Ascension (A)

SA DIIN KITA NAGATINDOG?

May isa ka OFW nga manugbalik na sa pungsod nga iya ulobrahan. Sa adlaw sang iya paglakat, nagsiling sya sa iya “junior” kag subang nga bata: “Ikaw na ang mag-atipan sang imo mga manghod. Buligi ang imo nanay sa pagbantay sa ila. Tandaan mo, bisan ako didto na sa iban nga lugar, ang akon painoino kag gugma padayon nga ara sa inyo.”

Si Kristo nagkayab na palangit apang sia kaupod naton sa gihapon. Kag tungod Sya upod naton sa tanan nga tion, bisan ano pa nga mga pagtilaw, kasakit kag pagbakho ang aton maagihan sa kabuhi, ang Pagkayab amo ang magasanag sa aton madulom nga alagyan. Pat-ud kag piho na ang aton samputan: “Kita natalana para sa kabuhi nga dayon.” Ang pagkayab kag paglingkod ni Kristo sa tuo sang iya Amay amo ang kabug-osan sang kabuhi nga maaguman man naton bilang iya mga gintutun-an. Buot silingon, magasunod man kita sa iya.

Sa Pagkayab sang Ginuo, kita Iya ginhatagan sang Misyon kag ina amo ang paghimo sa tanan nga mga tawo nga Iya man mga gintutun-an. Kag ina indi lamang paagi sa aton mga pulong kundi labi na gid paagi sa aton buhat. Katulad abi, “Ang anay Santo Papa Pablo VI nagsugid sang pinakasantosantoson nga babaye sa iya tiempo. Ang iya ngalan amo si Simone Weil nga taga-France. Sang bata pa si Simone, iya nakit-an ang madamu nga mga bata nga wala sang medyas sa “winter”. Ginpamangkot niya ang iya nanay kon ngaa wala nagasuksok sing medyas ang mga bata kay sobra kalamig sang panahon. Ang iya nanay nagsabat: “Wala sila sang kwarta nga ibakal sang medyas!” Dayon si Simone naghambal sa iya nanay: “Nay, sugod karon, indi na ako magsuksok sang medyas tubtub nga ang mga bata nga ina may medyas na nga isuksok!”

  Sa kapiestahan sang Pagkayab sang aton Ginuo, Siya nagabilin sa aton sang isa ka tulumanon kag buluhaton bilang patimaan sang Iya padayon nga presensya sa aton tunga.

Suno sa aton Ginuo, kinahanglanon gid nga Siya magbalik sa Iya nga Amay sa langit, kay sa sini lamang nga paagi nga mapadala Niya ang isa ka Mananabang nga amo ang Espiritu Santo nga mangin gikanan sang aton nga kabakud sa pagpabilin nga matutum sa pagsunod sa Iya mga sugo kag mga buluhaton.

Ayhan makahaladluk ang mga panugyan sang aton Ginuo nga mga “responsibilidad” para sa isa ka gintutun-an, apang Siya nagapasalig sang Iya padayon nga pag-upod sa tagsa-tagsa, tubtub sa katapusan sang panahon. Ano pa nga pasalig  ang maglabaw sini nga mga pulong sang aton Ginuo? Sa Iya, ginpakita sa aton nga wala na sang gahum ang kamatayon… sa Iya nalutos na ang gahum sang kalainan… sa Iya nagdaug ang kapawa batuk sa kadulum… sa Iya, naangkon ang matuod-tuod nga kahilwayan kag kadalag-an.

Sa aton nga panahon subong, padayon kita nga ginahangkat sining mga panugyan sang aton Ginuo: “Tudlo-i ninyo sila sa PAGTUMAN sang tanan nga gintudlo ko sa inyo…”, kag gani may katungdanan ang tagsa-tagsa ka Kristiyano sa paghimo sang tinindugan sa tanan nga luyag magpatalang kag maghalyo sa mga tawo sa paglakat sa dalan sang kalainan kag kasal-anan! Amo gani nga ang aton mga Obispo nagapamatuk sa mga lihuk nga balingag sa pagtulun-an sang aton Ginuo. Kita, ano ang aton tinindugan?

