13TH Sunday in Ord. Time (B)

DIYOS SANG MGA BUHI

“May isa ka estorya nahanungod sa isa ka babaye nga ginpamatbatan sang ‘life sentence’ sa prisohan. Akig kag nagaribok sa iya sitwasyon, sia nagtuad nga manginmatay na lang sia kon maabutan pa sia sang isa ka tuig sa prisohan. Sa paglipas sang mga binulan, sia nangin suod nga abyan sang ‘caretaker’ o manuglubong sang mga priso nga nagkalamatay. Kon mapatay ang isa ka priso, ginabagting sang sepultorero ang lingganay agud ang tanan makabalo nga may namatay. Dayon iya ginakuha ang bangkay kag ginasulod sa lungon. Dayon sia nagasulod sa iya opisina sa pagfill-up sang death certificate kag dayon nagabalik sa lungon sa pagselyado sini. Kag sa katapusan, iya ginabutang sa ‘wheelbarrow’ ang lungon kag dal-on ini sa sementeryo sa gwa sang prisohan, kon sa diin, iya ini ilubong. Sa pagkabalo sang babaye sang sini nga ‘routine’, sia nakapanumdom sang plano para makapalagyo. Sia nagpangayo sang bulig sa ‘caretaker’ nga sa masunod nga may mapatay, sia magagwa sa iya selda kag magasulod sa lungon sang bangkay sang namatay samtang ang ‘caretaker’ nagafill-up sang death certificate. Dayon kon malubong na ang lungon, ang ‘caretaker’ magabalik sa gab-i sa pagkutkot kag pagbukas sini kag dayon ang babaye hilway na. Indi pa tani magpasugot ang ‘caretaker’, galing kay sila mag-abyan, nagpauyon na lang sia. Ang babaye naghulat sang pila ka semana nga may mamatay. Sia nagakatulog pa kag namuragmuragan sang ang bagting iya nabatian. Gani dalidali sia nagbangon kag naggwa sa iya selda kag nagkadto sa kwarto sang mga lungon. Dayon iya nabatian ang tunog sang mga tikang kag ang pagpukpok sang mga lansang. Kag sa katapusan, iya nabatyagan ang paglubong sang lungon kag ang pagtampok sini sang duta. Hilway na sia! Dayon tungod sa kuryosidad, sia nagsindi sang posporo agud mabal-an kon sin-o ang patay sa kilid niya. Sa iya nga kakugmat, iya nadiskubrihan nga ang patay nga nagahigda upod niya amo ang bangkay sang abyan nya nga ‘caretaker’.”

Damu nga tawo ang nagapati nga hawid nila ang ila kabuhi. Nagapinakasala sila, nagakabuhi suno sa ila gusto kag tungod sina, daw may ara sila nga matuod nga kahilwayan kag kalipay. Apang sa katapusan, ila lamang madiskubrihan ang makangilidlis nga kamatuoran – nga ang ila sala nagatapos sa ila kamatayon kag kalaglagan. Nag-abot ang kamatayon sanglit ginpili sang tawo nga magbulag sa Dios kag magpaidalum sa gahum sang yawa. Tani indi ikaw kasubong sini!

  May hulubaton kita nga nagasiling: “Mabudlay pukawon ang nagapatulog-tulog sang sa nagakatulog!” Tungud aton nahibalu-an nga ang nagapatulog-tulog, naga-”drama” lamang ukon nagahatag sang impresyon nga kuno siya nagakatulog apang sa minatu-od, bugtaw siya. Ini nga hulubaton ayhan nagtuhaw tungud sa aton madalum nga mga eksperyensya sa kabuhi nga sa masami sa aton “muklat” nga pag-ginawi, may mga tawo nga nagapakuno-kuno nga sila daw nagakatulog… nga daw sila wala makakita, ukon nagapabulag-bulag! Ini nga mga klase sang mga tawo makabig naton nga daw mga “nagalakat nga mga patay”- mga “walking- deads” tungud wala sila sang labut sa nagakahanabo sa ila nga “katilingban” ukon “komunidad”. Ini nga mga tawo naghi-mo sa ila kaugalingon nga “isla”, sa bagay nga ang ila kaangtanan sa iban, nautod kag  gani “patay” ang ila nga relasyon sa ila isigkatawo. Daw ano kasubo sini nga kahimtangan… daw ano ka makalulu-oy… daw ano kalain! Sa aton Ebanghelyo, ang aton Ginuo “nagpukaw” sang isa ka “nagakatulog” nga dalagita, nga suno sa mga tawo “patay” na! Ini nagapakita lamang nga sa aton Ginuo, wala sang lugar ang kamatayon. Padayon kita nga naangut sa isa kag isa tungud Siya amo ang Diyos sang kabuhi

