31st Sunday in Ord. Time (C)

ANG KAAYO SA SULOD SANG

PAGKATAWO

May hulobaton nga nagasiling: “Every saint has a past and every sinner has a future.” Sang si Zaqueo gintawag ni Kristo kag ginhambalan nga SIya magakadto sa iya balay, piho nga sIya nahangawa gid kag nagsiling sa iya kaugalingon: “Sin-o? Ako? Segurado ka? Ako nga ginakabig nga makasasala sa sini nga duog kag sang mga tawo? Basi nagalahug-lahog ka lang?” Aton gid mabatyagan ang kalipay ni Zaqueo. Siguro, sa bug-os niya nga kabuhi, iya nabatyagan nga sya ginakaugtan sang tanan. Gani sa pagtawag sa iya ni Kristo kag sa pagmuno nga magakadto sa iya balay, iya nabatyagan nga siya espesyal kag may balor man gali. Halin sa “NOBODY”, siya nangin “SOMEBODY” sa isa ka ginataha nga Ginoo.

May mga tion nga amo man ina ang aton ginabatyag. Kon mabatyagan ta nga halos ang tanan kontra sa aton ukon daw wala sing may nagapalangga sa aton, aton nadiskubre nga may Dios nga nagapalangga kag nagaapin gid sa aton bisan magkanano pa. Kay para sa iya, kita indi lamang “ANYBODY”. Ang tagsa-tagsa sa aton espesyal sa iya. Ang tagsa-tagsa sa aton personal nga palangga gid niya.

Pareho kay Zaqueo, kita man mga maluya kag makasasala. Apang may Dios kita nga nagapalangga, nagabilib, nagahatag sa aton sang kahigayunan kag nagasalig gid nga ‘ang gago mangin gwapo’, ‘ang lagtok mangin lagting’, ‘ang makasasala nga tawo mangin santo’…

 Sa aton Ebanghelyo subong, natabo ang indi sang kinaandan sa aton adlaw-adlaw nga pagkabuhi. Ang “bisita” amo ang nag-agda sang iya kaugalingon nga magdayon sa balay sang isa ka tawo– si Zaqueo. Si Zaqueo indi lamang sang ordinaryo nga pumuluyo, kundi siya isa ka “pangulo” sang mga manugsukut sang buhis nga sadto anay sa panahon sang aton Ginuo, ginakabig nga “makasasala”!

Ang aton Ginuo ginakabig nga isa ka “propeta” sang Iya  nga mga kasimanwa, sa bagay nga daku nga palaligban para sa ila, nga Siya nga nakahibalo sang mga ginahimo sang mga tawo– nga wala sang may nalipud sa iya ihibalo, nagsaka sa balay sang isa ka makasasala!

Ano ang ligwat sini nga hitabo? Indi lamang nga ang aton Ginuo kag ang mga tawo ang nakahibalo sang sala ni Zaqueo, kundi bisan si Zaqueo mismo, nakahibalo sang iya kasal-anan. Siya nag-ako nga siya “nagdinaya”, apang handa siya sa pagbayad bisan pa tubtub sa apat ka pilo sang iya ginkawat!

Si Zaqueo handa sa pagtadlong sang iya “tiko’” nga pagkabuhi, tungud siya nakatalupangud sang iya nga kasaypanan! Wala siya “mag-rason” kon ngaman ginbuhat niya ang iya sala. Siya mapainubuson nganagbaton nga matuod siya nakasala, period!

Ang labing importante, nga bisan ang isa ka makasasala gina-agda man sa lamesa sang Ginuo, tungud nga luyag man sang Ginoo nga sila mangin bahin sang selebrasyon sang kabuhi paagi sa ila pagpanibag-o sang ila nga kaugalingon. Indi sang ulihi ang tanan para sa isa ka luyag magbag-o. Indi sang ulihi ang tanan sa isa ka nagabukas sang iya nga kaugalingon sa pagbaton sang pangagda sang aton ginoo sa pagdayon sa puluy-an sang aton nga tagipusu-on. Ang Ginoo luyag magpakigbahin sa aton kina-ugali.