LIGHTER SIDE:

STANDING UP FOR SOMEONE

The teacher said to his class one day, "Please stand up, anyone who thinks they're stupid."

Nobody stood up so the teacher said, "I'm sure there are some stupid students in this class!"

At this point Little Johnny stood up.

The teacher said, "Oh Johnny! So you think you're stupid then?"

Little Johnny replied, "No, I just felt bad that you were standing up on your own."

FOOD FOR THOUGHT

“Lay not up for yourselves treasures upon earth, where moth and rust doth corrupt, and where thieves break through and steal: But lay up for yourselves treasures in heaven, where neither moth nor rust doth corrupt, and where thieves do not break through nor steal: For where your treasure is, there will your heart be also.”(Jesus Christ)

6th Sunday of Easter (A)

PAGHIGUGMA KAG PAGTUMAN

Nagapadayon ang “diskurso” sang aton Ginuong Jesus nahanungud sa Iya kasuguan sang PAGHIGUGMA. Duha ka semana antes naton pagasaulugon ang “Pagkayab” Niya– ang Iya nga pagbalik sa Iya nga Amay sa ginharian sang langit, Siya nagapahayag sang ginatumud Niya nga kasuguan sang paghigugma– Ini nga paghigugma makita sa pagpabilin nga MATUTOM sa PAGTUMAN sang Iya mga sugo, tu-ngud ang Iya mga sugo amo man ang sugo sang aton Amay sa langit. Ang paghigugma nga Iya ginatumud makita naton sa Iya nga paghi-usa sa Iya nga Amay nga ginasilyohan sang kabakud sang isa ka Mananabang nga amo ang Espiritu Santo.

Amo gani nga Siya magabalik sa Iya nga Amay agud pangayuon Niya ang paghatag sa Iya mga gintutun-an sang ila kabakud kag kapag-on sa dulut sang Espiritu Santo.

Sa sini nga mga pulong sang aton Ginuo, aton matalupangdan nga ang ginatumud Niya nga paghigugma, nagadulut sang PAGHI-USA– paghi-usa sang mga personas… paghi-usa sang panghuna-huna… sang tinutuyo… sang balatyagon. Sa malip-ot nga pulong ang kahulugan sang paghigugma amo ang     PAGTINGUB sang kabug-osan sang tagsa ka katapo!

“Love unites. It builds communities of persons!” Amo gani nga ginasiling sang aton Ginuo sa aton Ebanghelyo subong nga “kon ginahigugma ninyo Ako, tumanon ninyo ang Akon mga sugo. Pangayuon ko sa Amay nga hatagan Niya kamo sang isa ka Mananabang, ang Espiritu sang kamatuoran, nga magapabilin upod sa inyo sa walay katapusan.”

Sa paghingapos sang Panahon sang Pagkabanhaw, ang Simbahan nagatuytoy sa aton sa pagpaabot sang tion nga ang Nabanhaw nga Ginuo kinahanglan magtaliwan kag sa amo man nga tion, magpabilin upod sa aton. Sa Ebanghelyo subong, mabatian naton ang pagpamilinbilin kag katapusan nga kasugtanan ni Jesus sa wala pa Sia makataliwan sa sini nga kalibutan. Ini ang Iya pagbantala sang paghigugma kag pangagda sa paghigugma: “Kon ginahigugma ninyo Ako, tumanon ninyo ang akon mga sugo.”

Ang hapaw nga pagbasa sini nga dinalan nagahatag sing labi nga pagtamud sa di-pat-ud nga kahimtangan (kon), kag dayon, sa ikaduha nga bahin, sa pagtuman sang mga sugo ni Jesus. Ang bunga sini amo ang pagbatyag sing kabug-aton kag kakulangan sing ikasarang. Apang ang ginhambal ni Jesus, sa pagkamatuod, isa ka pangagda sa paghigugma, kay sa katapusan, ano gid bala ang sugo ni Jesus kag sa diin bala ini nagagikan– kundi sa paghigugma?

