28th Sunday in Ordinary time (C)

ANG PAGKA-MAPINASALAMATON

“Ang pagkamapinasalamaton sarang makaluwas sa aton.” Ini ang mensahi nga buot ipabutyag sa aton ni Kristo subong. Napulo ang gin-ayo niya, isa lang ang nagbalik kag nagpasalamat. Gani suno sa iya ginsiling nga “Maglakat ka sa paghidait. Ang imo pagtuo nagluwas sa imo”, ang mapinasalamaton nga Sama-riahanon wala lamang nakabaton sang pag-ayo sang iya nga lawas kundi sang iya gid bug-os nga kalag.

Ang Dios wala sing may kinahanglan sa aton. Kita ang nagakinahanglan sa iya. Gani dapat nga kabalo kita magpasalamat sa iya kag sa aton isigkatawo sa tanan nga bugay nga aton nabaton. Kay kon ang isa ka tawo maghatag sa imo sang isa ka MALAHALON NGA KALO, indi ka bala magpasalamat sa iya? Apang indi bala nga dapat mas magpasalamat ka pa gid sa Dios nga naghatag sa imo sang ULO nga pagasuksokan mo sang amo nga MALAHALON NGA KALO? May hulobaton nga nagasiling: “Ang pagpasalamat sa mga bugay nga aton nabaton amo ang pat-ud nga garantiya nga ina nga mga bugay magapadayon nga magatupa sa aton”. Tani indi gid kita magkulang nga mangin malilipaton kita sa pagpasalamat sa taghatag sa aton sang mga bugay sa aton kabuhi kag sa mga tawo nga nangin instrumento ukon nangin alagyan man sini..

“May isa ka Hari nga nagpaambit sang mansanas sa iya pinaka-paborito nga sulugu-on. Ang Hari nagpanit sang mansanas kag iya ginpihak ini kag ginhatag ang tunga sa iya ulipon kag gin-angkit man niya ang tunga. Angan-angan, ang Hari nakatatap nga ang mansanas nga ila ginausap hanog kag dunot na, gani sobra ini kaaslum, apang ang iya sulugu-on nanamitan gihapon kag nagayuhum pa gani samtang padayon nga nagakaon. Gani nagmuno siya sa iya ulipon: “Paano mo iya mausap kag matulon ina nga mansanas nga dunot na kag sobra kaaslum? Ngaman wala mo ina ginatupla?” Kag ang suluguon nagsabat: “Mahal nga Hari, damu-damu na nga mga maayo nga butang kag pabor ang ginhatag mo sa akon. Kag tungod sina, paano nga ang isa lang ka mansanas nga naghalin man sa imo mangin maaslum? Indi bala nga mangin INGRATO  ako kon akon ini itupla? Pero bisan hatagan mo pa ako sang bisan ano nga butang nga maaslum o mapait, manami man gihapon ang sabor sina sa akon!”

 “Indi bala napulo ang gin-ayo? Diin na ang siyam?” Ginhambal ini sang aton Ginuo sang matapos Niya gin-ayo ang napulo (10) ka mga aruon nga nagpa-  ngayo sa Iya sang bulig. Tanan sila nag-alayo apang isa lang ang nakatalupangud sang iya nga sitwasyon nga “nagbalik” kag nagpasalamat sa Mahal nga Diyos tungud sang ginbuhat sa iya.

Suno sa mga ginapanudlo sang aton Ginuo nga kon ikaw nagabuhat sang kamayaran sa imo isigkatawo, indi ka magpa-abut sang balus sa iya, kay ang Diyos nga nakakita sang imo ginabuhat sa tago, amo ang magabalus sa imo. Ini nga panudlo daw sa salungkaki sa na-obserbahan subong sang aton Ginuo. “Daw sa” nagpaabut Siya nga balusan tungud sang Iya ginbuhat nga pagpang-ayo.

Ayhan indi gid man “balus” ang ginapa-abut sang aton Ginuo, kundi ang aton lamang nga “PAGTALUPANGOD” sa kaayohan nga Iya ginbuhat sa aton kabuhi. Indi pang-”gwa” nga balus ang Iya ginapangita kundi ang aton pagbaton sa aton tagipusuon nga Siya amo ang nagagiho sa aton kabuhi. Siya ang nagapanag-iya sang tanan nga yara sa aton. Yara sa aton ang paghibalo kon paano naton IGAPABUTYAG ang PAGPASALAMAT sa Iya.

