbuka sang kutiba sang itlog, makita ang mahining nga sulud sang nilaga nga itlog, nga amo ang simbolo sang isa ka bag-o nga tawo! Mahining, mapino, naga-inggat nga pagkatawo ang aton ginadala sa pag-ambit sang pagkabanhaw sang aton Ginuo! Ini nagakahulugan man sang pagpamukadkad sang isa ka bag-o nga pagsugud! HAPPY EASTER sa inyo tanan!

LIGHTER SIDE:

POOR SICK BOY

Marty, a little boy, was in church one Easter Sunday with his mother Doris, when he started feeling sick.

'Mummy,' he inquired, 'can we leave now?'
'No,' his mother replied, 'the service isn't over yet.'

'Well, I think I'm about to throw up.' Marty announced.
'Then go out of the front door and around to the back of the church and throw up behind a bush.' said Doris.

After about sixty seconds, Marty returned to his pew, alongside his mother.

'Did you throw up?' Marty's Mum asked quietly.
'Yes,' Marty answered, embarrassed.

'How could you have gone all the way to the back of the church and returned so quickly?' Doris demanded.

'I didn't have to go out of the church, Mummy. They have a box next to the front door that says, "For the Sick".'

FOOD FOR THOUGHT

“Let every man and woman count himself immortal. Let him catch the revelation of Jesus in his resurrection. Let him say not merely, 'Christ is risen,' but 'I shall rise.'

(Phillips Brooks)