22nd Sunday in Ordinary Time (C)

ALANGAY  ANG PANULOK SANG DIYOS!

Ano ang basehan sang matuod nga pagkahalangdon ukon sa diin dapat maghalin ang aton kadungganan? Ina ang pila sa mga pamangkutanon nga ginahatagan sang sabat sang aton Ebanghelyo subong nga Domingo. Ang matuod nga dignidad ukon ang ka-importante sang tawo dapat maghalin sa Ginuo. Ang kapuslanan sang tawo dapat maghalin sa kon ano siya sa mata sang nagtuga sa iya. Sa diri kag diri lamang ang sukatan sang minatuod nga importansya ukon kadungganan sang isa ka tinuga.

Kon aton ilubad sa English ang tinaga nga “TAWO”, ini ginatawag nga “HUMAN” nga may anggid man sa tinaga sang birtud nga “HUMILITY”. Kon aton naman pamatian ang mga “Latinista” kon sa diin naghalin ang tinaga nga “human” kag “humility”, ini naghalin sa isa lamang ka Latin nga tinaga nga “HUMUS” nga ang buot silingon, ‘higko’, ‘lunang’, ‘duta’ ukon ‘yab-ok’. Apang ang sugilanon nga: “Ang tawo naghalin sa YAB-OK, kag sa YAB-OK man sia magabalik!” isa lamang ka “EUPHEMISM” ukon paghambal nga ginpanami sa pamatin-an. Kay kon aton ilubad ang minatuod nga kahulogan sang “HUMUS”, ini minatuod nga nagakahulogan gid sang mga butang nga makita mo sa “POSO NEGRO”. Gani makapabugal ka pa bala kon mabal-an mo kon sa diin ka naghalin kag ginhimo bilang tawo? Ginpanami lang nga “sa yab-ok kita  maghalin” gali sa pagkamatuod sa Poso Negro iya!

Gani si Kristo nagpanudlo nga dapat kita mangin MAPAINUBUSON kay “ang nagapakanubo sang iya kaugalingon, pagapataason!”(Lk 14: 11) Ini nga birtud nagaduso sa aton sa pagkilala nga kon ano man ang aton naabutan kag kadalag-an kag kon ano man nga may ara kita, ini tanan naghalin man lang sa Dios nga nagtuga sa aton. “Naghumut” kita indi tungud sang aton binuhatan, kundi tungud sa GRASYA SANG DIYOS!

 Apang sa masami, madamo gid nga mga tini-on nga nagapangita kita sang lugar sa diin kita madali matatapan. May hulubaton gani nga nagasiling: “Advance to be recognized!”.. Ini agud nga matalupangdan kita sang aton isig-kapareho kag makilala. Sin-o lang abi sa aton ang indi luyag nga pasulabihon? Duna sa aton pagkatawo ang paghandum sang importansya sa atubangan sang aton isigkatawo. Gusto naton mangin lutaw… mangin sikat… mangin pinasulabi sang sa iban. Daw kapid sa aton kaugali-ngon ang pagsiling nga “mas mayad” kita sang sa aton isig-kapareho. Nalipatan naton nga aton isig-katawo aton ISIG-KAPAREHO. Pareho lang kita sang ginhalinan, kag pareho man kita  nga nagabakas sa isa ka maayo nga pagapadulungan.

Ayhan amo man ini ang balatyagon sang mga tawo nga inagda sa punsyon nga gintambungan subong sang aton Ginuo sa aton Santos nga Ebanghelyo. Ayhan nagapauna-una sila sa mga pulungku-an nga pinasulabi– sa “presidential table!” tungud ini nagapahayag sang ila pagkalutaw sang sa iban nga mga inagda.

Ang aton Ginuo nakatalupangud sini nga pamatasan, sa bagay nga siya naghatag sang palaangiran nga nagatudlo sang aton pagpa-ubos sang aton kaugalingon. Pagpa-ubos nga nagatalupangud sang aton estado indi suno sa talaksan sang mga tawo sa palibut, kundi suno sa PANULUKAN sang Diyos. Ang pagpa-ubos wala nagakahulugan nga dapat mangin “makalulu-oy” kita sa atubangan sang mga tawo, ukon mangin “manubo” ang aton panulukan sang aton kaugalingon, apang ini nagakahulugan nga sa pagpa-ubos, “ginakakas” naton ang aton sayup nga paglantaw sang aton kaugalingon paagi sa aton pagkumparar sini sa iban. Ini nagahatag sa aton sang KAHILWAYAN nga mangin TAMPAD sa aton kaugali-ngon sa atubang sang Diyos. Ini nagabukas sa aton sa kaluoy kag kahanuklog sang Diyos!