Nagbalik bala kita sa “pagpasalamat” sa Iya? Paano naton ginapabutyag ini nga pagpasalamat? Ang isa ka palad nga bukas, indi lamang para sa pagbaton kundi para man sa PAGHATAG! Sa sini  kita gina-agda sang aton Ginoo nga mangin mapinasalamaton.

LIGHTER SIDE:

THE PRIZE

Once there was a millionaire, who collected live alligators. He kept them in the pool in back of his mansion. The millionaire also had a beautiful daughter who was single.

One day, the millionaire decides to throw a huge party, and during the party he announces, "My dear guests, I have a proposition to every man here. I will give one million dollars, or my daughter, to the man who can swim across this pool full of alligators and emerge unharmed!" As soon as he finished his last word, there was the sound of a large splash in the pool. The guy in the pool was swimming with all his might, and the crowd began to cheer him on. Finally, he made it to the other side of the pool unharmed.

The millionaire was impressed. He said, "That was incredible! Fantastic! I didn't think it could be done! Well, I must keep my end of the bargain. Do you want my daughter or the one million dollars?" The guy catches his breath, then says, "Listen, I don't want your money! And I don't want your daughter! I want the man who pushed me in the pool!"

FOOD FOR THOUGHT

“As we express our gratitude, we must never forget that the highest appreciation is not to utter words, but to live by them.” (John F. Kennedy)

27th Sunday in Ordinary time (C)

ANG PAGTUO NGA MAPAINUBUSON

Sadto anay, ang mga pagano nagapati nga ang mga tawo gintuga sang mga diosdios sa pag-alagad sa ila samtang sila iya nagapinangalipay o nagapahuwayhuway lang. Apang ang Dios nga ginapakilala sa aton ni Kristo indi pareho sang diosdios sang mga pagano. Ginabayluhan niya ang larawan sang Dios bilang isa ka diktador, sa larawan sang isa ka Amay nga maluluy-on kag mahigugmaon.

Wala ginapa-anggid ni Kristo ang agalon sa palaanggiran sa iya ukon sa iya Amay. Apang ginagamit niya ini nga sahi sang tawo sa pagtudlo nga kon ang agalon diri sa kalibutan may poder sa pagsugo sang bisan ano sa iya ulipon, ang Dios may ara man nga poder sa pagmando sa iya katawhan. Kay Siya ang Manunuga kag gingikanan sang tanan. Buot silingon, kita iya lamang mga suluguon kag Siya ang aton agalon. Indi kita tupong ukon pareho sang Dios. Ayhan sa nawong lamang, tungud kay kita gintuga suno sa Iya nga laragway. Gani, sa atubangan Niya, wala gid kita sing mapabugal. Tungod ina sa simple nga butang nga kon may ara man kita nga poder ukon mga manggad, ini naghalin man lang sa Iya.

Kon kita gani may mataas nga puwesto sa katilingban ukon maalwan sa pagbulig sa Simbahan, masami nagapaabot kita nga dayawon kag pasalamatan. Apang si Kristo nagasiling sa Ebanghelyo nga kita mga suluguon kag nagatuman lamang kita sang aton katungdanan. Ining pagpa-ubos nagapakita sang aton pagtuo nga pareho sa binhi sang mostasa kag nagakahulogan nga ginatugyan naton ang tanan sa Ginuo. Siya ang ginhalinan sang tanan kag mas nakahibalo kon ano ang labing maayo para sa aton nga iya katawhan.

“Dugangi ang amon pagtuo!”. Amo ini ang ginapa -ngayo sang mga gintutun-an subong sa aton Ginuong Jesus. Ayhan tungud nagapanumdum sila nga ang Diyos may “obligasyon” sa ila bilang pinili nga mangin mananahid sang mga tawo. Ini nanginkahigayunan sa aton Ginuo sa pagpaathag sa ila kon ano gid ang buot silingon sang pagtuo– nga ini isa ka REGALO sang Diyos kag bisan “diutay” lang ini katulad sang isa ka binhi sang mostasa, ini tuman na agud sa pagmando sa isa ka kahoy sang sikomoro nga gabuton ang iya mga gamut kag itanum sa dagat!