ANECDOTE

A KNOCK

Somebody knocks on door:
- Who is there?
- Police?
- What do you want?
- We want to talk.
- How many of you are there?
- Two.
- So talk with each other.

   FOOD FOR THOUGHT

In our daily life, we encounter people who are angry, deceitful, intent only on satisfying their own needs. There is so much anger, distrust, greed, and pettiness that we are losing our capacity to work well together. (Margaret J. Wheatley)

ST. JOHN THE BAPTIST

MATU-OD NGA PROPETA

    Magbantay kamo! Karon nga Dominggo amo ang fiesta ni San Juan Bautista! Kag ang mga manuglahug ara naman sa kalsada sa pagsabya sang tubig sa mga naga-alagi. Apang may yara nga mas importante sang sa ginabasya nga tubig sa aton subong. Ini amo ang “ginasabya” nga panimuot sa sini nga tini-on. Kita ginasilingan nga mag-ilog sa kabuhi ni San Juan tungud  ang iya kabuhi isa ka kabuhi sang matuod nga Kristiyano.

   Si Juan Bautista isa ka Propeta. Nabatian na naton ini nga tinaga  pero sa masami ang aton buot silinon sang isa ka Propeta, isa ka Mananagna. Ang matuod nga ang isa ka Propeta isa ka nagahambal sa mga tawo kon ano ang palaabuton paagi sa pagkabuhi sa subong nga panahon. Ang isa ka Propeta nagabantala sang Mensahe sang Diyos sa tanan nga tion, sa tanan nga mga tawo, gusto man nila magpamati o indi. Ang Propeta amo ang konsyensya sang mga tawo.

   Amo gani nga si San Juan Bautista nagtawag sang atensyon sang mga Pariseo kag mga Saduceo. Siya nagtawag sa ila nga mga: “kaliwat sang man-og” kag nagpaandam sa ila nga naisip na ang ila mga inadlaw. Kag nagpadayon siya sa pagtawag sang igtalupangud ni Herodias nga indi sang insakto ang iya pagkabuhi sa utod sang iya nga bana, kag ang ila nga paghi-upod isa ka sala… isa ka imoral nga buluhaton. Ini nga mga pulong ni Juan Bautista nagtublag gid kay Herodias kag para nga maghipos si Juan Bautista, siya ginpapugutan sing ulo. Siya ang una nga ginpugutan sa Biblia tungud sang isa ka babayi!

   May mga tini-on man nga kita nga mga Kristiyanos kinahanglan nga magpabilin nga minatuod sa aton mga prisipyo kag moralidad. Pirme lang kita ginahangkat sang aton siwasyon sa kabuhi.. Akon nadumduman ang isa ka estorya sang isa ka “balik-bayan” nga napatay ang iya “imported” nga ido. Nagkadto siya sa pari nga nagpangabay nga ma-misa sang “requiem” para sa iya ido. Ang pari nagsabat nga kontra ina sa layi sang simbahan kay ang requiem para lang sa tawo nga napatay. Siling sang babayi: “Bal--an mo Father, palangga ko gid ang akon ido. Makadto nalang ko sa protestante. Kanugon mahatag tani ko sang $1,000 nga donasyon para sa Simbahan.. Nag-inggat ang mata sang pari, kag nagsiling: “Danay ka ma’am. Wala ka man magsiling nga Katoliko gali ang imo ido.balik ka karon kay misahan ta ang imo nga ido.”