LIGHTER SIDE:

THE TALKING PARROT

Fred at last could see a way of making a fortune. He had trained his parrot, after month of hard work, to tell jokes.

At last he felt ready to cash in on all his hard work, and took the parrot down to his pub.

“This is my incredible joke-telling parrot!” boasted Fred. “Go on ,. jeered the pub regulars. We’ll give you ten to one that your parrot can’t tell us a joke..”

“All right…” replied Fred. “I accept your bet..” But try as he could, Fred was unable to make the parrot talk - let alone tell jokes.

On the way home Fred shook the bird and shouted: “What do you mean by keeping quiet? You made me lose a ten to one bet!.

“Don’t worry!... squawked the parrot...Tomorrow you’ll be able to get fifty to one..”

FOOD FOR THOUGHT

“It is unwise to be too sure of one's own wisdom. It is healthy to be reminded that the strongest might weaken and the wisest might err.” (Mohandas K. Gandhi)

21st Sunday in Ordinary Time (C)

MAKITID ANG DALAN PA LANGIT!

Sa aton panahon, madamu nga mga Pilipino ang nagaestorya nahanungod sa pagkadto sa gwa sang pungsod ukon ang ‘pag-abroad’. Ini agud magbakasyon, makapakigkita sa mga pariente, magpuyo didto ukon agud mag-obra. Sa tiempo ni Kristo, ang mga tawo nagahinala sang mga butang nga mas kapin pa sang sa pag-‘abroad’. Kag ini amo kon ‘paano sila makakadto o makasulod sa langit’.

Isa ini ka dalayawon nga butang nga dapat man naton ilogon. Apang ang problema sa ila amo nga, tungod sila kuno kaliwat sang mga Patriarka kag katapo sang banwa nga pinili sang Dios, sila NAGAPANIGURO nga sila maluwas na gid. Gani ang minatuod kuno nga pamangkot sa baylo sang pamangkut nga: “Ginuo, diutay lang bala ang maluwas?” amo nga “Ginuo, KAMI lang bala ang maluwas?”. Sa ila taguipusuon, sila nagapanumdom nga sila gid lang ang mapalangit. Daw ano ka kalam-utan nga tubtub karon, ini nga panumdoman ara man gihapon. Lantawon ta na lang kon paano ang mga relihiyon naga-ilinaway kag nagapabugal nga sila lang ang minatuod nga Simbahan. Ang iban sala kag sila lang ang tama.

Gani si Kristo klaro nga nagtugda nga makitid ang pwertahan sang langit kag wala sang “shortcut” pakadto diri. Kinahanglan ang PERSONAL nga pagtinguha kag pagtimakas sa pagpangabuhi sang maayo agud makasulod diri. Ang langit isa ka bugay sang Dios nga ginatan-ay sa TAGSATAGSA sa aton kag indi ini ‘eksklusibo nga pabor’ nga ‘ginareserva’ lamang sa mga katapo sang isa ka grupo. Buot silingon, ang mga ‘VIP’s’ kag ‘Big Shots’ sang sining kalibutan indi makasegurado nga ‘VIP’s’ kag ‘Big Shots’ man sa langit. Indi importante kon ano ang imo ‘social status’ sa kalibutan, ukon ang imo ‘bank account’ ukon ang imo itsura ukon ang imo ‘academic degrees’. Ang importante amo nga kon nangin ano ikaw nga sahi sang tawo sa imo pagkabuhi diri sa duta: “Kon maiya-iyahon ka bala ukon mahigugmaon ka nga tawo?”

Ang paghalintulad nga ginatumud karon sang aton Ginuo amo ang “pamaagi” sa pagsulud sa Ginharian sang Diyos. Suno sa Iya, ang alagyan isa ka MAKITID nga pwertahan. Kon sa aton pa, maangkon lamang naton ang ginharian sang langit indi sa pahupos nga paagi kundi sa alagyan nga madamo sang kabudlayan. “We cannot buy our stairway to heaven!” Kon luyag kita magsulud diri dapat MAGTINGUHA gid kita sa pag-agi sa dalan nga mapi-ut, kag ini amo ang dalan nga gin-agihan man sang aton Ginuo… ang dalan sang Krus.