Ang aton Ginuo nagpahayag sa katapusan sang Ebanghelyo sang Iya nga misyon, kag ini amo ang “pagpangita kag pagluwas sang nadula”.Wala ginalantaw sang aton Ginuo ang kabug-at sang sala nga aton nahimo ukon ginahimo pa asta subong. Sa baylo, ang Iya ginalantaw amo ang aton mapa-inubuson nga tagipusu-on kag kaugalingon nga bukas sa pagsugud sa pagtikang tuhoy sa PAGPANIBAG-O! Katulad ni Zaqueo, nagapangagda ang aton Ginuo sa aton! Bukas bala kita para sa Iya?

LIGHTER SIDE:

DON’T BRAG ABOUT IT!

Two women that are dog owners are arguing about which dog is smarter.... First Woman : "My dos is so smart, every morning he waits for the paper boy to come around and then he takes the newspaper and brings it to me. Second Woman : "I know..." First Woman : "How?" Second Woman : "My dog told me."

FOOD FOR THOUGHT

“Do you wish people to think well of you?

Don't speak well of yourself.”

( Blaise Pascal)

30th Sunday in Ordinary Time (C)

ANG MATUOD NGA MAPA-INUBUSON

Ano bala ang matuod nga pagpa-ubos? Amo ini ang ginasabat sang aton Ebanghelyo subong nga Dominggo. Ginasiling nga may yara nga pagpa-ubos nga ginatawag “false humility” ukon pakuno-kuno nga pagpa-ubos, kag pagpaubos nga MINATUOD. Amo ini ang ginpakita sang duha ka tawo nga nagpangamuyo sa templo sang Diyos. Ang isa “fariseo” nga mapa-inubuson apang pakuno-kuno lang ang iya nga pagpa-ubos tungud sa ulihi nagtapos siya sa iya pangamuyo nga ang ginhatagan sang “kadayawan” amo ang iya KAUGALINGON, kag ang isa nga “manugsukut sang buhis” nga minatuod nga mapa-inubuson tungud GINBATON niya ang iya PAGKAMAKASASALA sa atubangan sang Diyos!

Ang aton Ginuo nagsiling sa katapusan, nga ang nakabaton sang pagpatawad sang Diyos amo yadto ang nagbaton sang iya “kagamayon” sa pagbaton sang iya nga kasal-anan!

Ang pagpa-ubos wala nagakahulugan nga “ginapakanubo” mo ang imo kaugalingon sa bagay nga mangin “miserable” ang imo pangabuhi, kundi ang pagpa-ubos nagakahulugan nga ikaw MAKABATON SANG IMO MINATUOD nga estado ukon sitwasyon sa kabuhi!- Ginabaton mo ang minatuod nga lugar sang imo kaugalingon kag ang minatuod nga lugar sang Diyos sa imo kabuhi!

Kon ang imo nawong daw sa “pina-pa’” nga luy-a, apang sagad ka sugid nga ikaw ang pinaka-matahum nga tinuga… kada aga sa imo pagbugtaw, gina-atubang mo ang imo nawong sa salamin kag magsi- ling: “You are the most beautiful creature on earth”, ipa­-”check-up” ang imo mata, basi may diperensya!

Ang minatuod nga nagapa-ubos nakahibalo kon sa diin niya ibutang ang iya nga kaugalingon. Wala siya nagapamilit sa lugar sa diin siya wala sing ikasarang. Nakita niya ang iya limitasyon, ang iya kakulangan, ang iya indi masarangan. Sa bagay nga wala siya nagapadaku-daku sang iya kaugalingon, kundi nagabaton sang iya minatuod nga kahimtangan.