Ang regalo sang pagtuo ginahatag sang Diyos sa tagsa-tagsa sa aton apang ara sa aton ang paglambon ukon ang pag-atipan sini agud ini magtubo kag maglambo, katulad sang isa ka suluguon nga NAGATUMAN sa binubuot sang iya nga agalon.

Ang matutum nga suluguon wala naga-isip sang iya nga ginabuhat para sa iya agalon, kundi sa pagtakup sang adlaw, siya “mapainubuson” nga nagasiling: “Sulugu-on lang ako, gintuman ko lang ang akon dapat buhaton!”. Ini tanan para lamang sa kadungganan kag pag-alagad sa iya agalon.

Madamo sa aton ang ayhan madamo na nga “ginbuhat” para sa mahal nga Diyos. Apang kon mag-abut ang mga pagtilaw indi bala madamo man sa aton ang “nagasukut” sa Diyos tungud sang aton “maayo” nga mga binuhatan? Indi kita dapat mag maisip sa Iya tungud kita, Iya manlang mga “suluguon”. Wala Siya sang “obligasyon” sa aton. Kita iya ang may obligas-yon sa Iya. Ang aton mga halad, dulot, pagpangamuyo, kag mga buluhaton nga ginapatuhoy sa Iya, isa lamang ka kahigayunan nga ginhatag sa aton agud may ara man kita nga mga pamaagi sa pagpahayag sang aton “utang nga kabalaslan” sa Iya nga pagpa-ambit sa aton sang Iya pagkagamhanan kag labaw sa tanan, sang Iya nga paghigugma. Sa pagkamatu-od, kita umalambit lamang sang Iya kaalwan nga aton ginabaton sa aton adlaw-adlaw nga pagkabuhi. Pangayuon ta nga dugangan ang aton pagtuo! Isa ka pagtuo nga sa baylo nga indi naton Siya pagbuy-an, Siya ang indi magbuhi sa aton!

LIGHER SIDE:

AN USHER’S DUTY

A man lay sprawled across three entire seats in the luxury theater. When the usher came by and noticed this, he whispered to the man, "Sorry, sir, but you're only allowed one seat." The man groaned but didn't budge. The usher became impatient. "Sir, if you don't get up from there I'm going to have to call the manager." Again, the man just groaned, which infuriated the usher who turned and marched briskly back up the aisle in search of his manager.

In a few moments, both the usher and the manager returned and stood over the man. Together the two of them tried repeatedly to move him, but with no success. Finally, they summoned the police. The cop surveyed the situation briefly then asked, "All right buddy, what's your name?" "Sam," the man moaned. "Where ya from, Sam?" With pain in his voice Sam replied "The balcony."

FOOD FOR THOUGHT

“The best way to find yourself is to lose yourself in the service of others.”( Mohandas K. Gandhi)

26th Sunday in Ordinary Time (C)

ANG MINATUOD NGA MANGGARANON

Sa tiempo ni Kristo, wala pa ang tinidor, kutsilyo kag table napkin. Kon magkaon ang mga tawo, nagakinamot. Sa mga manggaranon, ginalimpyohan nila ang ila mga kamut paagi sa pagpahid sini sa tinapay kag ini ginahaboy dayon. Amo ini ang kalan-on nga ginahulat ni Lazaro.

Karon ano ang sala ni Dives (ang manggaranon nga tawo sa aton Ebanghelyo)? Wala man siya nagpahalin sa kay Lazaro sa iya nga ‘gate’. Wala man niya siya gintindakan, ginsipa, ukon gindukol. Ginbapay-an man lang gani niya nga magkaon si Lazaro sa iya mga usik. Ngaman nakadto gid siya sa impyerno? Ang sala ni Dives amo ang sala nga “omisyon”. Matuod wala siya sang may malain nga ginhimo kay Lazaro apang wala man sia sing may ginhimo nga maayo. Buot silingon, ang nagdala kay Dives sa impyerno indi ang iya nahimo nga malain kundi nga wala gid siya sang may ginhimo agud buligan ang imol nga si Lazaro. Wala siya sang labot ukon wala siya nagpasilabot. Siya nangin bulag sa kahimtangan ni Lazaro.

