13th Sunday in Ordinary Time (C)

INDI PWEDE ANG MALABA-AB!

Ayhan, para sa madamu sa aton, ang kabuhi sang isa ka Katoliko nga Kristiano nagakahulogan lamang sang pagsimba kon Domingo, sa paghulog sang diutay sa ‘collection box’, sang pagmaninoy o pagmaninay sa bunyag o kasal, sang pagkompesar sa panahon sang Kwaresma, sang paglikaw sa pagpangawat ukon  pag-obra sang estorya. Para kay Michel Quoist, bantog nga ‘spiritual writer’, ini isa ka ‘PAGSUNOD SA RELIHIYON’ kag indi ang ‘PAGSUNOD SA EBANGHELYO’.

Ang pagsunod kay Kristo nagakahulogan sang pagpangabuhi suno sa Ebanghelyo kag pagsaksi o paghimo sang gintudlo kag ginbuhat ni Kristo. Kag ini nagakinahanglan sang bukas nga taguipusuon, sang ‘pag-ula’ sang pagkasakon sa aton pagkatawo, kag sang pagsalig sa kabubut-on sang Dios. Buot silingon, ang minatuod nga gintutun-an ni Kristo amo ang tawo nga nagakabuhi kag nagahalad sang iya nga BUG-OS nga pagkatawo sa Ginuo.

Sa aton Ebanghelyo, ang mga tawo buot o nakunyag magsunod kay Kristo. Apang madamu ang ila palaligban kag ginakabalak-an gani indi nila mahatag ang ila 100% sa Ginuo. May problema sila sa ila mga pamilya. Nagu-ot o nahigot sila sa madamu nga mga butang kag relasyon. May ara man sila sang nga kaugalingon nga panumdoman kon paano ang pagsunod kay Kristo. Luyag gid nila magsunod kay Kristo apang, nagatando-tando sila kag nagabulo-balikid. Gani si Kristo nagapaandam gid sa ila kag sa aton man tanan: “Ang tawo nga nagaarado kag nagabulo-balikid wala sang pulos sa Ginharian sang Dios!”.

Ang tagsa-tagsa sa aton nagabuhat sang “desisyon” sa aton adlaw-adlaw nga pagkabuhi. Bisan ang isa ka bata, nagabuhat man sang iya kaugalingon nga desisyon. Apang, ang desisyon sang isa ka bata, ginasiling naton nga isa ka “bata-bata” nga desisyon, ukon, indi pa sang “mature decision”- indi “stable”- ukon isa ka desisyon nga “huslo-huslo”.

    Ang isa ka binata-bata nga desisyon ukon ang isa ka “immature decision” isa ka ginbuhat nga desisyon nga indi makabaton sang konsekwensya sang iya nga ginbuhat. May desisyon, apang kon ano ang maabutan sini nga desisyon, indi niya mabaton! Pareho abi kon ang isa ka bata mag-insistir nga maka-on gid siya sang “dulsi” bisan pa nga ginadumili-an siya sang iya nanay, kay masamad ang iya ngipon, mangita gid siya sang pamaagi agud makuha niya ang iya nga gusto nga magkaon sang dulsi, bisan pa nahibalu-an niya nga magasakit ang iya ngipon! Gani, kon makalusut gid man siya sa iya nga rason, kag magka-on sang dulsi, lipay-lipay gid siya kay natuman ang iya desisyon. Apang kon magsakit na gani ang iya nga ngipon tungud sang dulsi nga iya ginka-on, mahibi na lang siya kag mangayo naman alibyo kay nanay agud mag-ayo ang iya ginabatyag!

  Diri ang kina-lain sang isa ka “mature decision” ukon desisyon sang isa ka hamtong nga tawo. Ang mature decision, desisyon nga handa sa pagpangatubang sang KONSEKWENSYA sang iya binuhatan! Bisan pa nga magsakit ang iya ngipon tungud sa dulsi nga iya ginka-on, batason niya ang sakit, tungud nahibalu-an niya nga amo ini ang resulta sang iya pagkaon!

  Ang pagsunud sa aton Ginuo isa ka “mature decision”! Ano nga klase sang desisyon ang aton ginbuhat para sa Iya? Hamtong ka na bala ukon bata-bata man gihapon? Nagtubo na bala kita sa aton desisyon sa pagsunud kay Jesus?

  Masami, katulad sa pamatan-on sa aton Ebanghelyo, madamo sang mga upang sa aton pagsunod sa aton Ginoo, apang ginapahanumdum kita nga kon matuod nga kita tampad, dapat Sia ang UNA sa tanan. Ang tanan nga nagalibut sa aton, mga “alagyan” lamang agud mangin himpit ang aton pagsunod sa Iya. 

LIGHTER SIDE:

SIMPLE SOLUTION

Wife: You always carry my photo in your handbag to the office. Why?
Darling : When there is a problem, no matter how impossible, I look at your picture and the problem disappears.
Wife: You see, how miraculous and powerful I am for you?
Darling : Yes, I see your picture and say to myself, What other problem can there be greater than this one?

