3rd Sunday of Advent (B)

ANG ATON TINGUG...REGALO SANG DIOS

  “Ang “GAUDETE” naghalin sa tinaga nga Latin nga “gaudium”, buot silingon, “Kalipay o Kasadya”. Ang ikatatlo nga Domingo sang Adbiento ginatawag nga “Gaudete Sunday”. Gani ini Domingo sang Kasadya o Kalipay.

Kag ngaman kita dapat magkinasadya? Tungod sa simple nga rason nga ANG DIOS MAAYO GID SA ATON. Ini nga sabat aton masat-um sa ngalan sang ‘TINGUG’ nga nagasinggit sa desierto: “Amana ninyo ang alagyan sang Ginoo. Maghimo kamo sang tadlong nga dalan nga Iya pagaagyan” – si SAN JUAN BAUTISTA. Ang ngalan nga JUAN naghalin sa tinaga nga Hebreo nga ‘YOHANAN’, nga ang buot silingon, “ANG DIOS MAAYO O MALULUY-ON”. Kag ang tinaga nga ‘MAAYO O MALULUY-ON’ nagakahulugan sang pila ka butang: ‘matuod’ o ‘maalwan’ o ‘mabu-ot’ o ‘wala gapato-pato’.

Si San Juan Bautista ‘kaayo o kaluoy sang Dios’ sa iya mga ginikanan. Si Zacharias kag Elizabeth nagasalig gid sa Dios pero sila wala bata. Dugangan pa nga sila tigulang na kag si Elizabeth mamala na kag baw-as pa. Apang ang Kaayo sang Dios nagbukas sang taguangkan ni Elizabeth kag naghatag sa ila sang pinakabilidhon nga regalo – ang bata nga si Juan.

Si San Juan Bautista ‘kaayo o kaluoy sang Dios’ sa Iya katawhan. Sa iya nakit-an sang mga tawo ang ‘kaayo sang Dios’ nga nagaagda sa ila sa pagliso kag pagtadlong sang ila kabuhi bangod malapit na ang katumanan sang ila handum nga pag-abot sang ila Manluluwas.

Kaangay kay San Juan Bautista, kita man ginaagda nga mangin “kaayo o kaluoy sang Dios” sa aton komunidad. Kita ginaagda paagi sa pagpanaksi kay Kristo. Ayhan indi kaangay kay San Juan nga ginpa-utdan sang ulo, kita ginaagda nga ‘mamatay sa aton kaugalingon’ paagi sa aton pagkamaayo, pagkamapainubuson, pagkamaluluy-on o pagkamaalwan sa aton mga isigkatawo.

Isa sang mga pinakamanami nga regalo sang Diyos nga ginhatag sa aton kaupod sa bugay sang kabuhi amo ang aton “TINGUG”. Sa aton tingug, kita nababati-an… kita nahahangpan… kita makahimo sang pagdayaw ukon makapahayag sang aton nabatyagan sa sulud sang aton nga kasing-kasing.

Importante ang aton tingug tungud diri naton ginapasad ang mga relasyon sa diin  kita nagakabuhi nga may paghangpanay. Ini kon ang aton tingug ginagamit suno sa plano kag ginbuko sang Diyos. Apang kon ang aton tingug gamiton sa tiko kag mala-in nga katuyu-an, ini makadala sang halit nga mas kapin pa sang sa halit sang pisikal nga kasakitan nga aton gina-angkon. Ginasiling gani nga “maayo na lang nga kita masamaran sa aton panit, kay ini nagapali; apang kon kita masamaran tungud sa aton mga pulong nga ginpakawas sang aton tingug, ini indi mahapus malipatan… ini padayon nga nagatapik sa aton pagkatawo, kag wala naga-ayo bisan pa sa mahaba nga tini-on.

Sa Biblia ginasiling nga “ang aton dila katulad sang isa ka espada nga duha ang sulab! Sarang ini makahalit sa sulud kag sa gwa sang tawo!”, kag si Santiago nagpahayag nga “ang dila katulad sang isa ka “timon”, kagamay nga bahin sang barko, apang sarang ini makahatag sang direksyon sa amo nga sakayan (Jas 3:4)”. Ini nagahulugan lamang nga dapat kita magma-inandamon sa tagsa ka hala nga aton ginapakawas paagi sa aton tingug kay ini sarang makabulig ukon makahalit!

Sa diin bala naton ginagamit ang aton tingug? Sa pagdala kaayohan o sa paghalit?