“Isa ka hapon, may isa ka Kristiano nga naglakat upod sa isa ka monghe. Sila nakahibalo gid nga may bagyo kag kinahanglan nga sila makaabot sa monasteryo antes mag-gab-i agud indi sila mapatay sa tugnaw. Sang nagatunga-tunga na sila sa pagpanglakaton, nakabati sila sang ugayong sang tawo nga nahulog sa kantil kag nagapangayo sang bulig. Ang monghe nagkumod, “Suno sa amon pagtuo, ini ginatawag nga karma. Oras na gid man sang sina nga tawo nga mapatay”. Apang ang Kristiano nagsaligbat, “Suno sa amon pagtuo, kinahanglan ko buligan ina nga tawo”. Gani ang monghe nagpadayon sa paglakat samtang ang Kristiano nagpana-ug sa paghakwat sa tawo. Ginapamahulay na siya sang iya nga paghi-nakwat sang iya makita ang suga sang monasteryo. Dayon siya nasandad kag diutayan lang matumba. Pagbalikid niya sa iya nasandaran, nakibut siya sang makita niya ang bangkay sang monghe nga nagtiskog na bangud sa lamig. Ang Kristiano naluwas sa kamatayon bangud sang iya pagsakwat sa tawo nga amo ang nagpainit sang iya lawas.” Kon sa aton ini matabo, pareho man bala sa Kristiano ang aton himuon?

 Ginapakita sang aton Ginuong Jesukristo sa subong nga Dominggo ang duha ka tawo nga nagalaragway sang minatuod nga manggad nga dapat huptan sang tagsa-tagsa sa aton.– Ang isa ka tawo “manggaranon” sa mga pagkabutang sining kalibutan, apang ang isa ka tawo nga ginahingalanan nga Lazaro, isa ka “imol” nga ang ginasaligan lamang amo ang “bulig” nga ginahatag sa iya, bisan pa gani “bahug” nalang sang mga ido!

Ayhan ang paghingalan kay Lazaro ginhungud gid sang manunulat sang Ebanghelyo agud ipa-abut sa aton ang mensahe nga nga yadtong imol “espesyal” sa panulukan sang  mahal nga Diyos. Kon bayawon gani ang kwenta sa pagtapos sang istorya sang aton Ginuo, yadtong imol amo ang MATUOD nga manggaranon tungud siya ang nag-ambit sang matuod nga ginharian sang mahal nga Diyos.

Puno matuod sang mga dutan-on nga manggad ang manggaranon nga tawo sa aton Ebanhelyo, apang ang iya nga “pagka-puno” amo ang nag “tabon”, nga sa diin, wala na sang lugar ang mahal nga Diyos sa iya kabuhi!- Napun-an siya sang iya kaugalingon… sang iya kahakug nga indi gani siya makapaambit sang iya pagkaon sa ginagutum! Maayo pa ang iya mga ido!

Ang Lazaro nga ngalan nagakahulugan: “Ang Diyos amo ang akon bulig”. Indi kita mawad-an kon ang Diyos amo ang aton dalangpan! Manggaranon kita kon ang Diyos amo ang aton ginahuptan sa aton kabuhi!

Amo ini ang ginahangkat sa aton sang estorya. Sa aton pagkabuhi indi gid kita magsalig nga tungod kita manggaranon, ara na sa aton ang seguridad. Isa lang ang matuod nga seguridad– ang Mahal nga Diyos!

LIGHTER SIDE:

BEWARE OF WHAT YOU ARE EATING

A man walks into a hamburger shop and orders a regular meal. Later, the waitress brings his meal to him. He takes a bite out of it, and notices there's a small hair in the hamburger. He begins yelling frantically at the waitress, "Waitress, there's a hair in my hamburger! I demand to see what is going on!"

So, the waitress takes him back where the cook is and to his demise, he sees the cook take the meat patty and flatten it under his arm pit. He says, "That's disgusting!"

Then the waitress says, "You think that's disgusting you should see him make donuts."

FOOD FOR THOUGHT

“If a man be gracious and courteous to strangers, it shows he is a citizen of the world, and that his heart is no island cut off from other lands, but a continent that joins to them.”( Francis Bacon)

25th Sunday in Ordinary Time (C)

MASALIGAN SA DIUTAY...