FOOD FOR THOUGHT

“What seems to us as bitter trials are often blessings in disguise.” (Oscar Wilde)

12th Sunday in Ordinary Time (C)

IKAW ANG KRISTO SANG  DIYOS

Ang “titulo” nga “Kristo” sa mga Judeo nagakahulugan sang “Pinili” ukon “Ginhibo” sang Diyos! Gani ang ngalan nga Jesu-Kristo, nagakahulugan nga si Jesus, ginhibo ukon ginpili sang Diyos! Ginpili nga mangin ano? Amo  ini ang ginasabat subong sang aton nga Ebanghelyo.

Para sa mga Judeo, ang Kristo, ukon ang Ginpili sang Diyos, amo ang magaluwas sa ila gikan sa pagka-ulipon sa gahum sang mga Romanhon. Para sa ila, ang Kristo amo ang Manluluwas nga magadala sa ila sang kahilwayan katulad sang mga propeta sa daan nga kasugtanan, ukon katulad sang mga “dalagku” nga mga personalidad sa daan nga kasugtanan, katulad abi nanday Moises ukon kay Elias ukon iban pa gid nga mga sikat mga tawo katulad ni Juan Bautista nga wala lang madugay nga ginpapatay ni Herodes!

Amo gani nga sang pagpahayag ni Pedro nga si Jesus amo ang “Kristo sang Diyos”, ang aton Ginuo maabtik nga nagpaathag kon ano gid ang kahulugan sang isa ka GINPILI sang Diyos– Ang Kristo kinahanglan nga mag-antus...pagasikwayon… pagapatyon… kag pagabanhawon sa ikatlo nga adlaw! Buot silingon nga sayup ang ginahuna-huna sang mga Judeo nga ang Kristo isa ka “Makusog” nga hari nga magagahum paagi sa pakusug, kundi Siya isa ka MAGAHALAD sang Iya nga kabuhi bilang “SAKRIPISYO” agud mahatag ang matuod nga KAHILWAYAN sa tanan nga katawohan! Paagi lamang sini nga magatuhaw ang matuod-tuod nga PAGDAUG kay ini nga pagdaug nagadala sang bag-o nga kabuhi– ang kabuhi sang PAGKABANHAW! Maangkon lamang ini paagi sa pagpas-an sang Krus, pagkalimot sa kaugalingon, kag pagsunud sa Iya!

    Madamo nga mga tawo, sa panahon sang aton Ginoo, ang luyag magsunod sa Iya bilang Iya mga gintutun-an. Ayhan ini tungud kay nakasaksi sila sang mga milagro nga Iya ginpanghimo. Ayhan ang iban luyag magsunod tungud nga nakita nila ang kasulhay sa presensya sang aton Ginoo, nga naghatag sang kalan-on para sa mga ginagutum, pag-ayo sa ila mga kasablagan kag mga ginagamhan sang mga yawa, pagpatawad sa mga makasasala, kag iban pa nga mga kasulhayan nga ila naagihan sa diin ang aton Ginoo amo ang nangin sabat sa ila mga kinahanglan. Ayhan ang iban pa gid luyag magsunod sa Iya tungud sang kabaskug sang Iya mga pulong nga may otoridad, indi katulad sang ila mga pangulo nga mga Judeo.

  Sa pagkadamo sang mga painu-ino ang aton sarang mapatpat, kon ngaman madamo ang interesado sa pagsunod sa Iya. May yara man nga “sinsero” nga luyag mag-upod sa Iya tungud kay para sa ila, ang aton Ginoo amo ang ginhibo nga ginpadala sang Amay para sa kaluwasan sang tanan. Amo ini ang nangin pahayag ni Pedro sa aton Ebanghelyo subong, kag wala ini ginpanghiwala sang aton nga Ginoo.

  Sia gid man ang Manluluwas sa wala sing pagpangduha-duha, apang indi sang mahapos ang pagsunod sa Iya, tungud Sia wala nagasaad sang masulhay ukon matawhay nga kabuhi. Isa lang ang dalan nga Iya ginaagyan– ang DALAN SANG KRUS!

  Ang matuod nga Kristo amo ang Kristo nga may Krus kag sa sini nga dalan kita Niya ginaagda. Siya mismo ang nagsiling nga” “Kon luyag ka nga magsunod sa Akon, dapat kalimtan mo ang imo kaugalingon, magpas-an sang imo nga krus, kag dali, sunod ka sa Akon!”

Ginasunod ta bala si Jesus sa Iya dalan sang Krus? Diri may kadalag-an kita bisan pa sa kamatayon!

LIGHTER SIDE:

NO SWEAT

Boy to mother: “I’ve decided to stop studying”…”How come?”, asked the mother… “I heard that that someone was shot dead, because he knew too much…”

FOOD FOR THOUGHT

-“The father who does not teach his son his duties is equally guilty with the son who neglects them.”