ANECDOTE

GOD’S NOT DEAF

Two young boys were spending the night at their grandparents' house the week before Christmas. At bedtime, the two boys knelt beside their beds to say their prayers. The younger one began praying at the top of his lungs:

"I PRAY FOR A NEW BICYCLE..."
"I PRAY FOR A NEW NINTENDO..."

His older brother leaned over, nudged him and said, "Why are you shouting? God isn't deaf." to which the little brother replied, "No, but Grandma is!"

FOOD FOR THOUGHT

Christmas is not a time nor a season, but a state of mind. To cherish peace and goodwill, to be plenteous in mercy, is to have the real spirit of Christmas.

(Calvin Coolidge)

2nd Sunday of Advent (B)

ANG NAGAPAUBOS… PAGAPATAASON!

  “Ang isa ka maestra naghatag sang quiz sa iya grade six nga mga estudyante. Siling niya, “Class ang quiz ninyo amo ini. Hatagan ko kamo isa-isa sang jigsaw puzzle sang bug-os nga kalibutan. Dapat solvaron ninyo ini sa sulod sang trienta minutos. Kon sin-o ang una nga makasolvar sini nga jigsaw puzzle, exempted sa aton final exam.” Sa tapos nya hatag sang jigsaw puzzle sa isa-isa sa ila, sya nagsignal, ‘Your time starts now!’

Pagkatapos sang lima ka minutos, ang isa sang iya mga estudyante nag-alsa sang kamot kag naghambal nga tapos na niya solve ang jigsaw puzzle. “Paano mo nasolvar ang puzzle sa madasig kag malip-ot nga tion?” pamangkot sang maestra. Dayon ang estudyante, nga indi gid man maalam, nagyuhom kag nagsabat, “Bal-an mo Maam, sang akon baliskaron ang jigsaw puzzle, akon nadiskubrihan ang nawong sang isa ka tawo didto. Sang nasolvar ko na ang tawo, nasolved ko man dayon ang jigsaw puzzle sang kalibutan.”

Ang mga problema sang bug-os nga kalibutan sarang lamang maresolva paagi sa pagsolvar sang tawo. Ang solusyon sa madamu nga sala kag tiko sa kalibutan amo ang pagtadlong sa kabuhi sang tawo. Amo ini ang buot silingon sang pagsininggit ni San Juan Bautista: ‘Amana ninyo ang dalan sang Ginoo. Maghimo kamo sang tadlong nga dalan nga Iya pagaagyan’.

Subong nga kita bahin sang mga problema sa kalibutan, kita parte man sang iya sini nga solusyon. Kon gusto sang tawo bag-uhon ang bilog nga kalibutan, dapat ini anay mag-umpisa sa iya nga kaugalingon.

Ang aton tigulo sini nga mensahe karon, ginkuha sa ni-Latin nga pulong nga kon aton lubaron sa aton linggwahe nagakahulugan… “Kon ara ang mas mataas, dapat magsunud ang manubo…” Ukon “ Kon ara ang manunudlo, dapat magsunod ang bumulutho!” Madamo ini sang kahulugan nga nagapatuhoy sa isa ka kamatu-oran nga nagasiling nga kon ara ang “agalon” ang “sulugu-on dapat magpa-ubos!

Ayhan amo man ini ang nabatyagan ni Juan Bautista sa aton pagpamalandong sa ika-duha nga Dominggo sang Adbiento! Nahangpan niya sang maayo ang iya nga hilikuton kag papel sa pag-abut sang Mesias, nga siya indi ang ginapa-abut sang mga tawo nga Manluluwas, kundi siya isa lamang ka tiglawas nga ginpadala sang Diyos nga maghanda sa pag-abut sang Manluluwas sang kalibutan.

Madamo kaayo ang mga tawo nga nagsunud sa iya kag nagbaton sang iyang pangagda sa paghinulusol. Kon sa aton pa, si Juan Bautista madamo na sang mga “fans” tungud sang iya pagpangwali nga wala sing ginapasuna-id, kundi ini tampad sa pag-confrontar sang kamatu-oran sang kabuhi sang tagsa-tagsa. Apang bisan pa nga siya “sikat” sa panulok sang mga tawo, wala “maghabok” ang iya nga ulo sa bugal sa pag-angkon sang kadungganan nga siya amo ang ginapa-abut nga Mesias. Sa baylo, siya nagsiling nga “Ang magakari nga ulihi lang sa akon mas gamhanan pa sa akon…”

Ini nga PAGPA-UBOS ni Juan Bautista naga-agda man sa aton nga mangin mapa-inubuson. Usisa-on kag tan-awon naton ang aton kaugalingon kon bala kita matu-od nga mapa-inubuson ukon nagahari sa gihapon ang bugal sa aton kabuhi?