May hulubaton kita nga nagasiling: “No pain, no gain” ukon “Success comes only through a series of failures!” Ayhan ini nga hulubaton nag-gikan sa matuod nga mga inagihan sang mga tawo sa kabuhi sa diin naangkon lamang nila ang kadalag-an sang masumalang nila ang madamo nga mga kapaslawan! Ang kamatuoran nagasukma sa aton sing dalayon, nga wala sang kadalag-an nga naga-abut sa isa lang ka pitik sang aton mga tudlo ukon sa isa lang ka pagtulog sa kagab-ihon. Ang minatuod nga kadalag-an naga-agi sa isa ka malawig nga lalakton nga sa masami ini napun-an sang mga pagtilaw kag mga kahigayunan sa pagtiplang sa aton agud kita magtalang.

Sa aton pagkabuhi sang aton Kristiyano nga pagtuo, ayhan madamo man kita nga mga upang nga nasusumalang, kag kita man ginahangkat sa pag-agi sa dalan nga makitid, kay sa pagkamatuod, indi mahapos ang magpaka-kristiyano sa subong nga mga panahon. Ginasiling gani nga mahapos lang ang mangin-kristiyano apang mabudlay ang MAGPAKA-KRISTIYANO, tungud ini nagakahulugan sa pagkabuhi sang aton pagtuo 24 oras sa tagsa ka adlaw.

Ang dalan sang isa ka kristiyano amo ang dalan sang MATUOD NGA PAGHIGUGMA! Amo bala ini ang pwertahan nga aton gina-agyan?

LIGHTER SIDE:

WRONG INTERPRETATION

Carla said to her husband, "Rick, let's go to see the circus."
Rick dismissed her immediately by saying, "No, I am busy."
Carla insisted, "C'mon, do you know they have a girl in the circus who rides a lion without clothes!"
Hearing this, Rick agrees and says, "You are very persistent. Okay, let's go, it's been a long time since I have seen a lion."
Rick bought the most expensive seats in the first row. The lion arrived on stage and did some antics but the girl without the clothes was not to be seen anywhere.
After the show, Rick asked Carla, "What happened to the girl you mentioned who would perform without clothes?"
Carla glared at him and replied, "I had said that the lion will appear without clothes!"

FOOD FOR THOUGHT

“Life is like a coin. You can spend it any way you wish, but you only spend it once.”

 (Lillian Dickson)

20th Sunday in Ordinary Time (C)

ANG PAGPILI SANG INSAKTO

Daw isa ka daku nga kontradiksyon subong ang mga pulong sang aton Ginoong Jesukristo sa aton Ebanghelyo nahanungud sa misyon nga Iya ginabantala sa mga katawohan. Daw isa ka daku nga kontradiksyon ang gintagna sa Iya sang mga propeta sa daan nga kasugtanan nga ang Mesias mangin prinsipe sang paghida-it kag magatipon sang Iya mga panong sa idalum sang Isa ka Manugbantay.

Apang  maathag kaayo subong ang mga pulong sang aton Ginoo nga wala Siya magkari sa kalibutan agud sa pagdala sing paghida-it kundi sang PAGBINAHIN-BAHIN. Paano naton mapasanto ini sa isa ka Mesias nga ginasiling nga Prisipe sang Paghida-it?

Sa pagkamatuod, WALA SING KONPLIKTO  ang  mga ginahala subong sang aton Ginoo sa kaangtanan sang Iya nga misyon. Matuod nga Siya magadala sing paghida-it sa aton tunga, apang ini nga paghida-it indi maangkon paagi sa pagpabilin nga ‘buta-bungol’ sa mga kasaypanan nga nagapalibut sa aton. Ini nga paghida-it nagagikan sa aton hilway nga pagpili, sa diin si Kristo amo ang mangin basehan ukon sadsaran sang tanan. Diri nagasulod ang isyu nahanungud sa aton pagpanaksi sa aton kabuhi sang kabuhi sang aton Ginoong Jesus.

May hulubaton kita nga nagasiling: “Mahapos ang mangin Kristiyano; mabudlay ang magpaka-Kristiyano”. Amo ini ang buot silingon sang ginahambal subong sang aton Ginoo. Sa aton pagpili sa Iya bilang basehan sang aton kabuhi, madamo kita sang mga upang kag mga pagpamalabag nga masumalang, kag masami, ini amo ang aton mga su-od nga mga kakilala ukon aton mismo nga kapamilya.