Sa tapos makapanghinaw sang mga tiil sang Iya mga gintutun-an, si Jesus nagpahayag sang bag-o nga sugo: “Maghigugmaanay kamo. Subong sang paghigugma Ko sa inyo, sa amo man nga bagay dapat kamo maghigugmaanay. Sa sini nga paagi ang tanan makahibalo nga kamo akon mga gintutun-an, kon may paghigugmaanay kamo” (Jn 13:34).

Ano bala nga sahi sang paghigugma ang nagaluntad sa aton tunga? Ini bala paghigugma nga nagapahiusa sang aton panghuna-huna, balatyagon, kag kabuhi?

LIGHTER SIDE:

LOVE CAN BE DANGEROUS

A wife comes home late one night and quietly opens the door to her bedroom. From under the blanket, she sees four legs instead of just her husband's two. She reaches for a baseball bat and starts hitting the blanket as hard as she can. Once she's done, she goes to the kitchen to have a drink. As she enters, she sees her husband there, reading a magazine. He says, "Hi darling, your parents have come to visit us, so I let them stay in our bedroom. Did you say hello?"

FOOD FOR THOUGHT

Being deeply loved by someone gives you strength, while loving someone deeply gives you courage.

(Lao Tzu)

5th Sunday of Easter (A)

ANG DALAN SANG KABUHI

Ang Ebanghelyo suno kay San Juan kilala sa iya sini “mataas nga Kristolohiya.” si Jesus nagahambal sa halangdon nga tono, nga may tingug nga daw naggikan sa iban nga kalibutan, halos lain sa paagi sang Iya paghambal sa mga Ebanghelyo nga Sinoptiko (Mateo, Markos, Lukas). Ginatumud Niya ang Iya kaugalingon bilang “Ako Amo Ako,” nga amo ang paagi sang pagkilala sang Dios sang Iya kaugalingon sa Daan nga Kasugtanan. Sa ginsaysay nahanungud sa nagadabdab nga kahuykahoy, sang magpamangkut si Moises kon ano ang ngalan sang Dios, ang Ginoo nagsabat: “Ako nga Amo sa Gihapon” (Ex 3:14).

Sa Ebanghelyo subong, si Jesus nagapakilala kay Tomas kag sa iban pa nga mga gintutun-an, “Ako amo ang dalan, ang kamatuoran, kag ang kabuhi.”

Wala kita nagatumud diri sa mga ideya; nagaatubang kita sa isa ka persona– si Jesukristo. Wala lamang Sia nagapakita sang dalan; Sia amo ang Dalan. Wala lamang Sia nagapahibalo sang kamatuoran; Sia amo ang Kamatuoran. Wala lamang Sia nagahatag sing kabuhi; Sia amo ang Kabuhi.

Sa daan nga kasugtanan, ang pinili nga katawohan gin-agda sa paglakat sa mga dalanon sang Ginoo. Nagakahulugan ini sang pagpamati sang Iya mga sugo, sang katampad sa Torah ukon Kasuguan (Dt 26:17; Sal 1:6). Sa Bag-o nga kasugtanan, samtang ang mga tumuluo ginatawag sa pagsunud sa sugo ni Jesus, labi na gid sa sugo sang paghigugma, ang ginahatagan sing labi nga pagtamud amo ang persona ni Jesus mismo. Ang mga tumuluo dapat mag-ilug sa Iya nga amo ang Dalan.

Ang panghuna-huna tuhoy sa kamatuoran kag kabuhi may subong man nga panan-aw.