Ang pagtadlong sang aton kabuhi amo ang pinakamanami nga paghanda sang aton kaugalingon!

ANECDOTE

LESSON IN LYING

A priest told his congregation, "Next week I plan to preach about the sin of lying. To help you understand my sermon, I want you all to read Mark 17."

The following Sunday, as he prepared to deliver his sermon, the priest asked for a show of hands. He wanted to know how many had read Mark 17. Every hand went up. The priest smiled and said, "Mark has only sixteen chapters. I will now proceed with my sermon on the sin of lying."

FOOD FOR THOUGHT

'Thank you' is the best prayer that anyone could say. I say that one a lot. Thank you expresses extreme gratitude, humility, understanding.

(Alice Walker)

1st sunday Advent (B)

PAGHANDA NGA NAGABUGTAW!

  “Sang isa ka Misa sa aga sa Seminaryo, kami tanan natuyo pa kay kami nagpulaw tuon para sa amon finals sa sina nga adlaw. Ang naglector nga seminarista napilaw man siempre. Pagkatapos niya basa sang reading,dapat sya magahambal, ‘The Word of the Lord’ kag ang tanan magasabat, ‘Thanks be to God’. Apang bangud siguro sang iya katuyuhon, sya nagmitlang, “The End of the World”. Sa pagkabati namon sadto, halos ang tanan nagtinulokay kag dayon nagpinatawa.  Apang indi lang ina. Ang isa ya ka seminarista nga nagapungko sa atubangan ko, nagatulo na ang laway kag nagahinuragok gyapon bisan nagakinagamo na ang tanan. Gani ang iya klasmeyt nagtapi sang iya abaga sa pagpukaw sa iya. Dayon ang nagahuragok nga seminarista hinali lang tumindog kag nagsiling, “Present!”

   Damu kag nanarisari ang klase sang PAGTULOG sang isa ka tawo. Una, may mga tawo nga madali lang ang magkatulog. Pagdikit lang gani sang ila likod sa banig, tulog dayon. Wala ini sila problema sa pagtulog. Bisan diin (sa jeep, salog, sa basin, dalan o sa simbahan) kag ano man nga position (gahigda, gapungko o bisan gatindog pa!), pwede sila kakatulog. Ikaduha, may mga tawo nga daw ‘TUOD’ kon magkatulog. Mabudlay pukawon ang mga tawo nga subong sini. Ini sila amo ang ginatawag nga “mantika kon magtulog”. Kaangay sang seminarista nga nagahinuragok, indi ini sila kabatyag bisan nagadabadaba na ang ila kusina. Indi sila kabati bisan malaos na ang ila mga alarm clock. Ikatlo, may ara man nga tawo nga diutay lang magkatulog. Amo ini sila ang aton ginatawag nga manabaw o matapok kon magtulog. Gabugtaw sila dayon kon makabati bisan diutay lang nga lagatik. Handa kag mainamdamon sila pirme sa bisan ano man ang matabu. Wala sila nagakinahanglan sang alarm clock kay sila mga ‘alarm clock’ na sa ila mga kaugalingon, kag masami ginahinyo nga magpukaw sa iban.

Pwera lang sa iban nga tawo nga INDI ya kakatulog o may insomnia, ukon sa mga tawo nga wala na ya gahulag o ginbangungot na, SA DIIN KITA SA SINING TATLO KA KLASE SANG MANUGKATULOG?

  Bag-ong tuig na sa Kalendaryo Liturhiko sang aton nga Simbahan. Nagasugud naman ang isa ka pahina sang aton nagatini-ug-tiug nga panahon sa aton Kalendaryo Liturhiko, kag aton mabati-an ang pangagda sang aton Ginuo nga magmanginhanda sa kon ano man nga matabo kay wala kita makahibalo kon san-o, kon paano, o sa diin maga-abut ang tion nga Siya magakari. Ang sigurado gid lang, nga Siya MAGA-ABUT!

Ang panahon sang Adbiento naghalin sa tinaga nga ni-Latin nga “Adventus” nga ang buot silingon: “Pag-abut… Paghulat, ukon Pagbantay”. Ini nga panahon sang pagbantay o pagpa-abut isa ka “makahalawat-hawat” nga paghulat, tungud wala kita makahibalo kon san-o gid ang natalana nga ti-on. Buot silingon nga ini nga pagbantay, pagbantay nga wala naga-pauyaya kundi pagbantay nga may kalangkag mientras ginabuhat naton ang gintugyan sa aton sang aton “agalon”.