Masami sa aton pagpili sang insakto, madamo kita sang natatapakan nga nagapanago sa kabutigan. Kon ka-isa sila mga miembro sang aton mga pamilya, kag ini nagadala sang mga masakit nga mga balatyagon… dumut… huya… kag sa katapusan, PAGBINAHIN-BAHIN! Siling sang isa ka pari:

“Christianity is loyalty. It is not a theory or an ideology, but it is a faith in the person of Jesus Christ who is the Son of God. It is the imitation of His life, teachings and sacrifice on the cross. Our faith is not like a dress that if we don’t like it anymore we give it to somebody or through it away. Faith is a way of life; it is our own identification card that we constantly profess in our lives.

 Are we loyal to Jesus? Just like Jesus who denounced all the evils in the society during His time, we too must denounce. But what happen? When someone especially, especially church leaders, speaks of injustice, graft and corruption in the government and even in the church, poverty, unequal distribution of wealth and many others, we say that priests should not mix politics with religion, that there should be a separation of Church and State, that the church’s only concern is the spiritual aspect. If this is what we want, that only the spiritual aspect, then, when we enter the church and attend mass or pray, please leave your body at the entrance of the church and only your soul should enter and attend the Mass. I know it could not be. We do not ignore all these things. But Jesus denounced all these things in His lifetime, are we following Him and doing the same as He did?”

Sa aton pagpanaksi sa aton kabuhi sa aton pagtuo sa aton Ginoong Jesukristo, kita gina-agda sa paglakat sa dalan sa diin ginasikway naton ang kasal-anan kag kala-inan agud mangin matuod-tuod kita nga hilway sa pagbuhat sang kaayohan. Ayhan madamo sa ila ang magasiling: “Indi ina siya kahibalo MAGPAKISAMA! “ Ang minatu-od nga “samahan” wala nagapadulong sa kala-inan kundi sa KAAYOHAN kag sa KAMATUORAN. Amo ini ang nagapili kay Kristo nga UNA SA TANAN!...PAGPILI SANG INSAKTO!

LIGHTER SIDE:

OBITUARY

Our church was saddened to learn this week of the death of one of our most valued members, Someone Else.

For many, many years as a part of this church Someone Else did far more than a normal person’s share of the work. Whenever there was a job to do, a class to teach, or a meeting to attend, everybody said, “Let Someone Else do it.” Whenever leadership was mentioned, this wonderful person was looked to for inspiration as well as results; “Someone Else can work with that group.”

It was common knowledge that Someone Else was among the most generous givers. Whenever there was a financial need, everyone assumed Someone Else would make up the difference.

Now Someone Else is gone! We wonder what we are going to do. Someone Else left a wonderful example to follow, but who is going to follow it? Who is going to do the things Someone Else did?

When you are asked to help this year, remember — we can’t depend on Someone Else anymore.

FOOD FOR THOUGHT

Blessed are those who can give without remembering and take without forgetting.  one we had.”

(Elisabeth Bibesco)

19th Sunday in Ordinary Time (C)

ANG MATUOD NATON NGA MANGGAD

Maathag ang pagtumud sang aton Ginuong Jesus nahanungud sa klase sang mga manggad nga aton gina-angkon sa sining kinabuhi. May manggad nga “ginasulud” sa puyo nga nagakagisi kag gani sarang makawat ukon mabuhinan, kag may manggad nga “ginahatag” nga wala sang suludlan, pero indi makawat kag indi man mabuhinan.

Ang nahauna nga klase sang manggad amo ang manggad nga dutan-on, nga sarang naton madula sa oras nga tanan. Mga manggad nga indi naton madala kon kita magtaliwan sa sining kinabuhi… mga manggad nga “nagapabug-at” lamang sa aton mga painu-inu kag kaangtanan sa isa kag isa. Ini nga klase sang manggad suno sa aton Nahauna nga balasahon sang nagligad nga Dominggo gikan sa Libro sang Manugwali, manggad nga WALA SING KAPUSLANAN! Ngaman? Tungud ini nga manggad “ginapangabudlayan mo sa bug-os mo nga kaalam, ihibalo kag kinaagman, apang bayaan mo lang ini sa tawo nga wala magpangabudlay sini!... Ang tanan mo nga ginahimo sa bug-os mo nga pagkabuhi, wala sang iban nga ginadala kundi palaligban kag kasakit sa tagipusoon!”