(Confucius)

-“The most important thing a father can do for his

children is to love their mother.”
(Theodore M. Hesburgh)

11th Sunday in Ord. Time (C)

ANG  BALATI-AN : TUMAN NGA PAGPATI NGA KITA LANG ANG MATARONG!

Ang punta sang tinaga, ukon ang “suffix” sang isa ka pulong nga “ITIS” nagahulugan sang kasablagan sa aton nga lawas. Katulad abi sang “gingiv-ITIS”-     kasablagan sa aton nga ngislo ukon gums…     ”bronch-ITIS”- kasablagan sa aton baga ukon lungs…”arthr-ITIS”- kasablagan sa aton mga tul-an… kag iban pa.

Apang ano naman ang “SIMONITIS”? Ini amo ang kasablagan ni Simon nga Pariseo sa aton Ebanghelyo subong… kag ini nga kasablagan MAKALALATON. Wala naton matalupangdan nga basi kita mismo nalapnan na sang sini nga kasablagan o sakit. Ano ini nga sakit? Ang sakit nga mayad “magkondenar” sa mga makasasala!... Ang sakit nga nagabantay lang sang kasal-anan sang iban apang ang iya kaugalingon nga kapaltahan wala ginamulalungan!.. Ang sakit nga nagasiling nga mas mayad ka iya sang sa iban kay indi ka katulad nila nga mga “makasasala”!... Ang sakit nga NAGAPAKAMATARONG lang sang aton nga kaugali-ngon!

Amo ini ang natabo sa aton Ebanghelyo subong. Si Simon nga Pariseo wala magtalupangud sang iya kasal-anan tungud siya napahamtang sa atubang sang isa ka babayi nga para sa iya mas makasasala pa sang sa iya. Para sa iya, mas menos-menos ya ang iya nga sala sang sa sini nga babayi nga ginakabig nga isa ka “public sinner”.

Apang ang aton Ginuo maabtik nga nagpahanumdum sa kay Simon nga wala kita sang sarang mapabugal sa atubangan sang Diyos tungud kita tanan “nakasala” kag may mga “kapaltahan” man. Ayhan mas daku pa gani ang aton sala sang sa aton ginakondenar, ugaling, wala lang mahibalu-an sang iban!

 Sa kultura sang mga Judeo, kon ang isa ka imbitado magsulod sa balay sang manggaranon nga tawo, sya ginaabiabi paagi sa tatlo ka paagi: Una, ang tag-iya sang balay nagatamyaw sa iya paagi sa paghaluk, labi na gid kon sya isa ka “rabbi” ukon manunudlo. Ikaduha, ginahugasan sang tubig ang iya mga tiil pareho sa “foot spa”, para makapahuway ini sa malawig nga linakat. Ikatlo, sya ginapaasohan sang mahumot nga insyenso ukon ginapatuloan ang iya agtang sang agua halin sa mga “rose petals”.

Sa sini nga konteksto, aton maintiendihan kon ngaman ang babaye sa Ebanghelyo nagbubo sang agua sa mga tiil ni Kristo kag wala puway ang paghaluk niya diri. Apang ang “host” nga si Simon, isa ka Pariseo, indi makabaton kon ngaman gintolerar ni Kristo nga himuon sa iya sang babaye ina. Ngaman? Tungod ang babaye isa ka “prostitute”, isa ka makasasala ukon mahigko nga babaye. Kay para sa isa ka Judeo, ang isa ka ginatahud nga “rabbi” ginadumilian, bisan nga magpalapit lang gani sa isa ka makasalala kay basi malapnan sya sing dapaw o kahigku sini. Ano pa ayhan kon magpatandog sya diri?

Gani si Kristo nagpasat-um sa iya “host” nga, sa baylo sang babaye nga ginhukman niya nga mahigku, sya dapat  ang naghimo sadtong ginbuhat sang babayi nga amo ang “paghugas sang tiil” sang iya nga bisita, kon siya isa ka matuod nga “host”. Dapat si Simon ang nagtinlo sang tiil sang Ginoo. Paagi sini, ang Ginuo nagatudlo sa aton tanan nga sa iya atubangan, kita tanan mga MAKASASALA kag dapat magpangayo sang iya kapatawaran. Kon kita lamang magpakanubo kag mag-ako sang aton mga kasaypanan sa iya, kita iya gid patawaron kag bendisyonan.

Tanan kita nagakinahanglan sang “PAGPATAWAD” sang aton Diyos, kag tanan kita NAKABATON man sang Iya nga pagpatawad. Kuntani, mangin MAPINATAWARON man kita sa isa kag isa! Aton talupangdon nga sa mga tawo nga aton kon ka-isa ginahusgahan, ginapamatbatan, ukon gina-kondenar, yara man na-kasalaming ang aton pagka-makasasala!

LIGHTER SIDE:

ALWAYS WRONG

A salesman was dismissed because he was rude to a customer. A month later the sales manager spotted him walking about in a police uniform...I see you’ve joined the force, Johnny, said the sales manager...Yes, Sir... This is the job I’ve been looking for all my life. ..Here the customer is always wrong..