   Ini nagapakita lamang nga ini isa ka lahug-lahug lamang. Apang ini man nagapakita sa aton nga sa masami ginakumpromiso naton ang aton mga prinsipyo kon may makakita kita nga kahigayunan nga makaganansya sing daku!

   Si Juan Bautista nagpakita sa aton sang pagkasimple sang pangabuhi kag kon paano niya ginkabuhi ini. Iya nga ginkabuhi ang iya ginatudlo. Naakig kita sa mga politico nga nagagamit sing pondo sang gobyerno para mapasanyog ang ila manami nga ngalan, apang kon aton lantawon ang aton kaugalingon, kon kaisa daw sobra pa gani kita sa ila.

   Si San Juan  Bautista nagtuhaw agud ipakita sa aton ang tama nga dalan sa pagbutang sa buhat sang aton nahibalu-an nga maayo… nga amo ang ginasugo sang layi sa aton nga aton nga aton dapat himuon. Ginapakita ni Juan ang iya pagkatampad sa sugo sang Diyos kag sa iya bug-os nga pagkabuhi siya nagpabilin nga matutum sa amo nga mga kasuguan kag nangin matinumanon sini bisan ini pa nagakahulugan sang iya nga kamatayon.

   Masami ginatilawan ang aton mga desisyon sa mga pag-ganyat sang kalibutan kag sa masami daw nagatalang-talang kita sa pagpili kon ano gid bala ang aton dapat himu-on. Aton tularan si San Juan Bautista nga bisan naga-isahanon siya, padayon siya nga nagtindog sa kamatu-oran kag nangin matutum.  

 ANECDOTE

HOW THE FIGHT STARTED…

“When our lawnmower broke down and wouldn’t run, my wife kept hinting to me that I should get it fixed.

But somehow I always had something else to take care of first… golf, the boat, making beer… always something more important to me.

Finally she thought of a way to make her point.

When I arrived home one day, I found her seated in the tall grass, busily snipping away with a tiny pair of nail scissors.

I watched silently for a short time and then went into the house.

I was only gone a minute and, when I came out again, I handed her a toothbrush.

I said, “When you’ve finished cutting the grass, you might like to sweep the driveway.”

And that’s when the fight started…

   FOOD FOR THOUGHT

“When you are happy for other people's dreams, your dreams start jumping up with joy. Elizabeth was happy with Mary and her dream baby was jumping in her womb crazily for joy!”
( Israelmore Ayivo )

      

11th Sunday in Ord. Time (B)