Madamu ang mga nagabilib kag luyag mangin Lucio Tan, ang tag-iya sang PAL kag 300 pa nga mga dalagku nga mga kompanya. Kag madamu man ang gusto nga mangin Henry Sy, ang tag-iya sang SM Malls diri kag sa gwa sang pungsod. Apang madamu man ang wala nakahibalo nga sanday Tan kag Sy ‘nag-migrate’ sa Pilipinas halin sa China bangud sang kaimulon. Sila nagbatas sang gutom, kahadluk kag mga pagtilaw. Sila nga duha nag-umpisa sa gamay ukon “small-time”. Si Lucio nagtrabaho sa isa ka ‘factory’ sang sigarilyo. Si Henry nagbaligya sang sapatos sa Recto. Sin-o bala ang magpanumdom nga sa pagligad sang mga tinuig, sila kilalahon bilang duha sa mga pinakamanggaranon nga mga tawo sa bilog nga kalibutan? Ano ang sekreto sang ila nga kadalag-an?

Si Jesus nagsiling: “Ang matutom sa diutay nga mga butang magamatutom man sa mga dalagku nga butang, kag ang indi masaligan sa magagmay nga mga butang indi man masaligan sa dalagku nga mga butang”. Diri iya kita ginahatagan sang pagsulondan sa aton kabuhi. Tanan kita nagahangad sa kadalag-an kag manggad kag katumanan sang aton mga handum. Apang bisan madamu ang mga nagadamgo, ‘sang kurot lang ang minatuod nga nakadiskubre nga ANG ALAGYAN PAKADTO SA KADALAG-AN NAGAUMPISA SA MAGAGMAY NGA MGA BUTANG. Ang aton maid-id nga paghimo sa mga detalye sang aton pagtuo amo ang piho nga dalan agud kita mangin hamtong nga Katoliko ukon gintutun-an ni Kristo. Amo ini ang buot silingon sang KAABTIK o KAALAM sang manugdumala sa palaanggiran sa Ebanghelyo.

“Wala sang isa ka libo nga wala naga-umpisa sa piso”. Ang mga santos nangin santos indi tungod nga sila, sa hinali naghimo sang mga butang nga mga “extra-ordinaryo” kundi sila nag-umpisa sa matutom nga paghimo sang magagmay nga mga buhat sang paghigugma sa adlaw-adlaw sang ila kabuhi.

 Ang “masaligan” nga tinaga nagatumud indi lamang sa tawo nga gintugyanan, kundi sa tawo man nga “nagatugyan”. Sa aton Ebanghelyo subong nga Dominggo (Lk. 16:1-13), gingamit ang tinaga nga masaligan sa isa ka “enkargado” kag isa ka “tag-iya” sang isa ka panimalay nga may mga sulugu-on kag may negosyo nga ginapalakat.

Kon aton gid usisa-on ang aton Ebanghelyo, ini nagatumud sa relasyon sang Mahal nga Diyos sa Iya mga katawhan. Ang Diyos bilang TAG-IYA, kag ang katawohan bilang mga “ENKARGADO”. Ini nagapaabut sa aton sang mensahe nga ang tagsa-tagsa sa aton mga enkargado sang Diyos sa pagpatikang sang mga butang nga Iya gintuga, sa bagay nga ang tagsa-tagsa sa aton may RESPONSIBILIDAD sa pagpaumwad sang SAHI SANG KABUHI nga ginhatag sang Diyos sa aton.

Kon kita ginbugayan sang Diyos sang mas labaw-labaw sang sa iban, ini indi agud gamiton sa kalainan ukon “USIKAN” suno sa lengwahe sang aton Ebanghelyo, kundi ini gamiton sa KAAYOHAN kag para sa PAGPANGAMIGO– sa pagbalay sang maayo nga mga relasyon sa aton isigkapareho! Buot silingon nga ining mga pagkabutang nga gintugyan sang Diyos sa aton sa sining kalibutan, mga alagyan lamang sang kaalwan sang Diyos nga luyag Niya nga ipa-ambit man naton sa aton mga isigkatawo! Indi dapat ini paggamiton bilang hinganiban sa pagpamigos kundi bilang instrumento sa pagbatak sa mga wala-wala.