Madamo sa aton ang nangin biktima sining sayup nga pagkilala sang aton kaugalingon. Amo gani nga ginasiling sang isa ka psychologist nga sa aton nga panahon subong, madamo ang nagasuksuk sang ‘maskara’ agud matabunan ang minatuod naton nga pagkatawo. Amo ini kon ngaman lutaw sa aton ang negosyo sang ‘cosmetics’ tungud ang tanan indi kontento sang ila mga nawong. Madamo sa aton subong ang mga ‘beautified’ apang indi sang ‘beautiful.’ Daw sa  ginaling lang nga kon indi ka magsunod sa uso, malaw-ay ka… indi ka “IN’… INDI KA NAGAKABAGAY!

Ang aton Ebanghelyo subong nagapahanumdum sa aton nga sa atubangan sang Mahal nga Diyos, wala kita sang sarang mapabugal, kag kita nangin matahum lamang kon aton atubangon ang aton minatuod nga pagkatawo kay sa pagkamatu-od, ang tanan nga gintuga sang Diyos maayo na, tungud Iya na gintanum sa aton pagkatawo ang marka sang Iya pagka-Dios. Amo gani nga Siya wala nagalantaw sang aton pang-gwa nga pagkatawo, kundi Iya nga ginatulok ang sulod sang aton nga tagipusu-on tungud ang kaalibuturan sang aton tagipusu-on indi makabutig sa aton matuod nga pagkatawo.

Ang mapa-inubuson nga tawo wala nagalantaw sang iya kaugalingon sa iya kaugalingon nga talaksan, kundi sa talaksan sang Diyos. Ginatulok niya ang iya kaugalingon indi sa basehan kon ano ang mahambal ukon malibak sang tawo sa iya, kundi kon ano ang iya nga ‘balor’ sa atubangan sang Diyos. Katulad sang mapa-inubuson nga manugsukot sang buhis subong sa aton Ebanghelyo, siya makapamukpok gid lang sang iya nga dughan, sa pagbaton sang kamatuoran nga siya isa ka makasasala, kag nagakinahanglan siya sang kapatawaran agud siya magpanibag-o!

FOOD FOR THOUGHT

“He who knows others is wise;
He who know himself is enlightened.”

(LaoTzu)

29th sunday in ordinary time (C)

NEVER SAY NEVER!

Ang sadto anay nga si Cardinal Sin pirme lang nagahambal nga: “Ang Pangamuyo amo ang kusog sang tawo kag ang kaluya sang Dios.” Iya ginapahangup nga kon kita magpangayo sing bisan ano sa Dios, iya ina ginahatag sa aton tungod palangga gid kita niya bilang iya mga anak. Pero ginasabat gid man bala sang Dios ang tanan naton nga mga pangabay? Masami malupos sa aton ang magsabat sang “HUO”. Apang sa masami, kita naka-eksperiensya nga kon kita magpangamuyo para sa aton pinalangga nga mag-ayo apang namatay man gihapon, ukon nag-ampo nga makapasar sa isa ka importante nga exam apang nalagbong man gihapon, ukon nagpangayo nga makakita sang obra apang “jobless” man gihapon, kag iban pa. Sa sining mga tion, ang Dios daw wala nagasabat sa aton. Kag ini aton gid dayon nga “dilemma” o palaligban. Nakahibalo kita nga palangga gid kita sang Dios. Nakahibalo man kita nga ginasabat gid niya ang aton mga pangamuyo. Pero nakahibalo gid kita nga madamu man nga beses nga ang Dios “absent” ukon daw nagahambal sa aton nga “INDI”.