MATU-OD NGA TATAY

    Isa ka estorya nahanungud sa isa ka tatay: May isa ka tatay sang isa ka balay nga wala na gid  ginahimo ang iya katungdanan sa iya nga pamilya, iresponsable, sugarol, wala gid naga-ulikid sa asawa, kag labaw sa tanan, wala gid siya sing oras para sa iya mga anak. Kon kaisa gusto niya bag-uhon ang iya kaugalingon kag mangin isa ka maayo nga amay sang pamilya. Gani sang isa ka adlaw ginpasyar niya ang iya pamilya sa isa ka plaza– isa ka “amusement park”. Sa sulod sang park, may ginatawag nga “Echo Point”. Nagpamangkut ang iya magulang nga bata kon ano ang buot silinon sini? Nagsabat ang nanay:”Anak, amo ini ang lugar nga damo sing lanog. Basta magsinggit ka, mabalik man ini sa imo sang madamo nga mga beses. Kag nagsinggit ang nanay:”I love you!” kag gulpi naglanog nga nagasiling:I love you...I love you… I love you…” Nakibut ang bata, gani suminggit man siya: “  I hate you!” kag naglanog man nga nagasiling:”I hate you...I hateyou… I hate you…” Kag ang bata nagsiling: Tay, ikaw naman. Magsiling ka: “ I am a good Father!” Kag nagbalik ang lanog nga nagasiling: “Bakakon...bakakon… bakakon…” Kon magsinggit bala subong ang mga tatay nga “ I am a good Father…” magasabat bala ang lanog sang amo man? Ano bala ang mabalik nga lanog? Basta nagapakumpisar gani ako sa mga kabataan, ang pirme lang sa akon ginapamangkut sang mga bata: “ Father, ngaman nga amo sini ang tatay ko? Iresponsable, nagabisyo, kag wala sang tiyempo sa amon? Ang pirme ko ginasabat: “ Anak, indi mo pwede bag-uhon si tatay mo, siya lang ang pwede magbag-o sang iya kaugalingon. Siguro umpisahan mo ang pagbag-o sang imo kaugallingon. Mangin responsible ka nga anak, magtuon ka sing maayo, maghatag sang oras sa inyo panimalay  kag mangin mahugod ka. Kon makita na sang tatay mo, mabag-o ina siya!” Pasensya, pag-antus, kag pagsalig… amo man ini ang luyag ni Jesus agud mangin aton ang Iya ginhari-an. Pareho sang isa ka liso, wala ini nagapamunga nga daan kon indi pag-itanum kag kon matanum na ini, kinahanglan nga magtiner ini sa duta, mapatay, magatubo, magdaku kag pagkatapos sang mahaba nga tiyempo kag ugaling ini mamuhi kag mamunga. Para matabo ini kinahanglan gid ang mahaba nga paghulat, pagpasensya kag pagsalig. Pabay-an naton ang Diyos nga magpanrabaho sa adlaw kag sa gab-i sa diin Siya ang naga-obra sang tanan. Magsalig kita nga kaupod naton Siya kag bisan ano kalain sang kalibutan, bisan puro lang kabudlayan kag problema ang aton gina-atubang sa tagsa ka tini-on, bisan puro kapaslawan ang aton gina-atubang sa aton pamilya kag sa aton personal nga pagkabuhi magtuo kita nga ang Diyos nagahulag sang Iya mga kamut kag may plano Siya sa aton.

   Tama na nga kita magpati nga Siya isa ka Amay nga nagahigugma. Kon ang mga tatay naton diri sa duta ginahatag sa aton ang pinaka-maayo, paano pa gid bala ang Mahal nga Diyos nga aton Amay. Malipat man sa aton ang aton dutan-on nga Amay sa ila mga obligasyon, pero indi gid ang aton Amay sa langit.

   Mga utod, magsalig kita sa aton Amay sa langit kay Siya naga-atipan sa aton nga Diyos. Indi kita Niya pagpabayaan. Himu-on ta sing maayo ang aton mga buluhaton bilang Iya maayo nga mga anak. Magmalipayon kita kay may matawag kita nga Amay nga Tatay, Papa, Daddy, Erpat, Pafu, etc… anuman ang itawag naton sa Diyos magapabilin sa gihapon Siya nga aton MY DEAREST PAPA!

   Ginahangkat kita sang aton pagsalig indi lamang sa aton tawohanon nga ikasarang kundi sa aton ikasarang sa pagsandig nga may ara kita nga Amay nga indi gid magpabaya sa aton bisan ano pa man ang matabo!  

   COINCIDENCE?

 Four men are in the hospital waiting room because their wives are having babies. A nurse goes up to the first guy and says, “Congratulations! You’re the father of twins.”

“That’s odd,” answers the man. “I work for the Minnesota Twins!”

A nurse says to the second guy, “Congratulations! You’re the father of triplets!”

“That’s weird,” answers the second man. “I work for the 3M company!”

A nurse tells the third man, “Congratulations! You’re the father of quadruplets!”

“That’s strange,” he answers. “I work for the Four Seasons hotel!”

The last man is groaning and banging his head against the wall. “What’s wrong?” the others ask.

“I work for 7 Up!”.

   FOOD FOR THOUGHT

Real fatherhood means love and commitment and sacrifice and a willingness to share responsibility and not walking away from one's children.

(William Bennett)