Aton nga panumdumun sa tanan nga tion nga ang tanan nga yara sa aton BUGAY lamang sang Diyos, sa bagay nga wala kita sang rason sa “pagtago” lang sini sa aton maiya-iyahon nga mga katuyu-an, kundi nga kita may “obligasyon” man sini sa pagpaambit sa aton mga kautoran nga mas labi nga nagakinahanglan. Alagyan lamang kita sang Diyos sang Iya kaalwan!

LIGHTER SIDE:

SMART BOY

There was a boy who worked in the produce section of a super market. A man came in and asked to buy half a head of lettuce. The boy told him that they only sold whole heads of lettuce, but the man replied that he did not need a whole head, only half. The boy explained that he would have to ask the manager and so he walked into the back room and said, "There is some jerk out there who wants to buy only a half a head of lettuce." As he finished saying this, he turned around to find the man standing right behind him, so he quickly added, "And this gentleman wants to buy the other half." The manager okayed the request and the man went on his way. Later on the manager said to the boy, "You almost got yourself in a lot of trouble earlier, but I must say I was impressed with the way you got out of it. You think on your feet and we like that around here. Where are you from, son?" The boy replied, "Minnesota, sir." "Oh, really? Why did you leave Minnesota?" inquired the manager. The boy replied, "They're all just whores and hockey players up there." "My wife is from Minnesota", exclaimed the manager. The boy instantly replied, "Really! What team did she play for?"

 FOOD FOR THOUGHT

“If you once forfeit the confidence of your fellow citizens, you can never regain their respect and esteem. It is true that you may fool all of the people some of the time; you can even fool some of the people all of the time; but you can't fool all of the people all of the time.” (Abraham Lincoln)

24th Sunday in Ord. Time (C)

AMAY NGA NAGAHULAT

Tatlo ka mga palaanggiran ang aton mapamalandungan subong sa aton Ebanghelyo. Ang NADULA nga karnero, ang NADULA nga salapi, kag ang NADULA nga anak. Ining tatlo ka mga nadula may kumon nga pagtapos, kag ini amo nga sila tanan, NAKITA  kag may daku nga KINASADYA nga ginhiwat tungud sa pagkakita sa ila.

Sa sining tatlo ka mga palaanggiran sang aton Ginuo, ang nadula nga anak amo ang pinaka-pamoso sa tanan. Bantug ini sa bug-os nga kalibutan ayhan tungud kay ini nagapakita sang mga gin-agihan sang mga tawo sa ila kabuhi, kag maathag nga nagapahayag sang aton tawohanon nga balatyagon sa mga sirkumstansya nga aton ginasumalang sa aton kabuhi– pagka-isip, pagpamintaha,  pagkabuha-ha sa pag-gasto ukon patuyang nga pagpangabuhi, pag-abusar, pagkaimol, paghinulsol kag pagmuklat sa kasal-anan, pagpanumbalik kag pagpakig-uli. Ini nga mga bagay ayhan masiling naton nga aton man inagihan. Pila ayhan sa aton ang ginpamintaha-an sang iban nga mga tawo ukon sang aton mga kabataan? Pila ayhan sa aton ang gin-isipan sang mga tawo nga ginakabig naton nga malapit sa aton? Pila ayhan sa aton ang nagakabuhi sa patuyang nga daw sa indi maubos ang aton tinipunan? Pila ayhan sa aton ang naga-eksperyensya sang kaimulon tungud sa aton pag-abusar sang aton kalawasan? Pila ayhan sa aton ang nakamuklat kag nakasiling: “Nakasala gid ako! Nalimtan ko na ang akon Amay sa langit! Mabalik ako sa Iya kay Siya wala nagadula sang Iya nga paghigugma sa akon!”

Kon aton lantawon sa estorya ni Kristo kon ano ang iya ginatudlo nga himuon ta, aton masat-um nga ANG PAGPATAWAD LAMANG ANG SARANG MAKAAYO SA ISA KA GUBA NGA RELASYON. Lantawa bala kon paano ang amay nagbaton nga bukas ang iya mga butkon sa iya malalison nga bata. Wala na siya nagpamangkot ukon nagpangbasol. Nagkalipay lang sia. Amo lang ina. Himutari ina nga tawo kag lantawa kon paano nga ang pagpatawad sarang gali makauli liwat sang nabuka ukon makadala sang matuod nga kasadya sa kabuhi. Gani, matandaan mo pa bala ang tion kon sa diin ang imo kabuhi daw nagaawas sa kalipay bangud kay imo ginpili nga magpatawad sang sa magtimalos?