Ginasiling nga ang aton Ginuo may tatlo ka sahi sang pag-abut. Una, Siya nag-abut bilang isa ka bata nga natawo sa pasungan. Ang ikaduha, ang Iya nga pag-abut bilang Hari sa katapusan nga panahon. Kag ang ikatatlo, amo ang naga-angut sang Iya duha nga pag-abut, ang Iya pag-abut sa aton “Adlaw-adlaw” nga kabuhi!

Siya makita naton adlaw-adlaw sa aton mga kubos nga kautoran! Diri Siya naga-abut sa aton adlaw-adlaw nga pagkabuhi,,,diri naton Siya masumalang. Tani, manami ang aton pag-abi-abi sa Iya sa sining panahon sang Iyang pagpakatawo… tani makita kag makilala naton Siya sa mga KUBOS naton nga mga kautoran– ang aton giinabuhat sa ila ginabuhat naton kay Kristo!

ANECDOTE

BLACKMAIL

It was coming up to Christmas and Sammy asked his mum if he could have a new bike. So, she told him that the best idea would be to write to Santa Claus. But Sam, having just played a vital role in the school nativity play, said he would prefer to write to the baby Jesus. So his mum told him that would be fine.
Sam went to his room and wrote ' Dear Jesus, I have been a very good boy and would like to have a bike for Christmas.' But he wasn't very happy when he read it over. So he decided to try again and this time he wrote 'Dear Jesus, I'm a good boy most of the time and would like a bike for Christmas.' He read it back and wasn't happy with that one either. He tried a third version. 'Dear Jesus, I could be a good boy if I tried hard and especially if I had a new bike.' He read that one too, but he still wasn't satisfied.
So, he decided to go out for a walk while he thought about a better approach. After a short time he passed a house with a small statue of the Virgin Mary in the front garden. He crept in, stuffed the statue under his coat, hurried home and hid it under the bed. Then he wrote this letter. 'Dear Jesus, If you want to see your mother again, you'd better send me a new bike.'

FOOD FOR THOUGHT

“At this Christmas when Christ comes, will He find a warm heart? Mark the season of Advent by loving and serving the others with God's own love and concern.” 

-St. Mother Teresa of Calcutta-

Christ the King (A)

ANG ATON PAGKAHARI– IYA NI KRISTO!

  Ang laragway nga ginpakita subong sa aton ni San Lukas sang aton Ginuo, amo ang laragway sang isa ka  “hari” nga ang iya korona amo ang mga tunok, kag ang Iya trono amo ang kahoy nga Krus. Isa ka hari nga ginapasipalahan, ginapakahuy-an, kag ginayaguta sang iya kaugalingon nga katawhan... isa ka hari nga ginkabig nga “kriminal” sang iya mga kasimanwa… isa ka hari nga disidido nga manginmatay para sa iya mga katawohan!

  Daw ano ka makatalanhaga ini nga selebrasyon sa pagtakup sang kalendaryo liturhiko sang aton nga Simbahan. Ini ginabuhat naton sa pagsaulog sang kapiestahan ni Kristo nga Hari– Cristo Rey.

  Si Kristo ginapahayag naton nga aton Hari indi katulad sang mga hari sa sining kalibutan, kundi isa ka hari nga pinasahi. Pinasahi tungud ang Iyang pagkahari, KABALISKARAN sa mga hari sa sining kalibutan. Siya indi sang hari nga gina-alagaran, kundi hari nga NAGA-ALAGAD! Siya indi hari nga nagapamigos kundi hari nga NAGPAPIGOS agud sa pagbayad sang aton kasal-anan! Siya indi hari nga NAGADUMUT kundi Siya hari nga sa gihapon BUKAS SA PAGPATAWAD!

  Ini ginapahayag subong sang aton Ebanghelyo sa Iya mga pulong nga ginsambit sa isa ka kriminal nga nagpangayo sang kapatawaran. Siya nagsiling: “Nagasiling ako sa imo, karon gid nga adlaw mangin kaupod ka nakon sa Paraiso!”

  Amo ini ang aton Hari! Hari nga napun-an sang   paghigugma, paghangup, kag pagpatawad. Diri naton ginabase ang aton pagkabuhi bilang Iya sumulunod.        