Ang Kristyanismo labi pa sa mga pagtulun-an kag maayo nga moralidad. Ini pag-unong kay Jesukristo, ang bugtong nga Manugpatigayon sa tunga sang mga tawo kag Dios. Sia ang pinakadaku nga dulot nga ginhatag sang Dios sa bug-os nga katawohan, kag Sia lamang ang matuod nga makapahayag sa aton sang di-matungkad nga kamatuoran sang Dios. “Dira kay Jesukristo, paagi sa gahum sang Espiritu Santo, makahibalo kita nga ang Dios indi malayo, labaw kag nahamulag sa tawo, kundi labing malapit, sa  pagkamatuod, nagahiusa sa tagsa ka tawo kag sa  bug-os nga katawohan sa tanan nga mga kahimtangan sang kabuhi.

Amo ini ang ginasaad subong sang aton Ginuo sa aton nga Ebanghelyo. Indi kita dapat magpalibog, kundi dapat kita MAPAHAMTANG, tungud Siya amo aton kalig-onan! Kon yara Siya, wala sang may makadaog sa aton nga palaligban. Sa Iya gid lang kita wala pagtalang, tungud Siya amo ang DALAN, ang KAMATUORAN, kag ang KABUHI! Siya nagapromisa sang isa ka duog sa diin kita makaambit sang kabugana-an sang kabuhi kaupod sa Iya nga Amay sa Iya nga ginharian.

Amo ini ang aton ginahandum tanan… ang pag-angkon sang kalipay nga nagapabilin. Masubo lang nga aton matalupangdan ang aton kaugalingon nga sa masami nagapangita kita sini nga kalipay sa lain nga dalan- sa dalan sang umalagi nga kalibutan sa diin ang tanan madali nga naga-agi ukon nagalipas lamang. Pun-on mo man sang alahas ang imo lawas… naga-awas-awas man ang imo kwarta sa bangko… malapad man ang imo kadutaan… madamo man ang imo mga pagkabutang, apang sa gihapon, imo mabatyagan may yara gihapon nga kulang sa imo ginapangita nga kalipay. Masami imbes nga ini magahatag sa imo sang kalipay, ini pa gani ang nagahatag sa imo sang kapin nga palaligban!

Siling ni San Agustin: “My soul is restless until it rests in God!” Si Jesus amo ang aton MATUOD nga KALIPAY!

LIGHTER SIDE:

GENIUS VS IDIOT

A proud and confident genius makes a bet with an idiot. The genius says, "Hey idiot, every question I ask you that you don't know the answer, you have to give me 50 pesos. And if you ask me a question and I can't answer yours I will give you 500 pesos." The idiot says, "Okay." The genius then asks, "How many continents are there in the world?" The idiot doesn't know and hands over the 50 pesos. The idiot says, "Now me ask: what animal stands with two legs but sleeps with three?" The genius tries and searches very hard for the answer but gives up and hands over the 500 pesos. The genius says, "Dang it, I lost. By the way, what was the answer to your question?" The idiot hands over 50 pesos.

FOOD FOR THOUGHT

“Our heavenly Father understands our disappointment, suffering, pain, fear, and doubt. He is always there to encourage our hearts and help us understand that He's sufficient for all of our needs. When I accepted this as an absolute truth in my life, I found that my worrying stopped.”
(Charles Stanley)

4th Sunday of Easter (A)- Good Shepherd Sunday

TINGUG SANG MANUGBANTAY

Ang mga Domingo sang Pagkabanhaw nagabalita sang pagkabanhaw ni Kristo kag ang Iya sini kaangtanan sa aton kabuhi.

Si Jesus naggamit sang duha ka larawan nahanungud sa sini nga kaangtanan.

Ang mahauna nga larawan nagatumod sa matuod nga manugbantay nga nagatuytoy sang mga karnero pa-gwa sa toril padulong sa halalban, kag madali nila makilala ang iya tingug. Bilang matuod nga manugbantay, si Jesus pat-ud nga nagaatipan kag nagatuytoy sang Iya panong. Kabaliskaran Sia sang mga tawo nga nagapakuno-kuno nga mga manugbantay apang sa pagkamatuod mga kawatan. Ang una nga kabalaka ni Jesus amo ang kaayuhan sang mga karnero, kag mahinalungon Sia nga nagabantay agud nga wala sing may madula sa idalum sang Iya pagtatap. Ang karnero sang Iya panong nakakilala lag nagapamati sa Iya tingug.