Sa aton tanan, ini nga Domingo isa ka tini-on sa pagpamalandong kag pagbinag-binag.   Kon ikaw ukon ako, nakasala, ukon yara pa nagakabuhji sa sala, ang paghigugma sang Diyos nagpangita kag padayon nga nagapangita sa aton, nagapangita sa kaalibuturan sang aton mga kasing-kasing, paagi sa Iya gugma nga dili matungkad kag indi gani naton mahangpan, handa sa pag-abi-abi kag pagbaton sa aton, katulad sang pagbaton sang aton Ginoong Jesus sang mga maka-sasala sang Iya nga panahon.   Siling sang isa ka pari:

“Many times in our lives, we are dropped, crumpled, and ground into the dirt by the sins we commit and the circumstances that come our way. We feel as though we are worthless, like the prodigal son in today’s gospel.

But no matter what has happened or what will happen, you will never lose your value in God’s eyes.

 The other important lesson we can learn from the parable of the Prodigal Son is willingness to accept our mistake and change. Yes, God will always forgive us but we should be willing to admit we did wrong, that we committed a mistake as a condition for restoring our broken relationship with God.”

Sa gihapon ginapahanumdum kita nga ang aton Diyos isa ka Amay nga nagahulat lamang sa aton nga pagbalik bisan ano pa man nga mga “kala-inan” ang aton inagihan sa aton kabuhi. Yara lang Siya nga isa ka Amay nga nagahulat sa pagbalik sang Iya pinalangga nga anak!

LIGHTER SIDE:

GETTING BACK HIS HORSE

A cowboy rode into town and stopped at a saloon for a drink. Unfortunately, the locals always had a habit of picking on strangers, which he was. When he finished his drink, he found his horse had been stolen. He went back into the bar, handily flipped his gun into the air, caught it above his head without even looking and fired a shot into the ceiling.

"Which one of you sidewinders stole my horse?!?!?" he yelled with surprising forcefulness. No one answered. "Alright, I'm gonna have another beer, and if my horse ain't back outside by the time I finish, I'm gonna do what I dun in Texas! And I don't like to have to do what I dun in Texas!" Some of the locals shifted restlessly. The man, true to his word, had another beer, walked outside, and his horse has been returned to the post.

He saddled up and started to ride out of town. The bartender wandered out of the bar and asked, "Say partner, before you go... what happened in Texas?" The cowboy turned back and said, "I had to walk home."

FOOD FOR THOUGHT

“You have to pay the price. You will find that everything in life exacts a price, and you will have to decide whether the price is worth the prize.” (Sam Nunn)

23rd Sunday in Ord. Time (C)

JESUS YOU’RE MY NUMBER ONE

Ang aton tigulo sa sini nga pagpamalandong, isa ka titulo sang kanta nga ginkomposo sang isa ka pari. Sa iya nga pagsabat sa pangagda sang aton Ginuo sa pag-alagad, iya nga natalupangdan nga ang aton Ginuo amo gid and basehan sang iya kabuhi, kusog, kag ikasarang. Para sa iya, ang tanan nga nagalibut sa iya kabuhi, wala sang kapuslanan kon ini wala ginapasad sa aton Ginuo. Wala siya pagtalang kon ang aton Ginuo lamang ang iya ginasunud. Siya “puno” lamang kon ang Ginuong Jesus amo ang iya “pagka-on” sa iya kabuhi. Para sa iya, ang minatuod nga manggad nga iya “nadiskubrehan” amo ang aton Gi-nuo, nga wala ni sin-o man ang sarang makakuha sa iya.

Diri ginapatuhoy subong ang pagtulun-an sang aton Ginuo. Ang pagsunud sa Iya, indi lamang sang “higya-higya”, ukon “sunod sa uso” nga hitabo sa aton kabuhi. Ang pagsunud sa aton Ginuo ginabinag-binagan sang maayo… ginapamalandungan...kag ginapainu-inuhan sang maayo, katulad sang isa ka hari nga nagakadto sa patag-awayan.