May isa ka hulobaton nga nagasiling: “Kon magpa-ngamuyo ikaw, MAG-UWANG ka nga daw sa lobo kag INDI MAGHUTIK-HUTIK nga pareho sang karnero.” Amo ini ang ginatawag sang mga Judio, ang mga kasimanwa ni Ginoong Jesukristo, nga pangamuyo nga may HUTZPAH (Hootz-pah) ukon pangamuyo nga wala sing huya-huya ukon kabalan nga pagpangamuyo. Si Kristo nagatudlo sa iya mga gintutun-an sa pagpangamuyo upod ang “Hutzpah” sang isa ka balo ukon ginaupdan sang pagkakabalan, nga nagahalin sa bug-os nga pagsalig kag pagtuo nga ang Dios magasabat gid sang ila mga pangamuyo. Ang pagpangamuyo nga may “Hutzpah” nagakahulogan nga aton ginabutang ang aton kaugalingon sa kamut sang Dios.—ang kabug-osan sang aton nga pagsalig sa Iya sa pagtugyan sang aton kaugalingon sa Iya bug-os nga pagtatap. Siya ang aton matuod nga “Boss” nga nakahibalo gid kon ano ang pinakamaayo para sa aton.  Ang pangamuyo nga may “Hutzpah” amo ang pangamuyo nga wala nagaisol ukon nagapangluya.

Kon aton binag-binagon, katulad abi sa patag sang politika, basta may nagapangayo gani, sigurado gid nga “masabad” gid ina ilabi na gid kon tapos na ang “eleksyon”. Pero kon eleksyon, daw sa nagadalhay lang sa aton mga politiko ang pagmedyos sa tagsa ka kinahanglanon sang ila mga “prospective” nga mga botante. Ayhan indi man ang “tanan” naton nga mga politiko ang natungdan sini kay may ara gid man ya nga mga “maayo” nga mga politiko nga masaligan mo sa ila bulig “in” or “off” season– mga politiko nga mina-tuod sa ila pangako nga magabulig gid sa ila mga ginaalagaran nga mga tawo.

Indi lamang ang sistema sang aton pamolitika ang ginatumud sang aton Ginuo, kundi ang sistema man sang aton ordinaryo nga pagkabuhi.  Sa aton Ebanghelyo subong, sa kabuhi sang isa ka “garuk” nga huwes– huwes nga “wala nagakahadluk sa Diyos ukon nagatahod sa iya isigkatawo”. Ayhan siya nangin huwes lamang tungud sa iya mga “connections” ukon isa man siya sa kalabanan naton nga mga huwes sa Pilipinas nga isa ka “political appointee”! Apang bisan siya “garuk” nga klase sang huwes, siya “naghatag” sang kinahanglanon sang balo sa aton Ebanhelyo. Indi tungud kay siya maalwan kundi tungud sa “kasabad” sang balo nga wala’y puway nga binalik-balik sa iya sang iya ginapangayo! Ini nagatudlo sa aton sang sahi sang pagpangayo sa aton Amay– pagpangayo sang isa ka “masabad” nga bata sa iya Amay! Wala’y huya-huya nga pagpangayo kag pagsalig sa iya ginikanan!

Amo ini ang sahi sang kaangtanan nga luyag sang Diyos nga magluntad sa aton kag sa Iya– Siya Amay nga wala gid nagahatag sa aton sang  malain, kundi, Siya nakasat-um kon ano ang pinakamaayo sa aton.

LIGHTER SIDE:

THE BEGGAR WHO KNOWS

A beggar comes up to the front door of a neat looking farmhouse and raps gently on the door. When the farm owner answers, the beggar asks him, "Please, sir, could you give me something to eat? I haven't had a good meal in several days."

The owner says, "I have made a fortune in my lifetime by supplying goods for people. I've never given anything away for nothing. However, if you go around the back, you will see a gallon of paint and a clean paint brush. If you will paint my porch, I will give you a good meal."

So the beggar goes around back and a while later he again knocks on the door. The owner says, "Finished already? Good. Come on in. Sit down. The cook will bring your meal right in."

The beggar says, "Thank you very much, sir. But there's something that I think you should know. It's not a Porsche you got there. It's a BMW."

 FOOD FOR THOUGHT

““Between the optimist and the pessimist, the difference is droll. The optimist sees the doughnut; the pessimist the hole! “(Oscar Wilde)