Sa pagkadamo sang mga karnero sa Israel, tungud ini isa ka pangabuhi-an nga indi lamang nagahatag sa ila sang kita, kundi tungud ini nagahatag sa ila sang kasulhayan sa ila pagpangabuhi, sa bagay nga ang paghuput sang karnero isa ka daku nga bahin sa ila adlaw-adlaw nga pagkabuhi.             

Tungud sa masami, ang ginapahalban sang mga karnero isa ka “kumon” nga patag, nagaka-igo lang nga ang mga karnero may iya nga kaugalingon nga “password” nga ginhatag sang ila manugbantay, agud madali ang magtipon sa ila matapos sila makahalab sa ila halalban. Amo gani nga ginasiling sang mga nakasiyasat sini nga mga kinadayhon sang mga Israelinhon, nga ang tagsa ka manugbantay, may iya nga pinasahi nga panawag sa iya mga panong, katulad abi sang isa ka espesyal nga “panihol” ukon “tingug”. Ang indi sang bahin sina nga panong sang mga karnero, indi man makahangup sang pagtawag sang manugbantay.

Ang ikaduha nga larawan nagatumud sa pwertahan sang toril nga ginaagyan sang mga karnero sa pagpangit a sang halalban. Si Jesus amo ang pwertahan nga aton ginaagyan pakadto sa kapupun-an sang kabuhi, kay Sia gid lang ang Kabuhi. Sia lamang ang dalan pakadto sa Amay, kay Sia lamang ang lubos nga nakakilala sa Amay.

Ang katilingban subong nagatanyag sang nagkalainlain nga mga dalanon padulong sa kabuhi, pero sa pagkamatuod madamo ang nagapadulong sa kamatayon. Ang dalan gid lang ni Jesus amo ang matuod nga nagapadulong sa KABUHI!

Sa sini man nga painu-ino, ang aton Ginuong Jesus nagapahayag sang Iya buot silingon, nga bilang aton Maayo nga Manugabantay, Siya may Iya nga pinasahi nga panawag sa Iya mga sumulunod kag may pinasahi man Siya nga pagkilala sa ila.
Ining pinasahi nga pagkilal-anay amo ang nagahatag sang kahulugan sang aton kaangtanan (bilang panong) sa aton Ginuo (bilang aton Manugbantay). Siya nakakilala sa aton sang lubos sa bagay nga handa Siya sa paghalad sang Iya kaugalingon nga kabuhi agud malikaw kita sa mga halit sa aton kaugalingon. Bilang Maayo nga Manugbantay, kilala Niya kita! Paano naton Siya ginakilala?

LIGHTER SIDE:

HOW WOULD YOU?

A student named Jacob was sitting in class one day and the teacher walked by and he asked her "How do you put an elephant in the fridge?" The teacher said "I don't know, how?" Jacob then said "You open the door and put it in there!" Then Jacob asked the teacher another question "How do you put a sheep in the fridge?" The teacher then replied "Ohh I know this one, you open the door and put it in there?" Jacob said "No, you open the door, take the elephant out, and then you put it in there." Then he asked another question..."All the animals went to the lions birthday party, except one animal, which one was it?" The teacher a bit confused and said "The lion?" Then the student said "No, the sheep because he's still in the fridge." then he asked her just one more question...."If there is a river full of crocodiles and you wanted to get across it,how would you" The teacher then says "You would walk over the bridge." Then Jacob says "No, you would swim across because all the crocodiles are at the lions birthday party!" He laughs and walks away. 

FOOD FOR THOUGHT

Leadership is an opportunity to serve. It is not a

trumpet call to self-importance.

(J. Donald Walters)