Ang ikaduha nga klase sang manggad amo ang manggad sang isa ka suluguon nga MATUTUM nga nagahanda sa oras nga tanan sa pag-abut sang iya agalon, sa bagay nga  nagabuhat siya sang MAAYO sa iya isig-kasuluguon. Ang iya GINAHATAG nga manggad sang may KAALWAN KAG PAGHIGUGMA amo ang MATUOD NGA MANGGAD!

Tatlo man lang ka butang sa ibabaw sang duta ang indi naton mapalagyuhan, mapaindi-an o mapalagyuhan. Pat-ud kag sigurado nga magaabot ini sa aton tanan. Una, ang Sakit o Balatian. Bisan luyag man naton o indi, magaluya gid ang aton lawas o magahuyang gid ang aton mga kaluta-lutahan. Ikaduha, amo ang Pagtigulang ukon ang pag-edad. Bisan luyag man naton o indi, magatubo o magadugang gid ang aton edad. Magatig-a kag magakuryanot ang aton mga guya kag panit nga sang una, daw sa ano kahumok kag kakinis hikap-hikapon. Ikatlo, ang Kamatayon. Bisan luyag pa naton o indi, kag bisan sin-o ka man, bata man o tigulang, matambok, maniwang, may asawa o bana, laon o binayaan, bisan ano pa man ang imo estado sa pangabuhi, pat-ud nga mapatay gid kita. Kay ang kamatayon daw isa ka makawat nga wala naton mapaktan kon san-o maga-abot kag mangawat sa aton.

Gani sa Ebanghelyo, aton mabatian ang madamu nga mga pulong nga ginhambal sang Ginuo. Ini nga mga pulong indi lamang simple nga panugyan, kundi mga “MANDO” gid sa aton sang Ginuo. Kay bilang mga tawo nga nagatuo sa iya o manunubli sang Langit, dapat kag kinahanglan nga kita preparado kag nakaaman gid, sa oras nga tanan, sa pag-abot niya.

Sa panahon subong, ang iban sa aton nagapanumdom sang “Reincarnation”, nga kon mapatay man sila nga wala nakaaman o indi preparado, sila hatagan pa gid sang ikaduha nga kahigayunan agud maluwas. Apang klaro gid sa Sulat sa mga Hebreo: “ang tawo ka-isa lang mapatay kag pagkatapos sina, amo ang paghukom” (Heb. 9:27) Ang Simbahan wala gid nagapabor sa “Reincarnation” kay kon matuod ina, mangin balik-balik lang ang aton pagpangabuhi. Amo gani nga may ara kita nga “Last Sacraments”  ukon Sakramento sang Pagbadlis magataliwan na sa sining kalibutan, tungud sila aton ginapabalunan (viaticum) sa ila pagpanglakaton padulong sa kabuhi sa iya sini kapupun-an. Ngaman mabalik ka pa sa duta kon ang imo ginapadulungan kahimpitan ukon ‘fullness’- kapupun-an na sang kabuhi. Apang ini tanan dapat pagahandaan sa pag-angkon sang matuod nga manggad nga aton ginatipon sa isa ka matarung nga pagkabuhi diri sa duta. Preparado o nagapreparar gid man bala kita sa aton pag-ambit sang Diosnon nga kabuhi?

LIGHTER SIDE:

THE PRIEST IS DYING

An old priest was dying. He sent a message for his banker and his lawyer, both church members, to come to the Rectory.
When they arrived, they were ushered up to his bedroom. As they entered the room, the priest held out his hands and motioned for them to sit on each side of the bed. The priest grasped their hands, sighed contentedly, smiled, and stared at the ceiling. For a time, no one said anything.
Both the banker and lawyer were touched and flattered that the priest would ask them to be with him during his final moments. They were also puzzled; the priest had never given them any indication that he particularly liked either of them. They both remembered his many long, uncomfortable sermons about greed, covetousness, and avaricious behavior that made them squirm in their seats.
Finally, the banker said, "Father, why did you ask us to come?
The old priest mustered up his strength and then said weakly, "Jesus died between two thieves, and that's how I want to go."

FOOD FOR THOUGHT

“It's only when we truly know and understand that we have a limited time on earth -- and that we have no way of knowing when our time is up -- that we will begin to live each day to the fullest, as if it was the only one we had.” (Elisabeth Kubler-Ross)