    May hulubaton nga nagasiling: “Opportunity, knocks only once.” kag ano ka matuod ini sa aton mga gina-atubang sa kabuhi. Matuod nga ang kahigayunan naga-abut sa aton sing makaisa gid lang, kag kon mag-abut ini, dapat nga indi ta gid ini pagbuy-an, kay sa pagkamatuod, indi na ini magbalik sa aton. Isa ini ka tinion sa diin kita makakita sang bag-o nga kahulugan nga amo ang aton mangin pagsabat sa mga panghangkat nga nagatuhaw sa aton kabuhi.

  Ginatakup naton karon nga Dominggo ang isa naman ka pahina sang aton Kalendaryo Liturhiko sa Santa Iglesia Catolica. Sa pagtakup sini aton ginaselebrar ang Kapiestahan sa pagpahayag nga si Kristo amo ang aton nga hari! Hari sang bug-os nga Kalibutan kag hari sang aton nga kabuhi.

Amo gani nga suno sa una nga kustombre, ini nga kapiestahan amo ang kapiestahan sang mga Amay sang mga panimalay tungud ang mga amay amo ang “hari” sang ila nga pamilya… Ang hari nga amo ang dapat nga haligi sang panimalay nga Kristiyano. Ini nga pagkahari naga-ilig sa pagkahari sang aton Ginuong Jesus nga amo ang aton sadsaran sang aton nga pagtuluohan nga Kristiyano.

Diin bala makita ang pagkahari sang aton Ginuo? Siya nagsiling nga “Kon luyag ka nga mangin daku sa atubangan sang Diyos, dapat ka nga mangin kubos… kag mangin sulugu-on sang tanan!” Sa sini nga painu-ino ang pagkahari sang aton Ginuo napasad sa kamatuoran nga Siya nangin alagad kag wala magpa-alagad. Siya nagkari suno sa iya agud “mangin alagad sang tanan kag indi agud alagaran.

Ang pagkahari sang aton Ginuo, matuod-tuod kag wala naga-isip nga pag-alagad. Kag ini amo kuntani ang sulundan sang aton mga amay sang aton tagsa ka panimalay. Ang isa ka amay nga uyaya sa iya obligasyon sa pag-alagad sa iya pamilya, indi takus nga mangin amay sang panimalay! Ang isa ka amay, bilang haligi, dapat mangin kabakud sang iya nga pamilya kag ginagikanan sang kusug sang tagsa ka katapo sa pagpangatubang sang mga kabudlayan sa adlaw-adlaw nga pagkabuhi!

Pila ayhan sa aton mga amay sang pamilya ang makabig naton nga matuod-tuod nga hari nga naga-alagad?

ANECDOTE

LAST DAYS

Three friends were discussing what they’d do if they found out they had only 6 months to live. The first one said “I’d quit my job and go home to spend the time with my family.”

The second one said, “I’d quit my job, take my family on vacation, then go home to spend the rest of my time with them.”

The third one said nothing so the other two asked him, “What would you do if you found otut you had only 6 months to live?”

The fellow though about it for a minute and then said, “Like you, I’d quit my job and take my family on vacation, but after that I’d go live with my in-laws.”

“Why live with your in-laws?” the other two asked.

“Because that would be the longest 6 months of my life,” he responded.

FOOD FOR THOUGHT

“Hold my hands; kiss my forehead, hug me and look in my eyes; maybe today is the last day you can do this.” 
(M.F. Moonzajer )

33rd Sunday in Ord. Time (A)

DIUTAY...PERO GINAPATIN-AD!

      Sa Biblia, ang ginatawag “ADLAW SANG GINOO” isa ka adlaw nga makakulugmat kag makangilidlis. Ini adlaw nga ang mga tawo magalasa-lasa sa pagpanago bangud sa kahadlok. Kay una sa tanan, ini nga ‘ADLAW’ magaabot sa tion nga wala ginalauman. Magaabot ini sa tion nga ang kalabanan nagakabalaka sa iban nga butang. Ikaduha, ang ‘ADLAW SANG GINOO’ magaguba sang aton kalibutan. Ang tanan magakulurog kag magabagrot ang ngipon sa kakulba. Kay kon kita gani tuman nga nakum-an sa paglabay sang Bagyo Yolanda, ano pa gid ayhan ang aton mabatyagan kon magbungguanay ang adlaw kag bulan? Ikatlo, ang ‘ADLAW SANG GINOO’ adlaw sang         Paghukom. Ini adlaw sang pagpain sang malain sa maayo, sang kanding sa karnero, sang preska sa parutpot, sang original sa peke, sang kabalo magpasalamat sa ingrato….