Ini tungud ang pagsunod sa aton Ginuo indi sang mahapos nga desisyon tungud mataas kag daku ang Iya nga ginapa-abut sa aton. Kag ayhan ang pinakadaku nga “demand” nga Iya ginapangayo sa Iya sumulunod nga Siya ang dapat nga NUMERO UNO– “Number One” sa aton Kabuhi! Handa kita sa pagbiya sang tanan para sa Iya! Bisan ano pa ang matabo INDI GID KITA MAGBIYA SA IYA!

Sa aton pagkabuhi madamo kita sang ginapili-an… madamo kita sang ginadesisyonan… madamo kita sang mga prayoridad. Ini aton matalupangdan sa tagsa ka bahin sang aton kabuhi bisan pa sa pag-obserba sang aton mga kustumbre sa aton pagtulu-ohan, katulad abi sang mga ritwal sa aton mga relihiyon. Ang tanan nga mga relihiyon may ara nga mga kasugoan nga ginasunod. Bisan gani sa pagkaon, may ara nga pwede ukon ginadumili-an nga kan-on. “Isa ka adlaw, naglingin ang ulo sang isa ka manugluto kon ano ang iya lutuon sa isa ka salo-salo sang mga mag-abyanay halin sa nagkalainlain nga mga relihiyon. “Wala dapat sang baboy!”, siling sang mag-asawa nga Muslim. Ang magpamilya nga mga Hindu makaon lang sang tinapay kon sigurado nga wala sang itlog nga lakot. Ang mga monghe nga Buddhist indi magkaon sang utan kon ginbutangan sang bawang...”

Ang mga ‘kondisyones’ ni Kristo agud kita iya ma-ngin matuodtuod nga gintutun-an, wala nagalabot sa mga ‘externals’ kag wala nagatumod sa mga kalan-on o ilimnon ukon sa mga ritwal, ukon bisan sa aton ginasuksok, kundi nagadepende sa sabat sang aton mga tagipusu-on. Ang minatuod nga gintutun-an ni Kristo amo sila nga nagapakanubo sang ila kaugali-ngon sa iya. Buot silingon, Siya amo ang “UNA” sa tanan nga bahin sang ila kabuhi.

Subong, madamo ang nagapalapit sa Ginuo sa pagsungka ukon ang pagdala lamang sang ila mga problema sa Iya. Daw sa ginapahayag sini nga ang Ginoo amo ang aton manug-solbar sang aton mga problema kag mga palaligban sa kabuhi. Apang ang Dios nagapangita sang aton bug-os gid nga pagdala nga may pagpa-ubos sang aton kaugalingon sa Iya sa TANAN nga tion.. Buot silingon, Siya mahamuot gid kon aton ginabuy-an kag ginahalad ang aton kabuhi bisan ano pa man ang aton estado o kahimtangan sa kabuhi, ang aton mga obra, mga kaangtanan kag manggad sa Iya.

Minatuod gid man bala kita nga mga GINTUTUN-AN sang Ginuo? Ukon mga hapaw nga “ADMIRERS” o “FANS” lamang kita niya? Ang aton Ginuo gid bala ang aton PINASULABI sa aton kabuhi suno sa aton ginapahayag nga kita mga sumulunod Niya? Siya gid bala ang aton NUMBER ONE?

LIGHTER SIDE:

ADVERTISING PROPOSAL

A tea manufacturer wanted a new advertising gimmick, so the senior creative man at the advertising agency decided to go to Rome to see if he could persuade the Pope to make a TV commercial.

“We’ll give you one hundred thousand pounds for a ten second commercial”, the ad man told the pontiff. All you have say is: “Give us this day our daily tea...”

“I’m sorry”, replied the Pope, “but I can’t do that…”

“Five hundred thousand”, offered the adman.

“I’m afraid not”, said the Pope, solemnly.

“All right. One million pounds. And that’s our very last offer…”

But still the Pope refused.

On his way back, the disappointed adman turned to his secretary and said: .”It’s odd that the Pope refused to do a commercial for tea. I wonder how much the bread people are giving him…”

FOOD FOR THOUGHT

“You have to pay the price. You will find that everything in life exacts a price, and you will have to decide whether the price is worth the prize.” (Sam Nunn)