     Apang indi pa kita sang desperado. May ara pa sa gihapon nga paglaum kag kahigayunan. Ina kon aton lang binagbinagon kag HIMUON ang pangagda sang Ginoo: “Use your talents! Indi ini pagtagua! Palambua ini! You have it! Flaunt it!”

     Si San Pablo, nagapahanumdom sa aton nga “wala sang rason ang isa ka Kristiano nga mabihangan o mabay-an sa tabtaban o masayran nga indi preparado sa pag-abot sang ADLAW SANG GINOO. Ang tawo lamang nga nagakabuhi sa kadulom, nga ang iya mga ginabuhat malain, amo ang madakpan nga indi handa.” Kay para sa isa ka matuodtuod nga Kristiano, ang ADLAW SANG GINOO indi adlaw sang pagsininggit sa kasakit kundi adlaw sang pagkinasadya. Buot silingon, tion ini kag umpisa sang aton pagpuyo sa himaya sang Langit. Kon sa diin, kita makasiling, “Hmmmm, ara gid ang Ginoo!” Gani utod, maghanda ka!

Malapit na lang magatakup ang isa naman ka pahina sa Kalendaryo sang  Simbahan. Sa dili madugay, magasugud na ang Adbiento nga  amo naman ang bag-o nga “cycle” sang Kalendaryo  Liturhiko. Amo gani nga bisan ang mga balasahon sa aton mga Misa sa sining mga tini-on, nagapatuhoy sa tema nahanungud sa katapusan nga mga panahon.

Ang Ebanghelyo sa subong nga Dominggo nasentro sa tema sa diin ang Diyos magakari subong isa ka “Agalon” nga magapangayo sing “husay” sa iya mga enkargado, sa diin siya naghatag sang mga nanuhay-tuhay nga mga talento ukon kapasidad sa tagsa-tagsa, ayhan, suno sa ila masarangan. Wala ni isa sa ila nga wala nakabaton. Ang duha, nagpatikang sini sing maayo, apang ang isa nagrason nga “nahadluk” siya tungud “istrikto” ang iya nga agalon, kag gani, iya lang ginlubong sa duta ang “talento” ukon “manggad” nga gintugyan sa iya.

Mahapos maghimo sing “rason” sa aton mga kakulangan, katulad sang ikatatlo nga sulugu-on. Nahadluk gid bala siya? Wala man ginsiling sa Ebanghelyo nga istrikto ang iya nga agalon. Ginsiling lang nga siya nagapangayo sing husay! Pero wala siya sang mahatag, tungud sa pagkamatuod, GINATAMARAN siya magpatikang sang manggad sang iya nga agalon.

Indi kita magsiling nga diutay lang ang aton masarangnan. Panumdumun naton nga si Hitler nagda-ug sa pagdumala sang Nazi Party tungud lamang sa “isa ka diutay” nga boto sang 1923! Madamo pa sa aton maragtas ang nagda-ug tungud sa “isa” lang!

Ayhan, diutay lang ang ginhatag sa aton, apang ginhimud-usan ta bala nga magdamo ini? Amo ini ang ipamangkut sa aton sa katapusan! Ano ang ginbuhat ta sa talento nga ginhatag sang Diyos sa aton?

ANECDOTE

THE HIDDEN TREASURE

Once there was a farmer who was very hard-working. He had developed a grapery which gave a rich crop of grapes every year. Unluckily his sons were very easy-going young men. They seldom cared to help their father in his work. So, the farmer was much worried about their future.

Reaching a ripe old age, the farmer fell ill. It looked as if his end were near. So, he called his sons and said to them, “Dear sons ! my days are numbered. Before dying I want to tell you that in my grapery lies a hidden treasure. Dig it out after my death’ Saying so, the old farmer died.

After performing the last rites of their father, the sons began digging the vine-yard. They dug every inch of it but found nothing.

But the digging led to such a rich crop as had never been there before even in their father’s life-time. So, the sons came to know what their father meant by the hidden treasure. They had learnt that hard-work is the key to a gold mine.

FOOD FOR THOUGHT

“Our critics make us strong!
Our fears make us bold!
Our haters make us wise!
Our foes make us active!
Our obstacles make us passionate!
Our losses make us wealthy!
Our disappointments make us appointed!
Our unseen treasures give us a
known peace!
Whatever is designed against us will work for us!”
(by: Israelmore Ayivor )